🍀QABAS ADAM🍀للكاتبه
فجر كانت مثل الغركان وتعلك بكشايه حجايه فهد الكالهه وكلامه اللي فهمت من خلاله انه ابوهه وامهه ينتظروهه وابوهه كان مسافر ومسوي عمليه وفرحت لان ابوهه استعان بكل عمامهه وجمع هلكد ناس حتى يخلصهه وراجع نفسه وعرف بروحه غلطان وظلمهه ويريد هسه يخلصهه وبررت غياب امهه بانشغالهه وي ابوهه وبطيبه قلب وبرائه سامحت ونست لا والاكثر انشغل بالهه بوضع ابوهه وبنفس الوقت ما ظلمت شرار اذا نفذت اللي تفكر بيه لان ما عنده شيء بقلبهه يشفعله اذا كان تعامله وياهه او اذيته او طريقه كلامه او عملته الاخيرة اللي قسمت ظهر البعير وكسرت اخر امل لبقائهم سويه
سألت بهدوء وهي تباوع لفهد وتوجهله السؤال عن وضع ابوهه وفهد رد وهو شايط غضب من الاثار الموجوده بوجهه ويريد يكسر ايدين شرار اللي انمدت عليهه بس سكت حتى ميضيع تعبه و جمع اخر ما عنده من الصبر ورد بهدوء بخير ويمشي على رجليه ومنتظرك ترجعيله وتحققين احلامك كدام عيونه وكلامه هذا عناد بشرار واكبر تحفيز لفجر اللي ما ترددت وهي تدنك براسهه وتوجه الكلام لجد الشرار الانسان اللي حبته واحترمته واله تقدير كبير ومكانه وردت جدو من رخصتك اني هالحياه انفرضت عليه وانجبرت بيهه مثل ما انفرضت على شرار وانجبر يتقبلني بحياته حتى يرضي العادات والتقاليد وهالشيء بين علينه باول شهر من جمعتنه سويه ببيت واحد واعتقد سهله على اي عاقل يفهم انه احنه الاثنين مننفع لبعض واني من بعد اذنك اريد ارجع لاهلي دنك الجد وهو مكسور ومقهور وصار عكس اللي تمناه قلبه وانكسر اكثر من شاف كسرة شرار اللي يباوعلهه وكانما يملي عيونه من شوفتهه وما مصدك انه خسرهه ورد بهدوء وهو يتقرب ويمسح على راسهه بنتي صح صار اللي ما يتمناه قلبي وعكس اللي ردته بس شاهد الله حبيتك مثل بنيتي وتمنيت تضلين ويانه ومنورة بيتنه بس اني هم ما اريد اصير اناني وشكد حبيت اخلاقك وتربيتك وروحك بنص بيتنه اتمنى الله يسعدك حتى لو كانت سعادتك بعيده عن بيتنه الله يوفقك بس لخاطر شيباتي اطلب منك ومن الشيخ طلب هي قالت تفضل جدو وهي مبتسمه اله والشيخ كال اامر ابو احمد انه كدرك كبر عندي اكثر من الكلام اللي سمعته عنك بكلامك وتعاملك ويانه اليوم اااامر ويارب اكدر على طلبك رد الجد طلبتك انه تاخذون فجر و مثل ما طلبتو بس تأجلون موضوع الطلاك اليوم وكسبنه خوتكم وشوفتكم ويجوز الله كاتبلنه نكسب نسبكم اذا تصافت النفوس وما نريد نغلط ونستعجل بالحكم ولخاطر شيباتي طلبت هالطلب واتمنى ما تردوني ومن ترتاح النفوس وتطيب الجروح بعد شهرين انه ووليدي وهالوجوه الخيره نروح لاهله واذا قبلت نردهه وتشرفنه بنسبكم وان ما قبلت ترد هاي خلص بعد مالنه يمكم حجه ووليدي يطلقهه بكل هدوء
شرار اللي كان يحس روحه مختنك وضايع بنص اعصار قوي ميعرف وين ماخذة ولا يعرف شنو راح يصير بيه وللاسف خسر حقه بالتعبير عن رفضه بعد ما جده نعمان قرر وخصم الكلام وما بقى اله اي حق بالكلام او الاعتراض على قرار جرح قلبه وكسر نفسه وحطم روحه
YOU ARE READING
شرار الفجر
Romanceقصه فتاة بريئه تسرق منها ايامها وتعيش اقسى انواع الظلم وتذهب فصليه وتجرع المر وتصبر وتعيش املآ لترى النور في نهايه النفق
