CROWBONES | txtzy

PROLOGUE

｡˚⛓˚｡⋆. CROWBONES

"Ang alam ko, ang pinag-usapan nating oras ay 10PM. So, nasaan sila?"

Napasabunot nalang ng buhok si Dior sa inis dahil sa mga kaibigan niyang napakatagal dumating. Ang napag-usapan ng tropa ay 10PM magkikita sa tindahan malapit sa tanyag na haunted house na nagngangalang Crowbones.

Mahilig sa challenge ang Tukmomols... At syempre, hindi nila palalampasin ang pagkakataon na subukan ang tinaguriang pinakanakakatakot na gusali sa Manila. 

Sa puntong ito, dapat na mas matakot ang tropa nila kay Dior na nag-aalburuto na sa inis.

"Hades got na-traffic," sagot ni Prada habang hawak-hawak ang kanyang phone. Kausap niya rin kasi si Hades sa linyang 'yon.

"Apollo told me that he's with Hades, Gucci, and Tiffany," Hérmes reassured his friends — mas lalo na kina Chanel at Dior na nakakunot ang noo.

"Where did you even find out about Crowbones?" Tanong ni Chanel habang nakahalukipkip. Kahit naman sanay na siya, she hated it when Hades was late. She had to get a bottle of water from the side bago siya tuluyang magalit.

"It trended noong isang araw," Prada answered. "Everyone who dared going there never came out daw."

"Ha?!" Nasamid si Chanel sa iniinom niya. Agad namang kumuha ng tissue si Ares para sa kaibigan. "You're telling me baka tayo rin hindi na makalabas doon?!"

"Chill..." Umalik-ik si Dior habang pinapatahan si Chanel. Though, it was quite ironic for her to say that lalo na siya rin ang unang nainis kanina. "It's a challenge for us, Chanel!"

"Hindi mo ba pinindot 'yung sinend na tweet ni Ares kagabi?" Saad ni Zeus bago uminom sa hawak niyang San Mig Light. "Nako nako, Chanel."

"I slept after Apollo bid goodnight," Chanel answered. Binalot na tuloy sila ng katahamikan. Tanging si Chanel lang ang nag-aalala sa gagawin nila. Wala naman kasi sa plano niya ang pumasok sa haunted house para i-celebrate ang pagkatapos ng school year.

Kaya lang naman sila magtitipon-tipon ngayon ay dahil tapos na ang second semester sa university nila.

"Nandito na kami!" Maligayang bati ni Apollo habang dala-dala ang mga... Cooler?!

"Why the heck do we have a cooler?!" Hindi na mapakali si Chanel dahil hindi niya mawari bakit may dalang cooler ang kaibigan. Mas lalong sumakit ang ulo ng dalaga nang makita ang nakangiting mukha ng mga tropa niya.

"Hindi ka ba nag-seen sa GC?" Tiffany asked after Ares greeted her with a peck on the cheek. "We promised na sa Crowbones tayo iinom ng beer!"

"Bakit, ate Chanel?" Tanong ni Gucci. "Are you scared?"

Agad namang napatingin si Hades kay Chanel, kung saan iniwasan ng babae ang mga mata nito. Hindi pa talaga sila handa na harapin ang isa't isa matapos ang lahat ng mga nangyari.