Unicode
" ကမ်းခြေက အပန်းဖြေအိမ်ယာက အကုန်ပြီးစီးသွားပြီ ရိပေါ်.... ကိုယ်တို့နှစ်ရက်လောက်သွားအပန်းဖြေကြမလား "
" ကောင်းတာပဲ "
ရှောင်းကျန့်ရုံးခန်းမှာ ကျင်းမူနဲ့ သူတို့အတွဲ
နေ့လည်စာစားနေရင်း သွားအပန်းဖြေမယ့်ကိစ္စကိုပြောဖြစ်ကြတယ် ။ ရှောင်းကျန့်အတွက်ကတော့ တစ်ချက်ခုတ်နှစ်ချက်ပြတ်မယ့်အစီအစဥ်လို့ပြောရမလား ။ အပန်းဖြေအိမ်ယာကို သွားစစ်ဆေးရင်း ချစ်သူလေးနဲ့အတူအပန်းလည်းဖြေရင်းပေါ့ ။
" ဒါဆို ကျွန်တော်တို့ မနက်ဖြန်ညနေသွားရအောင် "
" အင်းရတယ်လေ "
ရှောင်းကျန့်က ထမင်းကုန်းစားနေတဲ့ ကျင်းမူရဲ့နောက်ကျောကို အားမပါစွာရိုက်လိုက်ရင်း ပြောလိုက်တယ်
" မင်းလည်းလိုက်ရမယ် "
ကျင်းမူကပလုတ်ပလောင်းနဲ့ ရှောင်းကျန့်ကိုမော့ကြည့်လာတယ် ။ ပြီးမှ ခေါင်းတဆက်ဆက်ငြိမ့်ပြလာပါတယ် ။
" ကျင်းမူကို နားပါစေ ရှောင်းကျန့်ရဲ့ "
ဝမ်ရိပေါ်ကပြောလာတဲ့အခါ ကျင်းမူက ဝမ်ရိပေါ်ကို ကြောင်တောင်တောင်လေးကြည့်လိုက်ပြန်တယ် ။ ဘောစ့်ဝမ်ကထူးထူးဆန်းဆန်းဒီလိုတွေပြောနေပါလား ။
" အပန်းဖြေရုံပဲမှမဟုတ်တာ ရိပေါ်ရဲ့ " ပြောနေရင်းရှောင်းကျန့်ကကျင်းမူကို လူယုတ်မာအပြုံးကြီးနဲ့လှည့်ကြည့်လိုက်ပြီး
"အလုပ်လည်းလုပ်ရမယ်လေ "
...တော်တော်ချစ်ဖို့ကောင်းတဲ့သူဌေး ...
ရှောင်းကျန့်ကဖုန်းလာလို့ဆိုပြီး ထိုင်ရာကနေထလို့ဖုန်းသွားပြောတဲ့အခါ ကျင်းမူကဝမ်ရိပေါ်နားသွားလိုက်ပြီး တိုးတိုးလေးကပ်ပြောလိုက်တယ် ။
" အမှန်က သူဌေးက ညဘက်ကားမမောင်းရဲလို့လေ "
" ဟမ် .. ဘာလို့လဲ "
" ဆယ်ကျော်သက်အရွယ်လောက်တုန်းက သူဌေးကြီးရှောင်းရဲ့ကားကိုခိုးမောင်းပြီး ညမှောင်မှောင်ထဲ သစ်ပင်ကိုအရှိန်နဲ့ဝင်ဆောင့်ဖူးလို့လေ "
YOU ARE READING
WILL YOU.. ? ( Completed )
RomanceWill you love me ? XIAO × WANG ဤ ဇာတ်လမ်းသည် စိတ်ကူးယဥ် သက်သက်သာ ဖြစ်သည် ။
