[Book-1]novelထဲဝင်သွားပြီးနောက် အသဲခွဲသမားဖြစ်လာခဲ့သောသူမ

128[U&Z]

ဖေးပိုင် : [ငါ ရေနေတာ]

နောက်ဆုံးလူကို ဖေးပိုင် စီမံလိုက်တာ သိလိုက်ရတဲ့အခါ နင်မုန့် နှလုံးတို့ အဆက်မပြတ်တုန်ခါလာရင်း : [ဘာကို ရေနေတာလဲ]

ဖေးပိုင် : [အချိန်ကို ရေနေတာ။ အဲ့လူက ပင်လယ်အောက်ခြေမှာ ပုစွန်စိပ်တွေ စားတာခံရပြီး အခုလောက်ဆို အရိုးတွေလောက်ပဲ ကျန်တော့မယ်]

"!!"

ဒါက မဖြစ်ရဘူး။ သူမ ဒီမှာပဲ သေမှာကို ထိုင်မစောင့်နိုင်ဘူး။ သူမ တစ်ခုခု လုပ်ဖို့ လိုအပ်တယ်!

-

ကုမ္ပဏီတွင်

ရုံးခန်းတစ်ခုလုံးရဲ့ အပူချိန်က ကျဆင်းလို့နေ၏။ စုယွဲ့နဲ့ အခြား၂ယောက်က ထောင့်စွန်းလေးမှာ ရေခဲတုံးတွေနှယ် ကျုံ့နေကြပြီး ကြောက်ရွံ့မှုကြောင့် တုန်ယင်လို့နေ၏။ ဟော်ပေ့ချန်က ဝင့်ထည်စွာ ရုံးကုလားထိုင်ပေါ်တွင် ထိုင်နေလေပြီး မျက်နှာကတော့ မည်းမှောင်လို့နေသည်။

မနက်ပိုင်းမှာ လင်းချင်ပေ့ဆီ သူမ သွားတဲ့အထိ အဆင်ပြေပါသေးသည်။ သို့ပေမယ့်လည်း သူမက groupထဲမှာ သူတို့နဲ့ စကားပြောဖို့ အချိန်ကျ ရှိနေပြီး သူ့ဆီကိုကျ စာပြန်ဖို့ အချိန်မရှိဘူး? စုယွဲ့က သူ့ကို groupထဲ ထည့်ဖို့ အကြံပေးလာခဲ့သည်။ သူ့အနေနဲ့ ပိုပြီး သီးခံသင့်တယ်လို့ တွေးလိုက်ပြီး ထိုကမ်းလှမ်းချက်ကို မငြင်းပယ်ခဲ့ပေ။

ဒါပေမယ့် သူမက groupထဲမှာ အခုလိုမျိုး ပြောရဲတယ်? သူမက သူတို့ကို ရင်းနှီးတဲ့ ပုံစံနဲ့ ပေါ့ပေါ့ပါးပဲ ပြောတယ်? ပြီးတော့ သူ့ကိုကျ အေးခဲနေတဲ့ ရေခဲအိတ်? သူမက သူ့အပေါ် အဲ့လောက် စက်ဆုပ်နေတာလား?

ထိုအကြောင်း ပိုတွေးလေ ပိုပြီး ဒေါသတို့ထွက်လာလေဖြစ်၏။ ထိုအချိန်မှာပဲ သူ့ဖုန်းဆီက အသံမြည်လာလေ၏။ : [နင်မုန့်သည် သင့်ကို groupထဲသို့ ထည့်လိုက်သည်]

ဟော်ပေ့ချန်ရဲ့ မေးရိုးတောင့်တင်းသွားပြီး ချက်ချင်းဆိုသလို groupထဲမှ ထွက်လိုက်သည်။

'ဟမ့်! ငါ့ကို groupထဲ ထည့်လိုက်ရုံနဲ့ ပြဿနာကို ရှင်းနိုင်မယ်များ ထင်နေတာလား?'