شرار الفجر

بارت (٩) اليوم المشؤؤم

🍀QABAS ADAM🍀للكاتبه
احس روحي بكابوس واريد اخلص منه شلون ما اعرف لو هو جيران واعرف اهله اروح اشتكي لامه لابو بس اللي عرفته هو من البصرة اني وين البصرة وين يااارب اضطريت اكوم العصر واغسل وامشط ارتب حالي حتى لا يشكون اهلي ويخافون ونزلت ماما كانت تسوي شاي العصر وبابا يصلي من شافني كال اليوم ماكو البيت بلياك فارغ غاليتي وينك حبيبه بابا ابتسمت بتصنع وحضنته وجاوبته كنت تعبانه من الرياضه ركض ركضنه مو طبيعي وتعبت وحتى جيت سبحت نمت من التعب حتى جوعانه كال يخسى الجوع ابتسمت وماما صبتلي وجابته وكمت اكل ما اشتهي بس اخاف يشكون كلتلهه ماما الله لا يحرمني منكم بابا كال شلون نسيب ابو امجد السايق اليوم جاكم بالموعد بالرجعه اني غصيت كالت ماما ايم الله كلتله زين حباب بس بقيت افكر اني اليوم غياب وشلون السيارة هي نفسهه مال ابو امجد معقوله متفق وياهم واخاف احد يخابر ماما يسال عني ابو امجد وين شلون نطاهم سيارته افكر وصافنه وخلص اليوم وثاني يوم قررت اغيب كلت لماما الجدول مو مهم واني عليه الشهريه وبارده ما بيه امشي وماما وافقت وقالت اني ما اداوم ابقى يمك فرحت كلش وطلع بابا فكرت هاي فرصتي احجي لماما بس شفتهه تشرب حبوب السكر سكتت اذا جتهه صدمه يصعد سكرهه وتنجلط لاقدر الله سكتت وابوع على الساعه وعيني على التلفزيون بس ممركزة بيه ابد اشوف بعد كم ساعه وهذا البيت الهاديء يصير نار ويشتعل و لاقدر الله خاف اخسر واحد منهم يارب عيني يارب وخلصني منه كمت صليت الظهر بالسجود بقيت ادعي الله يخلصني منه ما عندي اي احد غيرك يارب يخلصني رجع بابا واني خايفه وافكر دراستي اللي هملتهه صار (٥) ايام مفاتحه الجنطه وشايفتهه شبيهه لا وجماله الرسائل ياربي بالجنطه يعني لو ماما فاتحتهه لا ماما متفتحهه فكرت احركهم بس خفت ماما تسألني شنو  كلت من ينامون ورا الغدا اطلع برة اذبهم بالحاويه دنتغدا وبابا يسولف لماما على الطفل ابن التاجر اللي بسببه بابا تخربط انه امه ماخذته ومسافرة بيه لتركيا وابوه مسافر يدور عليه ويسولفون على الدوام كملنه ماما تنظف بالمطبخ واني اجهز الشاي لبابا واندكت الباب حيل ما بقه بيه ولا نفس ما اقدر اسحبه واتنفسه بابا كال منو بهالظهريه ماما جاوبته خاف فقير كال بهالظهاري تذكر اروح اشوف منو طلع بابا واني احس الزمن وكف بيه من الخوف معقوله هو واسمع بابا يكول تفضلو يابه تفضلو وفتح الاستقبال ودخلهم واجا علينه ماما سألته منو كال اني موتتي على ايد هالولد لك كرامه احساس غيرة كلهن مخلصهن جايب زلم اثنين وياه وهم جا وجماله رجال كبير وي هذا الولد اللي اجه وياه قبل كم يوم شلون بيه متكوليلي اني احجي هندي ما يفهمني ويقول متضيفونه اوووف يابه فجر صبي ٣ جايات وانطينياهن صبيت الجاي لان كان جاهز وايدي ترجف بابا باوعلي وسحب نفس وكال عيينني يارب بس ضايج اول مرة اشوفه هالشكل اني ما اعرف شاسوي وشاتصرف وامي تحجي وتغلط ما عنده كرامه كلنالك لا يعني لا شويه كام العياط وصوت عالي بابا يكول كلت ما عندي بنت للزواج عندي طفله قاصر قانونيا ما ازوجهه ابني تفهم طفله طفله وهم يلحون ويسولفون وبعدين صخام علاء كال ما متزوجهه هسه والله بس اعقد عليهه وورا السادس اتزوجهه وانت روح اسال البنيه اذا ما قبلت اطلع بعد ما اجيكم هنا احس السكين نخلت على رقبتي وراح انذبح لا اقدر اقول لا واخاف يشوف بابا صور والفديوات ولا اقول اي بابا يموت من صدمته وماما يمي تكمز وتحجي ولا اسمعهه دخت واحتصرت روحي بموت لعدوي وقليل يارب شلون بيه فتح بابا الباب وكان واثق من نفسه وواثق مني للاسف وصاح باعلى صوت بنتي فجر تعالي وخلصيني احجي وكولي لهالزلمه شنو رأيك بكلامه تقبلين تتزوجي اني مشيت وامي لبسه ثوب الصلاه ودفعتني بهدوء وكالت امشي لتخافين احنه وياك فهميه مقامه وهو شنو خلي يعرف قيمته هنا صار بوجهي وفاتح عيونه حيل ووجهه احمر طماطه ومبتسم احقر ابتسامه بالعالم والرجال اللي وياه كبير اكبر من بابا وهذا