بسمه حقها بنيه وتستحي تكشف نفسها
واتخاف من أمي ترجف من عصبيتها
والوجع ما ينحمل
بس تشاهك وتبجي وعيونها شابحتها على مريم
تبجي وياها.بدلنه و مشينه للمشفي
مو مال نترك البنيه بالبيت وضعها يخوفهناك لعبان نفس ونتحول من دكتوره لدكتوره
بعد السره والازدحام دخلنه لغرفة الدكتوره
نمشي ويه بسمه أني ومريم واميهي شايله خشمها للسكف طردتنه
-شنو داخلات كلجن
بس وحده تبقى ويه المريضهأشرت لأمي ولمريم يطلعن
لا يعرفن يقرن ولا يكتبن معرفتهن على كدهن
عاد أني افتهم من الدكتوره شتكولالله لا يوفقها تزمخ زمخ على البنيه
وهي تستحي تكشف روحها كبالها وكباليعاينت صدرها هجي بس نظرت عليها
كالتلها :- هسه احولج للعمليات يرفعوا الج،،،
وجوده بعد خطر على حياتج
تهشمت الغدد وتلفت الأنسجة
بعد تلف مابي كل فايدهتورطت كتلها
-دكتوره فدوة شنو يرفعوا الها خطيه
يعني مالها علاج،،،،ما تصيرلها جاره
بعدها بنيه صغيره لا تستعجلين بقرار العمليه
خطيه بعدها ما شافت شي من حياتهاهي دكت القلم على المكتب وزمخت بوجهي
-تعااالي اَكعدي بمكاني وانتي شخصي حالتهانهضت على بسمة بعدها كاعده على سرير الفحص
-شوووو طلعي صدرج داكشف عليه
خالتج ما أدري عمتج
تعلمني بشغليبسمه تعاين عليه وتعاين عليها
كشفت عن صدرها الها من جديدهي الحقيرة بدون رحمة وبدون مراعاة لوجعها
تلمستها بقسوة وتضغط بصابعها على مكان الزراك
-تعااالي حبابه شوفي كم كتله متكونه
العمليه هسه بصالحها
هذني الكتل باجر يصيرن أورام سرطانيهبسمه دفعت ايدها وتشهك بوجع
رجعت كعدت بمكانها
وتعاين عليه بنظره استصغار
وكالت
-وهسه شقررتي يا حبابه
اكتبلها على دخول العمليه
لو انتظر موافقه حضرتججاوبتها
-لا ما أدخلها للعمليات
اعرضها على غير دكتورهجاوبتني وهي تهز بيدها تستهزء
-مو صوجج صوجي اني كلت اساعدكم
ولو أنتم العجم ما تستاهلون واحد يساعدكمأني سمعتها كالت العجم
لو عيوني طفرت بكصتيلا أحنه من العجم ولا النه جذر يمتد الهم
و هاي كلمتها ما ينسكت عنها
ولو توصل لذان واحد ما يخاف من الله
ويكتب بينه تقرير،،،الحكومة تكرفنه من جذورنههي لأن عاينت بسمه مبركعة
وأمي و مريم لابسات عبي
بس إني سافره البس كوستم من أطلع
حسبتنه ما أدري عليمن