شرار الفجر

البارت (١٦) القدر المجهول

🍀QABAS ADAM🍀للكاتبه
بغداد بالمستشفى صحت فجر وهي افضل صح تبجي ومتسكت ومتقبل تاكل وعصبيه عكس طبيعتهه الهادئه اللطيفه بس افضل من قبل ايام بدت نوعا ما تتصالح وي وضعهه بس دموعهه موكفن وعقلهه مل تفكير باللي شافته من جهه ابوهه ومرضه اللي لحد الان متعرف بس بعده بالمستشفى وزين مستقر وضعه متعرف بشغله الجلطتين ولا عمليه القسطرة اللي سواهه ولا بعد اسبوع لازم يبدل صمامات بقلبه و يوم خطفهه واللي صار بيه ومن جهه صورهه والرسائل والتلفون اللي برج من دماغه طار وبس تريد تعرف منين وشلون صار بجنطتهه وبنص بيتهم وعلاء اللي هو سبب دمارهه والحادث اللي صابه ودمه اللي كان ينزل كدام عيونهه دموعهه تجري وخايفه فقدت ثقتهه بنفسهه لان كل الاثباتات ضدهه وخايفه من تكوم شلون تواجه ابوهه وامهه اللي تتهرب وتتحاشا نظرات عيونهه تستحي وتخجل وما عدهه مبرر يثبت صحه كلامهه وهذا كله ولحد الان هي متعرف الكارثه الكبيرة اللي تنتظرهم بسبب موت علاء والام المسكينه اللي خلصت طاقتهه وانهارت بعد كلشي عاشته الام كانت تقدر تطلع فجر للبيت بس كانت مشغوله على زوجهه من جهه ومتكدر تعوفه بوحده بالمستشفى ومن جهه ثانيه منو يعتني بفجر ومتكدر تخليهه بالبيت واحتارت وتعبت من الصعده والنزله والقلق والخوف على زوجهه ووضعه وقلبه اللي خاف يخونهه وميتحمل العمليه ويعوفهه لوحدهه ومن بنتهه بعد مالدكتور كال لتخلوهه بوحدهه ودائما خلوهه بمكان بيه ناس وهوسه حتى تلتهي ومتفكر وتتعب اعصابهه

