شرار الفجر

بارت (٣٨) أزمه في الطريق

🍀QABAS ADAM🍀
بعد الغدا بقوا يسولفون وانفتح موضوع فهد ابن عم فجر اللي جاي وناهي عليهه ويريد ياخذهه وشلون هي ما قبلت تروح وسولفو السالفه كلهه واقبال تكول وشبيهه شايفيهه مخترعين هي بطرك فصليه ايمان تكول اذا هي من حسنهه متزوجه وينهون عليه شايفه هيك قبل سامعه وبقو يسولفون ويتناقشون وطلعت بعد الغدا عمتهم اقبال هي وبنتهه من بيت الجد وهي تتنافض ومعصبه وصايرة نار وهي تكول جيت (اكحلهه عميتهه ) اني اريد افركهم حتى ياخذك وجتهه بارده مبرده وشوف الظيم بايدي وبلساني اللي دوا الحش صعدتهه لغرفته عمي وين تلكي مال وجمال وثكل واخلاق وشهاده وكل هالمال بحضنه دخلت لبيتهه وكعدت بالكاع وشمرت عبايتهه وهي تدك على رجليهه وصفا بنتهه تحاول تهديهه يمه عيني هدي بالك ليصير بيك شيء وهي تكول عساني بالنار لك ما شفتي شلون بغبائي بارده مبرده حطيتهه بحضنه من شفته ميريدهه وما قبل تصعد لغرفته كلت شايط على موتت اخوه وماله نفس بيهه بس عمي الاخ كيلو ببيش وهي فاره العايله كلهه لك عمري كله ما شفت امي راضيه على بشر بس نعيمه غاسله مخهه وكلت لان قبلت احمد ياخذ عليهه مرة وسكتت رضت عنهه بس هاي الخوينسه مصارلهه شهر والكل صايرلهه محامي عمي اذا هي كامت تدز صواني الغدا وتغير بالبيت وما فاتحه حلقهه ومثل النمل تنظف وتجلف خمو مثلك العرمة كاضبتلي هالتلفون الاكشر وراسك بيه وما تمدين ايدك بشيء وضربتهه بالنعال وهذيك عاطت وركضت وهي تصيح اي وعود من حورة هو بكد جدي اكبر مني بقرن وكاتله روحك عليه لان صفا تحب ابن جيرانهم وبعمرهه وهي عمرهه( ١٧ ) بس متكدر تحجي تخاف من امهه لان الولد حالتهم فقيرة وتعرف امهه تحب الفلوس هنا عاطت بيهه اقبال اي بنت المطي تدور صغير لك هو توه قبط (٣٥) منين جا الكبر مثل ابوك بنت فكر من راح اخذ وحده اصغر منك ضلي بايرة على قلبي اقبال تزوجت واحد جيرانهم تحبه بس فقير وهي بنت غنى بقت تعير بيه وكرهته بنفسهه وهواي مشاكل بينهم سببهه الفلوس وهو لخاطر ابوهه صابر عليهه وجابتله اربع بنات ومجابت ولد وابوهه حب يوزع الورث وهو عايش بعد وفاه ابنه احمد وكال اريد كل الورثه يتمتعون بفلوسي وهم بصحتهه وبشبابهم لان اذا كبروا بعد مالهه طعم الفلوس والبيت الكبير صار حصه شرار وامه وام شرار تنازلت لشرار على حصتهه وصار البيت كله لشرار وايمان انطت نصيبهه لابنهه ايهم وقدر يتشارك وي شرار ويشتغلون بس حصه شرار بالشغل (٧٥) وحصه ايهم (٢٥) لان شارك بنسبه قليله وبرغم هالشي دخلهم خير من الله وتوفقوا بالشراكه وما بينهم مشاكل ومن اخذت الورث وبدون رضا ابوهه  انطته لرجلهه حبت تسيطر عليه وتحكمه على ابو فلوسي وورثي هو اخذ الفلوس وتزوج بنت صديقه واصغر من بنته صفا هنا ثارت وعصبت وزعلت يم اهلهه بس كلام امهه وشماتتهه بيهه وليش انطيتي ورثك اكلت راسهه خلتهه ترجع لبيتهه وتتحمل كلشي احسن من شماته كل الناس بيهه وضلت عايشه بمستوى اقل من الكل لذلك كانت مصرة تزوج وحده من بناتهه لشرار حتى تشبع هي وبنته بالورث والبيت الكبير وتتحكم بكلشي وبقت تفكر بيا طريقه تكدر تجيب رجل شرار او بطريقه تطلع بيهه فجر من البيت وتسولف وي بنتهه اللي وهي تضحك على عقل امهه كالت اي ادري اذا ما يريد يتزوج قابل تسحرينه باوعت عليه وكالت لك يخبله هذا صايم مصلي ميعوف فرض وامه النهار كله ترقي بيه ما يثبت عليه سحر والا كان من زمان سويتله بس دبارهه عندي وكالت لبنتهه انت سمعتي شغله ابن عمهه اللي بالعمارة يعني اذا فريناهه للسالفه ولعبنه بيهه اكيد اكيد نتهمه بيومهه يطلقهه شرار وياخذك يالزركه وافتك منك وانه وانتي نلعب بالفلوس لعب مو هسه حال الظيم ياحالنه صفا كعدت عدل وكالت اي وشتسوين ردت عليهه افتحي هذا المصخم مالك ودوري بالفيس مالتكم على فهد ............ لان مثل ما عرفت ابو شيخ عشيره كبير ودوريلي بلكي يطلع عندك وفعلا بقت تدور ولكت هواي اسماء تاهت بينهم بقت تدور وكتبت الاسم بالانجليزي وشافت بروفايل صفحه فهد ومكتوب خريج لغات وشيخ عشيره وصورة بالدواوين وبحثت اكثر شافت المكان العمارة وفعلا كانت صفحه فهد وكمزت وجت يم امهه وهي تكول هذا ماكو غيره كامت الام وكالت اصبري ساعه وارجعلك طلعت راحت للسوق وبعد ساعه رجعت جايبه تلفون سامسونج صغير مستعمل ومشتريه بيه خط بس بدون اوراق ومنزله بيه فيس وجتي على بنتهه وبسرعه طلبت منهه تسوي حساب وفعلا سوت حساب وسمته مظلومه من صغري ودزت بيه طلب صداقه لفهد وكتبت رساله لفهد بالماسنجر