شرار الفجر

بارت (٨) اليوم الاسود

🍀QABAS ADAM🍀للكاتبه
وبعد ما صار عمر نيران وعلاء سنه اندعم احمد ابو شرار وتوفى طبعا كانت صدمه للكل واكثر اللي تاذو الجد وانعام لان كان حب حياتهه اما وضحه ما تأثرت هواي وبقت مهتمه بنفسهه وهي حلوة وترتب بروحهه وكملت العده منا ورادت تطلع من البيت بس حجي نعمان ما قبل لان اخوهه قبل كم شهر متعارك وهو سكران وضاربي سكينه وميت وما عدهه احد هي عاندت وقالت اني صغيرة واريد اشوف نفسي اتزوج الحجي جن جنونه ما صار كم شهر من مات رجلك وهو عاند الكل لخاطر واخذك وهذا ابنك بعده ما يتخطى وين تولين بيه ورفض تماما قال اني ما عندي احد غريب ومحرم عليك هو كل البيت نسوان بس ابنك وابن رجلك بالبيت وهم اطفال عيشي هنا وربي ابنك حالك حال ام شرار اللي حتى لاهله بيت الشيوخ ما قبلت ترجع حتى لا تكسر بخاطر عمهه المهم بعد شهر كعدوا الصبح ولكوهه منهزمه وحتى ابنهه عايفته واخذته انعام تربي وي نيران واعتبرته ابنهه وكبر وكل ما يكبر مشاكله تكثر عكس اخوه شرار الرزن العاقل الحكيم واخته نيران المؤدبه الحنونه هو قوله الحجيه زكيه جديته تقول شاك الكاع وطالع والجد يقول هو بيضه ماذره قصده بيضه فاسده لان كل تصرفاته مو زين لو يضرب اخته من كانو صغار لو يكطع سبحه جده الكهرب ويشمرهه بالتنور لو يكسر ويكذب وصار بالمتوسطه يروح للبستان يبيع من التمر بدون علم جده يبوك التمر ويبيعه وبالرغم الجد ابدا ما باخل عليه اللي ينطي لشرار ينطي لعلاء بس هذا عنده شله ويضحكون عليه يصرف عليهم عكس شرار اللي كان يدرس ودخل كليه هندسه وعاقل والناس تحلف باسمه وشرار وعلاء بكلشي النقيض شرار اسمر طول معضل شعره اسود كثيف ضخم علاء ابيض احمر على قوله نيران مربوع لا طويل لا قصير وشعره جوزي وخفيف ونوعا ما سمين وحتى بالاخلاق كل الزين عند شرار وكل السيئات عند علاء ودوم الجد يكول مخول هالولد بالثالث متوسط بطل وعاند وترك المدرسه والجد قنعه وانطاه اشكال بس حتى يرجع وهو ابدا ومرت السنين وكبرو وتخرج شرار من الكليه
هذا شبيه شرار بس اسمر اكثر واضخم

واقنع جده انه يشتغل بالسيارت وفعلا اخذ مبلغ من جده وكام يشتغل بالسيارات بحكم معارفهم بالخليج وخاصه الامارات وصار هو يورد السيارات للبصرة ولبغداد وللشمال اما علاء من خطا لخطا تزوج جيرانهم وخمس شهور وطلقهه ولا نفع بدراسه ولا شغل الجد ما قبل ينطي فلوس حتى يمشي عدل وينتبه لاخلاقه وتصرفاته وبيوم راح للبستان وتحرش ببنت عم ابو كانت بنت صغيرة ارمله وحاول يتعدى عليهه واهله يدورون عليه وهو راح لمكتب شرار يستنجد بيه وفهم شرار انه هي عدهه علاقه بيه من مات زوجهه كبل سنه وهسه فضحته لان رفض يتزوجهه بس هالكلام من تاليف علاء بس وكل كلامه كذب شرار خاف على اخوه لا ينقتل وهو بس هالاخ وهو من صغره يحبه رغم اخطاءه وحاول وياه بس ما كدر يصلحه على كوله جده الحب يطلع على بذره جده ابو امه وخاله وجديته ام امه وامه اللي انهزمت واختفت بس برغم هذا ما يكدر يفرط باخوه ويعرف ولد عم ابوه يذبحوه لان يعرفون بنتهم طاهرة وعلاء مو نزيه فا اضطر شرار يهربه لبغداد عنده شقه مشتريهه هناك من يروح يبات يشتغل بيهه وانطاه مبلغ وينتظر يهدء الموضوع ويحله وكان مفكر يطلب البنت ويزوجهه لعلاء ويستر على المشكله وبعد اسبوع راح عند اخوه وفتح موضوع الزواج بس قفل علاء وكال يقتلوني ولا اتزوج ارمله اني اريد اتزوج بنيه صغيرة وحلوة تخبلت بس غلطت وسد السالفه واني اصلا مستحيل ارجع اعيش بالبصرة راح ابقى بهالشقه وانت انطيني مبلغ اشغله والكي بنت الحلال واستقر ولا بعد تشوفوني من شاف شرار علاء قافل لدرجه يسلم نفسه للشرطه انطاه مبلغ سيارة وربطه وي مجموعه اصدقاء علمود يوجهوه وحذره يغلط لان هو غريب هنا وماله احد يوكفله
🍀QABAS ADAM🍀للكاتبه