نرجع للبصرة وشرار يحجي وي النقيب وضاح وهو يحجيله عن وضع فجر وابوهه وصحتهم وبلغه انه اللي اسمه قاسم مموجود ببغداد وطالع لاربيل وتلفونه مغلق هنا استغرب كلش شرار من تصرف قاسم وتشكر من وضاح وبقه صافن ومستغرب يعني واحد يجي وي صديقه يخطب ويتعاركون وينهزم ويختفي لا ويسافر هم وصديقه يموت وميبين اكيد اكو سبب وطلع لباب البيت واتصل بأيهم واخذه وراحو كعدوا على الشط وهو يسولفله مثل الكتاب المفتوح بشنو صار وليش وشلون وأيهم هم احتار وكال لازم نلقي قاسم ونحجي وياه او على الاقل نحصل رقمه ونتصل عليه تعبو من التفكير وهو بعقله يتذكر صور فجر ومسجادتهه ومحادثاتهه وي علاء ويربط خيوط بس للاسف هالخيوط كل يوم تتعقد اكثر وهو لحد هاللحضه ما حجه لاحد غير أيهم ونيران بشغله الصور والمسجات لان ما قدر يضم بقلبه اكثر ولازم يفضفض وميثق باحد بكد هذوله الاثنين تاخر الوقت ورجعو للبيت وكعد وي اهله وجابو العشا اللي لو مو نيران ووجهالهه وحركتهم بالبيت كان صار سجن لان بس بجي وهم ومحد اله نفس ياكل بس نيران واولادهه وأيهم دائما يغيرون من جو البيت وبدو ياكلون وهو غرقان يريد يروح لبغداد ويحجي وي نيران وامهه ويريد يروح لاربيل يدور قاسم ويعرف منه الحقيقه لان موتت اخوه لغز تعب عقله وتفكيره كطع صفنته جده وهو يسأله عن حادثه علاء وشلون صارت وليش ما طالب بحقه من السايق وجه نيران وايهم مو افضل من وجه شرار اللي نصدمو واتفاجئو بالسوال اللي شرار توقع انه قنع جده بانه قضاء وقدر والسايق مو غلطان هو علاء مستعجل و ما منتبه للسيارة وصار الحادث بس جده اصعب من انه يصدق وخاصه من سأل الجد النقيب وضاح بالفاتحه وبحسن نيه جاوبه حجي الرجال اللي يمه حق علاء بين الحياه والموت هو وبنته ومن يكوم بالسلامه اشتكي عليهم واسجنه او انطوهم عطوه وكعدهم عشائريا وتاخذون حقكم باذن الله هنا اضطر يحجي السالفه كلهه ويفهمهم القضيه بس ماكال على صور فجر وهي وي علاء ولا كال حجيهم ثقيل بس كال بينهم تلفونات ورسائل مو خوفا على فجر لا بس سمعه اخوه المتوفي ما راد يحجون بيه بالموزين لان مهما صار هو اخوه الجد كال الله يرحمه ويغفرله اني كلت لاحمد الله يرحمه يقصد ابو شرار ألرسول محمد صلى الله عليه وسلم كال(( اياكم وخضراء الدمل قيل ومن خضراء الدمل قال الجميله ذات المنبع الفاسد )) ورده وازرعهه بخيسه لو تطير تطلع ريحتهه خيسه لان تغذت منهه وحذرته من وضحه وما سمع مني وهاي النتيجه حتى ابنه دفع ثمن اختيار ابو عاش وحيد ومات بسمعه الله اعلم بيهه الجده قاطعته وكالت بس يوليدي يشرار لازم تاخذ حق اخوك اذا مات الرجال الله ياخذ حق اخيك ما دام ما عدهم زلم توكف بوجوههم وتطالب حقك بس صحى وكام لا بالله نريد حق هالشاب اللي راح واذا البنيه ملعبه وراكضه وي علاء الله يرحمه مو بس غلط علاء لا والله غلط البنت واهلهه اللي ما ربوهه وفوق ما جاي يخطب البنت ويستر عليهه جماله يهد عليه بالسكين والروح عزيزة ومات بسببه كول ما عندي الك مرة وطلعه عليش هاد بنت بالشوارع وتهد على اللي يخطبوهه بالسكاكين شرار كال يصير خير جده اشوف الرجال شيصير وياه ويصير خير ما اعوف حق اخوي لو على موتي صاحت امه اسم الله على اسمك يمه اسكت لا تفجعني بروح ابوك قلبي ملجوم على ابوك اللي مات من سنين وهسه على علاء اللي ربيته وياكم وحاله حالكم لا تفجعني بيك مالنه بعد الله غيرك باس راسهه وكال الله يحفظك اليه يارب واعتذر من الكل وصعد لغرفته والطابق الثاني هدوء لان ماعدهم احد بيه غرفته وكدامهه غرفه مرتبهه مثل الشقه وداخلهه حمام نيران قبل لتتزوج فالمكان هدوء مدد بفراشه ويباوع على السقف وشارد يفكر وطلع تلفون علاء وبقه يكلب بيه ويقرا الكلام الرخيص والصور و راح للاستوديو يشوف صورة اخو ويتحسف على شبابه اللي ضيعه بسبب تفاهت طفله
🍀QABAS ADAM🍀للكاتبه

