[Book-1]novelထဲဝင်သွားပြီးနောက် အသဲခွဲသမားဖြစ်လာခဲ့သောသူမ

122[U&Z]

သူမ အသံကို ကြားပြီးတဲ့အခါ ပို့ဖို့ လုပ်ထားတဲ့ [ပြန်လာခဲ့] ဆိုတဲ့ စာကြောင်းကို ဟော်ပေ့ချန် ငေးကြည့်ပြီးနောက် ဖျက်လိုက်သည်။

ဟော်အဖွဲ့အစည်းတွင် ဖြစ်သည်။

ရုံးခန်းထဲကို ဟော်ပေ့ချန် ဝင်လာတဲ့အခါ ဘော့စ်ဖြစ်သူရဲ့ မကောင်းတဲ့ စိတ်အခြေအနေကို လျစ်လျူရှူလိုက်ရင်း ရုံးခန်းထဲသို့ ရေးကြီးသုတ်ပြာ ဝင်သွားကာ "ဘော့စ်! ဒီတော့~ ဆရာ လိုက်ချင်တဲ့ မိန်းကလေးအသစ်က ဘယ်သူလဲ"

ဟော်ပေ့ချန်က သူ့ကို တချက်စိုက်ကြည့်လိုက်ပြီး "ကြည့်ရတာ မင်းမှာ လုပ်စရာမရှိဘူးနဲ့ တူတယ် ဟုတ်လား"

"??"

"Hမြို့အတွက် ပြင်ဆင်ထားတဲ့ ‌ပရောဂျက်ကို ဒီနေ့ညနေအမှီ ရအောင်ပြင်ဆင်ထား"

"!!"

ထိုပရောဂျက်မှာ စာရွက်အများကြီး ပါဝင်တာဖြစ်ပြီး ပြီးဖို့ဆိုရင် အနည်းဆုံး ၃ရက်လောက် အချိန်ယူရမှာ ဖြစ်သည်။

တစ်ခုခု အမှားပြောမိလိုက်ပြီဆိုတာ ချီရှန် သဘောပေါက်လိုက်သည်နှင့် ပါးစပ်ကို ပိတ်ပြီး အနားမှာ ငြိမ်သက်စွာသာ ရပ်နေလိုက်သည်။

ထိုအချိန်မှာ စုယွဲ နဲ့ ဖေးပိုင်ပါ ရောက်လာခဲ့သည်။ သူတို့ယူလာတဲ့ စာရွက်တွေမှာ လက်မှတ်ထိုးနေတဲ့ ဟော်ပေ့ချန်ဆီမှ နောက်ထပ် ပေးလာမည့် အမိန့်ကို အတူတူမတ်တပ်ရပ်ကာ စောင့်နေလိုက်သည်။

သူတို့အားလုံး စကားမပြောရဲပေ ဒါကြောင့်ပဲ ဖုန်းတွေကို ထုတ်လိုက်ပြီး "ဒီနေ့ ဘော့စ်က စိတ်ဆိုးနေတာလား" WeChat groupမှာ စတင် ဆွေးနွေးကြတော့၏။

ချီရှန် : [ဟင့်! ဘော့စ်က ဒီနေ့ အရမ်းကြောက်ဖို့ ကောင်းနေတယ်! ငါတို့ ဘာလုပ်သင့်လဲ?]

စုယွဲ့ : [ငါလည်း မသိဘူး။ ကျေးဇူးပြုပြီး ဘော့စ် စိတ်ကျေနပ်အောင် ဘယ်လိုလုပ်ရမလဲဆိုတာ သင်ပေးပါလား @နင်မုန့်]

ချီရှန် : [ငါ့ပိုက်ဆံတွေ အားလုံးရဲ့ တဝက်လောက်ကို ပေးလိုက်ရင် ဘော့စ် စိတ်ကျေနပ်သွားမလား?]

စုယွဲ့ : [ဘော့စ်က မင်းပေးမယ့် မဆိုစလောက် ပိုက်ဆံလေးကို ဂရုစိုက်မယ် ထင်နေတာလား]