ومرت الايام
ونرجع للوقت الحالي
بعد ما فتحت فجر عيونهه شافت نفسهه بغرفه غريبه ونايمه على جربايه وراسهه يوجعهه كلش وبدون صدريه وبدون قميص بس لابسه كيمونه والستريج اللي تلبسه جوا الملابس لان بارده شتا وشعرهه مفتوح كامت تستوعب نفسهه وتذكرت ابو وجه الاحمر من دخل للسيارة وخله خاولي على وجهه وكامت تعيط وتبجي وتصرخ دخل هو وولد ثاني وابو وجه الاحمر وهو مخنزر عيونه ويبتسم كال اش ولا كلمه ترة هسه اسوي الشيء اللي اتمنى اسوي يله لبسي هدومك خلي نرجعك للبيت وهالمرة وبعد الصور اللي عندي والفديوات وانت بحضني انت بنفسك تقنعين ابوك ونتزوج وهالشهر هذا انتي تنورين هاي الشقه عروس اليه هي كالتله انت مجرم شسويت وتبجي منهارة وتضرب بيه بكلشي يمي وهو جر ايدي بقوة وعصرهه وقال اش اش اش كلمه ما اسمع و لتخافين ما سويتلك شيء بس نومتك بحضني وعلى صدري اوووف ياريحتك وصورتك حتى انت بنفسك تقنعين ابوك ونتزوج واذا ما اقتنع اني اشوفه الصور وساعتهه يبوس ايدي حتى استر عليك واخذك يله حبابه بدلي ودنرجعك لان هسه حلت المدرسه اني ابجي ومتهسترة لبست صدريتي وقميصي ولفيت شعري شلون مجان ولملمت نفسي بس اتمنى الموت واخاف هذا الناقص سوالي شيء لان اني اصلا ما ادري بنفسي وافكر اذا بابا عرف والله يموت بلحضتهه بسرعه طلعت والشقه قذرة وريحتهه تلعب النفس وطلعت وهذا الولد يضحك وي ابو وجه الاحمر ويكول مبروك علاء عيوني بعد كم يوم وازفك بايدي طلعت وامشي وراهم واني منهارة كوة امشي مو مرض بس تعب نفسي وكوه اجر بروحي وخيبه امل على حياتي اللي انتهت وعلى ماما وبابا وسمعتهم وتعبهم عليه وحياتي اللي كانت مثل الورده الجوري بحديقه ذهب وهسه احتركت الحديقه وصارت بنص الرماد صعدت وياهم وهو يحجي وصديقه بالصدر وكال باجر العصر اجيكم اطلبك وانت كولي لابوك موافقه وفضيهه ترة والله احط الفديوات والصور بايد ابوك وهو المسكين داوي ومثل ما عرفت مريض يعني انفخ عليه ويسلمهه ويموت واني دموعي تجري كال يله حبي نزلي هنا وتمشي وباجر العصر موعدنه واني مرتبكه وخايفه لا يعرفون واخاف اكوللهم اخسرهم بابا وماما صحتهم على كدهم ماما عدهه سكر وبابا محتاج عمليه بقلبه من احجيلهم اكيد اخسرهم او اخسر واكد منهم واني اموت ولا يمسهم شيء مسحت دموعي ودخلت واني موعوبه بس قويت نفسي لخاطرهم وماما شافتني كالت بيك شيء شو هوسه وجهك اصفر وشعرك هالشكل كلتلهه جوعان كلش لان اخر درس رياضه وركضنه وتهوش شعري ومن الجوع كوة دامشي الله ينعلك علاء هاي ثاني مرة اجذب على اهلي الله يلعنك وين راح توصلني كالت يله ماما غسلي وبدلي وارتاحي هسه ابوك يجي من الدوام ونتغدا صعدت ودخلت قبل للحمام من قهري فتحت المي ودخلت جوا المي بالصدريه والقميص وبكل هدومي وبقيت ابجي الى ان خلص دمعي بعدهه نزعت ملابسي وخليتهم بالغساله وصفنت وكمت افكر معقوله هذا الحقير سوالي شيء معقوله اني ما عندي اي معلومات عن الزواج وهالمواضيع فقط اللي درسته بالاحياء وما عندي احد اسأله خفت كلش بس شبيدي شاسوي يااارب ارحمني وخلصني منه صاحتلي ماما وبسرعه طبيت للفراش سويت نفسي غافيه صعدت ماما وشافتني وطلعت واسمعهه تقول سوده عليه نامت وهي جوعانه بس من التعب والله درس الرياضه اخر درس للطالب اوووف منهم واني غطيت راسي ودموعي تجري يارب عيني دليني شاسوي ودموعي تجري وشعري بقراصته ويجري مي على الفراش من البجي احس ملح بعيوني وتحركني ياربي كل حياتي نقلبت شلون شنو الحل اخابر الشرطه بس ما اعرف اي شيء عنه غير اسمه يارب منو عندي لو اخ ابن عم خال كان طلعولي حقي يارب ما عندي غير هالاهل وهم مثل ما تعرف كبار ومرضى شلون بيه وشلون اكول لبابا اريد واحبه وزوجنياه يمكن بابا الا يوكع بمكانه حلهه من عندك يااارب يالله

لاتنسون النجمه⭐ يتبع
🍀QABAS ADAM🍀للكاتبه