Unicode
ဝမ်ရိပေါ်ရဲ့ သိသာနေတဲ့ မကြည်မလင်ဖြစ်နေ သောစိတ်ကြောင့် ရှောင်းကျန့်ကဆက်မမေးတော့ပဲ ကျန်းဝမ်ယုနားကို သွားလိုက်တယ် ။
' ကျန်းဝမ်ယု '
သူကြိုက်နေတဲ့ ဝမ်ရိပေါ်ရဲ့ အိမ်ကိုလာပြီး စိတ်ညစ်စရာပုံစံဖြစ်ပျက်နေတဲ့ ထိုအမျိူးသမီးကို ဆောင့်ဆောင့်အောင့်အောင့်အသံနဲ့ ခေါ်လိုက်တယ် ။ ထိုအခါ ကျန်းဝမ်ယုရဲ့နှုတ်ခမ်းက ချက်ချင်းပြုံးလာပြီး ပိတ်ထားတဲ့မျက်လုံးကိုဖွင့်လို့ ထထိုင်လာတယ် ။ သူထင်တဲ့အတိုင်းပဲ ကျန်းဝမ်ယုက အိပ်ချင်ယောင်ဆောင်နေတာ ။
' ရှင်တကယ်ရောက်လာတာပဲ '
' အခုပုံစံ အပြုအမူက မင်း ဘာလုပ်တာလဲ '
' ရှင်ကြိုက်နေတဲ့ ကောင်လေးကို လာကြည့်တာလေ ကျန့်ရဲ့ '
သူနဲ့ကျန်းဝမ်ယုဆက်ဆံရေးက လွန်ခဲ့တဲ့ တစ်နှစ်ကျော်လောက်ကတည်းက အပြီးအပြတ်ရပ်စဲထားပြီးသား ။ အခုမှပြန်လာပြီး ဇာတ်လမ်းလာရှုပ်နေတာကို သူလုံးဝသည်းမခံနိုင် ။
ဝမ်ရိပေါ်ကို လှည့်ကြည့်လိုက်တော့ စိတ်အရမ်းပျက်နေတဲ့ပုံစံနဲ့အတူ လက်ပိုက်ထားပြီးနံရံကိုကျောမှီလို့ သူ့ကိုတည်ငြိမ်စွာကြည့်နေတာနဲ့ ကြုံတယ် ။အခုချိန်မှာ ရှောင်းကျန့်ရဲ့စိတ်တွေဟာ အလွန်ကို ရှုပ်ထွေးနေပြီး ကြောက်စိတ်နည်းနည်းဖြစ်နေရတယ် ။ ဝမ်ရိပေါ် တစ်မျိုးထင်နေမှာကြောက်တယ် ပြီးတော့ ဝမ်ရိပေါ်ကသူ့ကို စိတ်ပျက်သွားမှာ ၊ သူ့ကိုမစဥ်းစားပေးတော့မှာကို ကြောက်နေမိတယ် ။ တစ်ဖက်မှာလည်း ကျန်းဝမ်ယုကို အရမ်းဒေါသထွက်နေရတယ် ။ သို့သော် ဝမ်ရိပေါ်ရှေ့မှာ သူဟာဒေါသမထွက်ပြချင်ပါ ။ ဒါကြောင့်မို့ တည်ငြိမ်စွာနဲ့ပဲ ကျန်းဝမ်ယုကို တုန့်ပြန်ချက်ပေးလိုက်တယ်
' အခုချက်ချင်း ပြန်လိုက်ပါ.. မင်းကိုငါမဆွဲထုတ်ချင်ဘူး '
' ဝမ်ယုက ရှင့်ကိုတောင်တွေ့လို့မဝသေးဘူးလေ
ခဏလောက်နေပါရစေအုံး..
အို.. ပြီးတော့ ဝမ်ယုဆီကနေ ရှင်းပြချက်လေး နားမထောင်ချင်ဘူးလား '
![](https://img.wattpad.com/cover/299832797-288-k312345.jpg)
YOU ARE READING
WILL YOU.. ? ( Completed )
RomanceWill you love me ? XIAO × WANG ဤ ဇာတ်လမ်းသည် စိတ်ကူးယဥ် သက်သက်သာ ဖြစ်သည် ။