أشكو لله قلبي الذي يعشق السلام، ولكنه لا يدعني أنعم به.
السلام عليكم ورحمة الله وبركاته.....
أني (البنت الكبيره) ل شبيب أبو حيدر.
وأمي الله يسامحها ( نوال)
إني جدا قريبة لعمر أبن باجي سماح المفقود سلطان
ما واعية للدنيا من أبوي طلك أمي
وعيت للدنيا وأني مشتته يوم عايشة بدار أجدادي أهل أبوي وشهر عايشة بدار أجدادي أهل أمي
جنت صغيرة...وعكل جاهله ما افتهم شي من الدنيا أمي تعبي براسي حقد وكره وبغض بحق أبوي واجدادي (أهل أبوها عائلة الكليط)
ومن بديت أكبر وافتهم الحجي وأسمع السوالف عرفت باجي جوهره هي زوجة أبوي شبيب وحويدر أخوي بس كرهتهم كره الظلام هلكد ما أمي تحش براسي عليهم
ويزيد حقدي وكرهي على أبوي واجدادي من احسهم يخافون مني وما يحجون شي كبالي
وانتبه لأبوي يحب مرته وابنة اكثر من عندي
إني جاهله وصغيرة بس افتهم اكو تفرقة
جنت أيام ابقى يم أمي وهم ما ارتاح يمها خوالي وجدي يتعاركون وياها لان هي ونسوان خوالي دومهن متعاركات وهي ترجع عليه تشبعني كتل تخلي حركتها بيه وتشبعني مسبه وغلط وشتايم
و أنقهر وأموت من البجي من ظل أدك عليه وتكلي - الله ياخذج يالفكر من شفت كصتج ما شفت خير
بوكت ألاجي أعيش عند أجدادي أهل أبوي أحسهم كارهيني وما يحبوني وهم يحسبوني أني شريره نفس أمي
