شرار الفجر

بارت (٧) تاريخ الاهل

🍀QABAS ADAM🍀للكاتبه
ماما عصبت والشرار يطافر احسه من عيونهه وبابا يستغفر لان يكول هو ضيف ودايس بساطي عيب اطرده بس شلون يحس وكال لماما سوي اثنين شاي شاي بسرعه عيب كاعدين بالاستقبال دخل بابا واني رحت اسمع شيحجون وكلت بلكي بابا يرفضه ويحل عني واخلص منه يارب بس حيلي يرجف وماما كالت شعندك هنا واقفه وخزرتني كلتلهه ماما بس اريد افهم شنو هالملحه شنو كالت مالك علاقه وكعدتي تفرجي على التلفزيون واني خفت وكعدت وماما دكت الباب واخذ الشاي بابا من ورا الباب وهم حجه واحد منهم وي بابا وصوتهم كان مسموع وواضح لان بيتنه هادي وصغير يابو فجر احنه جايينك نطلب منك ايد المحروسه بنتك والبارحه المهندس جاك وحده بس اليوم جيناك واني صديقه مثل اخوه واذا انطيتونه الرد اليوم باجر نجيب جده للمهندس واخوه الكبير وعمامه وامه بس اليوم نريد نقرأ الفاتحه اذا الله سهل بابا كال ابني اني على راسي المهندس واهله بس ابني البارحه اني كنت واضح وياه وكلتله بنتي صغيرة ومستحيل ازوجهه هسه مو قصره بيه لا بس بنتي بعدهه( ١٦) وينهه وين الزواج ولا تنسون هاي وحيدتي يعني ما عند ١٠) بنات وازوج براحتي هو حجيه بتسرع استاذ حسن اني اعقد عليهه هسه وازوجهه من تكمل سادس وعد شرف مني اني كمت ارجف لان حسيت المواضيع تتسارع بطريقه مو طبيعيه بابا كال ابني تفهم كلامي لو لا هذا الشيء مستحيل صار صوتهم عالي وهو يحجي بس اني فجر اريدهه الي ما اخليهه تصير لغيري بابا عصب كال ابني هي مو بنت عمك وتحجي بيهه هيك شفتهه بالشارع وخطبتهه لتخلي الكلام ياخذ طريق ثاني تفضلو شربو شايكم وتوكلو ما عندي بنت للزواج الولد الثاني كال والله عمي خوش قسمه وما تلكي لبنتك مثلهه قسم بالله بابا جاوبه ابني قسمه ونصيب الحياه مو كلشي الك شيء الك وشيء لغيرك بصوت عالي جاوبه المحروك كال بس بنتك للموت متصير لغيري وبابا عصب وكال احترم نفسك واطلع برة بيتي واياني واياك تتعرض لبنتي ترة تصير مو زينه طلع وهو يتوعد الي الي ما تطلع من هالبيت اذا مو اليه واني حاضنه ماما وارجف ودموعي تجري وماما ترجف مثلي ودخل بابا معصب ويحلي باعلى صوته هذا ششايف نفسه ويعلي صوته ببيتي لو بنت عمه مو هيك قليل الادب لا وجماله مهندس ودارس والله اللي ما يقرا ويكتب يسواك على الاقل يمكن عنده اخلاق شلون ولد اخر زمان جايني يعيط ببيتي وجه بابا كركم وماما ركضت عليه وانطته حبايه تحت اللسان وتفرك بايده وتكوله لا تغث روحك شباب وطايش خلي يولي بعد هالرزاله اكيد ميوصل للمنطقه بابا باوعلي وكال بابا ليش البجي ما دام خشمي يشم الهوا هالعيون الحلوة متنزل دمعه تعالي بحضني باوعتله مسحت دموعي كلتله ادعي الله يطول بعمرك ويحفظك اليه حبيبي انت هو ضحك كال عود اني انطي فجر الجوهرة مالتي لياهو الجان ادعي الله يرزقك بجوهرة الزلم مثل ما انتي جوهرة البنات يعزك ويسعدك ويفرحك ماما جاوبته امين بس مو هسه من تكبر وتتخرج ضحكنه وحاولنه ننسى هالموقف السخيف بيتنه كل عمره هدوء وراحه من دخل صار صياح وخوف وازعاج تغاضينا عن هاليوم ومشت حياتنه وبيوم الاحد كالعاده رن تلفون بابا مسجات اني ماما دتظفر بشعري لان عمو ابو امجد ابو الخط شويه ويجي وبابا ديشرب شاي ويقرأ المسج كال بابا فجر بنيتي اليوم ابو امجد ميجي يكول مريض بس داز نسيبه بالسيارة يوديكم ويجيبكم يارب هالانسان درة من الله شلون هو مريض ويفكر بالبنات الله يشافي ماما كالت الله يكومه بالسلامه صار سنتين مرتاحين وياه يارب يبقه لحد متكمل السادس اني كلت امين بسرعه اخذت جنطتي وطلعت اني اول وحده بالخط اصعد وبعدهه يصعدون البنات ٢ واخر شيء ست نور مشه شويه واني ما ركزت بس كلت صباح الخير وهالسايق رد بس دقايق وما مشى بنفس الطريق راح طريق ثاني بسرعه كلتله اخوي هو مو منا كال اعتذر اول مرة بس هذا طريق مختصر للمدرسه كلتله بس اكو طالبه بنهايه الفرع لازم ناخذهه كال الصبح مخابره ابو امجد وكالت ما تداوم وهسه نروح للمنطقه الثانيه نجيب المدرسه والطالبات البقن اطمأنيت وسكتت اني داراجع لان عندي امتحان بس هو خفف لحضات وانفتحت الباب اللي من يمي ودخل ابو وجه الاحمر وخله خاولي صغير على خشمي وبعد ما احس بشيء ما اعرف