الحقير صديقه واقف ومتاكدين من جوابي اني هنا كلت ارفضه واخلص احتمال يحس ولان اكو رجال غريب يجوز يطلع واخلص بس اذا وافقت اخسر اهلي وثقتهم رجع بابا سألني بابا قابله بهالولد اللي كدامك هو رفع تك حاجب مثل تحدي جاوبته لا بابا ما اقبل هو بسرعه انصدم وتغيرت معالم خلقته وصاح شنو متاكده انت بابا جاوبه شنو ما سمعتهه انت قال لعد شنو تضحكين عليه هنا عيوني فتحتهه بكل قوتهن وانصدمت منه تمنيت يسكت بابا جاوبه شتقصد كال بنتك عدهه علاقه ويايه صار كم شهر ورسايل وصور وتلفونهه يشهد جاوبته لان متاكده من روحي كذاب بابا اصلا تلفون ما عندي هو ضحك وكال اي صدك صدكتك لك بابا التلفون اللي جبته اني الك افتحه وشوف الحجي اللي بيه كمزت وصحت بابا والله ما عندي تلفون كال جيبي جنطه المدرسه واني كنت واثقه من نفسي والجنطه بالصاله كدامي ركضت جبت الجنطه بس نسيت الرسائل حضي الاغبر وفتحت الجنطه وكلتله وين تلفوني ها وين هو تقدم بكل صلافه ووقاحه وفتح جيوب الجنطه وفرغهه كلهه على الطبله ووكع تلفون صغير سامسونك هنا صدمتي اكثر من صدمه بابا وماما بقيت احلف بابا والله مشايفته بس هو راد بابا يتاكد اكثر وطلع الرسائل اللي طلعت صدفه من الكتاب من وكع جنطتي لعلاء خدمه زايده مني على طبق من ذهب وقال ماعدا الرسائل وشمرهن جوا رجلين بابا وفتح التلفون واني اريد احد يصدقني ومخلي اسم فجر باسوورد وفتحه ودخل على الواتس اب وطلع الحجي والصور اللي بعمري مشايفتهن بس اني عرفت البارحه من خطفني كان مخليه بالجنطه ولان يعرف بيه راح ارجع محطمه ما اكدر افتح جنطتي خلاه لا والمشكله مدبر كلشي ومرتب التلفون بطريقه محد يشك بابا يقرأ وعرك واعصابه متتحمل وماما ساكته وترجف واني اكمز واحلف وهو يكول فجر عيوني اهلك مثقفين وهسه يتفهمون حبنه لتخافين عيوني واني اعيط من انفكست عيونك بابا كال حتى وان بنتي غلطت واخذت منك هالتلفون وسوت علاقه وياك بنتي عندي واني اعيد تربيتهه بس هم ما عندي مرة الك واطلع بلا زحمه منك ولا عاد تدك بابنه وبنتي اني اعرف شاتصرف وياهه هو عصب لان بابا سد الطريق عليه وكال انت اضطريتني احجي وانت هم حبيبتي حتى ما نخسر حبنه بابا لازم يعرف واني ابجي واصرخ بابا هذا كذاب والله كذاب عمي البارحه كانت يمي بالشقه وحتى للمدرسه ما راحت وتاكد بنفسك واذا متصدك هاي شوف هاي الصور اني وياها ما اعرف بشنو كان يفكر الشيطان بذيك اللحضه وكف وتعجب بيه وبنذالته فتح التلفون وكام يشوف بابا صور واني نايمه على حضنه وبس بالكيمونه ومتغطين سويه وشعري مفتوح واني نايمه وهو يبوس كصتي وايدي بابا شاف هالشكل عصب بشكل هستيري ودخل يركض وهو يحلف الا اموتك وكتلك على ايدي وماما تركض وراه تهدي بيه والرجال يصيح استهدوا بالله وستروا على بنتكم بدل الفضيحه واني ادك والطم واعيط على كميه هالكذب والتلفيق والظلم واعرف خوفي على اهلي هو اللي راح يخليني اخسرهم ورجع بابا وبايده سكينه كبيرة تخوف وعيونه تطفر شرار عمري وحياتي مشفته بهالشكل الله لا يوفقك ياعلاء يارب ينتقم منك ادعي ابجي اعيط اضرب برجلي وماما تخزرني بطريقه تخوف وبابا بوجهي مباوع وراح يريد يهجم على علاء بابا نار وسرعته مو طبيعيه وهذاك العار خاف وركض طلع بره البيت وبابا ركض وراه وكلنه ركضنه وراه ماما واني نريد نخلص بابا ليأذي هالمجرم وهذولاك يركضون ويعيطون احنه بيتنه على شارع وهو طلع يركض خايف على روحه لان جبان وممتعلم يواجه متعلم يغدر هو ركض ولحد ما دنركض بالكراج سمعنه شخطت سيارة قويه وبسرعه شفته اندعم وشمرته السيارة وطار ووكع على مسافه وبابا وراه وشايل سكينه لحضات واباوع الدم راسه نملى بيه وثواني والسكينه توكع من ايد بابا وبابا بلحضتهه وكع بالكاع اني من صدمتي ما اعرف شاسوي اعيط واصيح وماما تعيط صديقه العار اللي كان وياه نهزم بسرعه واختفى من الانظار وابو السيارة بسرعه نزل شال علاء وهو يصب دم وصعده بالسيارة هو والرجال اللي وياهم

يتبع لا تنسون تضغطون النجمه ⭐وتصوتون
🍀QABAS ADAM🍀للكاتبه