Pete ;
“Vegasပါတဲ့ပရောဂျက်တစ်ခု ငါထပ်ပြီးကမ်းလှမ်းခံရပြန်ပြီ ! အခုတလောဘာဖြစ်နေတာလဲဟေ ! ငါ့ရဲ့ကံတွေတက်နေတာလား ! Vegasကိုအနိုင်ယူဖို့အတွက် ကံကြမ္မာက ငါ့ကိုမျက်နှာသာပေးလိုက်ပြီထင်တယ် ”
အစ်ကိုလေးက ငါယူလာပေးတဲ့ဇာတ်ညွှန်းတစ်ထပ်ကြီးထဲကနေ Vegasနဲ့တွဲသရုပ်ဆောင်ရမယ့်ပရောဂျက်ပါတဲ့ ဇာတ်ညွှန်းသုံးခုကိုဆွဲထုတ်ပြီး အားရပါးရကိုပြောနေတော့တာ။ ဇာတ်ညွှန်းတိုင်းမှာ အစ်ကိုလေးကသာ အထက်စီးကချည်း၊ Vegasကာရိုက်တာက အစ်ကိုလေးရဲ့ညီ၊ အစ်ကိုလေးရဲ့လက်ထောက်၊ အစ်ကိုလေးရဲ့ကုမ္ပဏီဝန်ထမ်း စသဖြင့်ပဲ။
အထူးပြောဖို့မလိုတာကတော့ Vegasကသာဇာတ်ဆောင်ဖြစ်ပြီး အစ်ကိုလေးအရန်သရုပ်ဆောင်ပဲ။ ဒါပေမယ့် အစ်ကိုလေးက အဲ့ဒါကိုဘာဂရုစိုက်မှာတဲ့လဲ။ ဇာတ်ကြောင်းထဲမှာ Vegasကို နှိမ်ထားလို့ရသရွေ့ သူကသဘောကျနေဦးမှာပဲ။
“ဒါပေမယ့် အစ်ကိုလေးက သူ့ကိုသဘောမကျဘူးမလား ။ အဲ့ပရောဂျက်တွေကို ပယ်ထားလိုက်လေ ”
ငါတတ်နိုင်သလောက်လေး Vegasရဲ့ကျော့ကွင်းကနေ ရှောင်ချင်သေးတယ်။ ဒီလိုဇာတ်ညွှန်းတွေ ရလာရတဲ့နောက်ကွယ်ကလက်မည်းကြီးကို ငါသေချာသိတာမို့လေ။ ဟိုတစ်ခါ ကြော်ငြာရိုက်ကွင်းမှာတင် ငါမှတ်သွားပြီမို့။
ပြီးတော့ Vegas အဲ့ဆိုက်ကိုကောင်က ဘာတွေအရူးထနေတာလဲ ?! ငါ့ကိုလိုက်ဖို့အတွက်နဲ့ပဲ အစ်ကိုလေးလိုလူကိုချဉ်းကပ်တယ်ပေါ့လေ။ ငါပြန်မကြိုက်ခင်ပဲ အဲ့ကောင် အစ်ကိုလေးလက်ထဲ အမှုန့်ကြေသွားဦးမယ်။
ညီအစ်ကိုဝမ်းကွဲသာဆိုတယ်၊ အစ်ကိုလေးက Vegasကိုဆို အနိုင်ကျင့်ဖို့ပဲတွေးနေတာလေ။
YOU ARE READING
Be My Side [COMPLETED]
Fanfictionတစ်သက်လုံးတွဲထားချင်တဲ့လက်တစ်စုံကို အချိန်မှီကလေး ကိုယ်လှမ်းပြီး ဖမ်းဆုပ်နိုင်ခဲ့တယ်။ • 𝗣𝗹𝗲𝗮𝘀𝗲 𝗕𝗲 𝗠𝘆 𝗦𝗶𝗱𝗲 , 𝗯𝗲𝗰𝗼𝘇 𝘆𝗼𝘂'𝗿𝗲 𝘁𝗵𝗲 𝗿𝗲𝗮𝘀𝗼𝗻 𝗳𝗼𝗿 𝗺𝘆 𝗹𝗶𝘃𝗶𝗻𝗴 • 𝗩𝗲𝗴𝗮𝘀 × 𝗣𝗲𝘁𝗲 (𝗳𝗮𝗻𝗳𝗶𝗰)