ببغداد قرروا يوم عمليه الاب الصبح وديجهزوه بعد ما وضعه استقر نوعا ما و فجر الطبيب طلعهه من المستشفى بس الام كانت تبات هي وفجر بالبيت ومن الصبح تاخذهه وتروح للمستشفى وتجهزو انه باجر الصبح العمليه وسواهه والحمد لله نجحت بس للاسف ما يكدر يتحرك مثل قبل وتعب وتاذى وميسيطر على رجليه والجلطه مسببه شلل للاب بس بكلام الدكتور حاليا جسمه وقلبه بعد تبديل الصمام ميتحمل عمليه ثانيه ولا يتحمل التخدير يحتاج فقترة نقاهه ويتقوى جسمه ويسوي عمليه لان جلطه مستقرة على الحبل الشوكي وماذيته لازم ينشال التخثر بعد كم شهر وعلاج طبيعي يقدر يقوم بالسلامه من صحى ابو فجر وارتاح من العلاج وهدأ استرجع شريط ذكرياته وشلون وكع وصار الحادث وشنو اللي صار بذاك اليوم بس ماعرف لحد الان انه علاء توفى لان ام فجر ما كالتله وكالت ما نعرف بيه واحنه منعرف عنه شيء وين نسال وتوهت الموضوع وبمجرد دخول فجر للغرفه ابوهه اندار وما حب يشوفهه وطلب من زوجته ترجعهه للبيت ومتجيبهه وياهه ابدا واذا مات ما توكف بفاتحته واذا عاش هو راح يكوم حتى لو على كرسي ويعيد تربيتهه من جديد وام فجر تهدا بيه وهو يجاوب يا حسافه حبي وتعبي ياحسافه لو ميت ولا شايف صورك وحجيك روحي من وجهي لا بارك الله بيك ولا بشوفتك يا حسافه انطيتك حب ودلال وما منطيك تربيه وهي انهارت بالبجي وطلعت بره الغرفه وكعدت بالكاع بالممر وتبجي بحركه وتدعي على علاء

اتصل النقيب وضاح على شرار يبلغه بوضع ابو فجر وانه تعده الخطر وباجر يرجع لبيته هنا تشكر منه وطلع بالحديقه وهاي الفتره اكثر من اسبوعين وهو هامل شغله برغم اتصالات هواي على الشغل اجته وما اهتم لان يريد يطلع حق اخوه أتصل على أيهم وسأله اذا مشغول أيهم يشتغل وي شرار بالمعرض الرئيسي اللي بالبصرة ورد عليه كول شرار محتاج شيء كال اريد اطلع لبغداد ابو البنت صار زين وباجر طالع لبيته اريد باجر وي طبته لبيته اروح اهد عليه واخلي ينام بالسجن طول عمره جاوبه خويه هسه دنيا ظهر احسن منطلع بالسياره والليل اعمه هسه احجز طيران ونتوكل ويجرالك اني بظهرك خويه كاله والله وكفو منك خلص روح احجزلنه بليل الفجر المهم باجر باذن الله احنه ببغداد ترة اخوك راح يشت عقله من التفكير رد اسم الله على عقلك خويه لتفكر وتوكل على الله هسه راح لمكتب الحجز

بالمستشفى بقت فجر بالممر تبجي وتسكت وترجع تبجي ومغطيه راسهه مستحيه من نظرات الناس عليهه وبالليل رجعت هي وامهه للبيت والام ما كانت بقساوة الاب لان هي متحب تتسرع بالحكم وثانيا لان قبل اسبوع كانت بنتهه بين الحياه والموت وشافت غلاوتهه فما تكدر تقسو عليهه بس حاولت تحذرهه لان باجر ابوهه يرجع حذرتهه انه تنزل جوه وتبقه بالطابق الثاني بغرفتهه ومتحتك بابوهه ابدا وبالرغم من انه هالشي حطم فجر تحطيم نفسي وجسدي وروحي لان هي عشق تعشق ابوهه بس افضل من اللي ممكن يصير بصحه ابوهه وخاف تخسره للابد بعد ماهي السبب بشلل ابوهه وكعدتهة بكرسي متحرك

لاتنسون التصويت ⭐فديتكم واتمنى عجبكم البارت
🍀QABAS ADAM🍀للكاتبه