The Lovestory That We Never Had | COMPLETED | ✔︎

CHAPTER 11

CHAPTER ELEVEN

NAPATINGIN naman sa gawi namin sina Glen. May ilang bisita din na napalingon sa amin dahil sa malakas na sigaw ni Kirko.

Nakuuuu! Ang batang ito talaga ang hilig kumuha ng atensyon ng marami.

Nang makalapit na kami sa kanilang pwesto ay tila ba nag slow motion ang lahat. Pati oras at paligid ay tumigil din at tanging ang nakakainlove na ngiti lamang ni Glen ang nakikita ko.

Ang gwapo talaga nito. Kahit simpleng skyblue polo at black pants na tinernuhan ng black shoes ay talagang agaw-pansin pa rin. Wala yatang hindi babagay sa kanyang damit basta sya ang magsuot.

At mas nakaka-attract pa dito ay ang kanyang ngiti na minsan mo lang talaga masisilayan.

Ang senario na iyon ay nag restore agad sa isipan ko. Sayang! Wala akong dalang phone, tanging purse ko lang ang hawak ko. Hindi ko tuloy nakuhanan ang moment na iyon. Edi sana may video at picture ako na nakangiti sya.

Sayang talaga!

"Hi, Bigboy!" nakangiting ginulo ni Glen ang buhok ni Kirko.

"Kuya Glen narito na delivery mo." Tumatawang wika ni Kirko. At halos lumuwa na ang puso ko from its ribcage nang dalhin ni Kirko ang kamay ko sa kamay ni Glen.

Nanlaki ang mga mata ni Ella habang nakahawak sa bibig nya. Gulat na gulat sa nakikita. "OH MY GOSHHH!" Bulalas nito.

Kahit ako nga ay nagulat din at higit sa lahat tila ba tumigil ang paghinga ko dahil sa kaba. Sobrang bilis din ng tibok ng puso ko nang dumaplis ang balat ko sa kamay ni Glen.

"Kirko? Anong ginagawa mo?" Hindi makapaniwalang tanong ko sa pasaway na batang ito.

"Narinig ko kasi sila Tita Ganda na pinag-uusapan ka kanina. Tapos narinig ko din kay Kuya Zander na may gusto ka daw kay Kuya Glen. Kaya naisip ko na kayo na lang ang date ngayon."

Napasapo ako sa noo. Juskong bata ito oh! Ano bang itinuturong kalokohan ni Kuya Mico sa anak nya? Pati na rin itong si Ella, kaya naman kung anu-anong nalalaman ng bata.

Nag-skwat ako para makapantay ko sya.

"Kirko alam mong masama ang nakikinig sa usapan ng nakatatanda, diba?"

Tumango naman sya. "Opo!"

"Pero bakit ginawa mo pa rin?"

"Sorry na Tita Ganda! Eh kasi naman gusto kong magkaboyfriend ka na kaya naisip kong gawin iyon. Wala naman kayong mapapala sa mga koreano na idols nyo ni Tita Ella eh."

Natawa ako sa rason nya. Mapapakamot ka na lang talaga sa ulo dahil sa konsimisyon sa batang ito.

"Kirko ang bata mo pa pero ang dami mong alam. Sino nagturo sayo n'yan?"

Tumingin ito sa gawi ni Ella na iniexpect ko na talaga. Tinuro ng inosenteng si Kirko ang Tita Ella nya.

"Sabi kasi ni Tita Ella ihahanap ka daw nya ng bagong crush, dahil wala naman daw pake sayo yung crush mo ngayon. Tapos narinig ko nga na tinutukso nina Kuya Zander si Kuya Glen sayo. Naisip ko na baka crush nyo ang isa't isa kaya ilalakad na lang kita sa kanya. Everybody is happy, diba?"

Hindi ko alam kung matutuwa ba ako o ano dahil sa kakyutan ni Kirko. Akalain mo, isang batang kaka-seven pa lang ganito na mag-isip? What more kung lumaki na sya at magmatured na ang isip diba? Baka kung anong experiment ang gawin ng batang ito sa love.

Pero isa lang ang alam ko, maloloka na ako.

"Tutal ay birthday ko naman kaya pagbigyan nyo na ako. PLEASEEEE!" Kirko pleased together with his puppy eyes and nagpapaawang look.