شرار الفجر

بارت (٢١) تجرع السم القاتل

🍀QABAS ADAM🍀للكاتبه
ثاني يوم تحديدآ ساعه (١٠) صباحا تجمع الجد نعمان وايهم  وشرار والسيد اللي يعقد لشرار والنقيب وضاح وابو وكان موجود ابو امجد وشيخ الجامع اللي كانو موجودين بالفصل قبل يوم وبعد ما بدوا بالكلام وكان شكلي لان هم قبل يوم متفقين اساسأ وفجر فوق تبجي ودموعهه ما نشفت وامهه اللي حاضنتهه عبالك راح تطير مو راح تعقد وتزوج وهي تنصح بيهه انه تعيش وياهم وتتحمل كلشي يصير وتتوكل على رب العالمين اللي مستحيل يعوفهه وهي تتوكل عليه وتفهمهه انه راح تسمع كلام هواي وصعوبات اكثر وممكن يعاملوهه بطريقه مو زينه وياذوهه وتاكد عليهه انه متعوف الصلاه ولا تعوف الدعاء وتستعين بالله وهذا اختبار ولازم يجي يوم وتنجح بيه باذن الله ويبين كلشيء واكدت عليهه انه تتحمل زوجهه هي تبجي وتهز براسهه وتكول ماما خايفه اذا هو اسمه شرار لعد شخصيته وتصرفاته شنو امهه تكول انت لتفكرين مثل ما كلتلك نفذي المطلوب منك وبس اهم شغله عكسي اخلاقك الحقيقيه اللي ربيناك عليهه وهم لو اعداء الك متاكده يصيرون احباب لان انتي بنتي واعرفك واعرف اخلاقك ونصحتهه انه تهتم بالكبير وتحترمه وتحب الصغير وتداريه وانه متسوي اي شيء ولا اي تصرف بدون علم زوجهه مهما كان تافه ولتعاند زوجهه ابدا وبقن متحاضنات ويبجن وانطتهه جنطتهه وانطتهه فلوس كالت خليهه عندك خاف تحتاجين شيء نزلت الام بسرعه وبقت قريبه من باب الخطار تريد تعرف وتسمع شديصير وتتامل انه يغيرون رأيهم ويلكون حل ثاني بدل زواج فجر بس خابت امالهه من سمعت صوت ابو فجر وهو ينادي عليهه ويريد فجر حتى يعقدون وفعلا لبست بنتهه عبايه وشال اسود ونزلت ومن ورا الباب سمعت السيد يطلب منه انه توكل ابوهه وفعلا وكلته وتم العقد ودموع فجر تجري وي دموع امهه اللي تحاول تهدئهه وتطمنهه انه الخيرة فيما اختاره الله بس فجر قلبهه نار مو بس من جهه زواجهه بهالطريقه وبهالعمر ومن شخص متعرفه لا من مشكلتهه اللي صارت بس هو يجري دم قلبهه من ابوهه اللي نفاها من حياته وعاطفته وعالمهه كله وعاقبهه على شيء هي ما مسويته ولا الهه ذنب بيه هذا السكين الاثلم اللي ذبحهه هو ابوهه اللي كان يحبهه اكثر من روحهه وهي مستعده تموت لخاطرة وقدمت روحهه قربان وما كسرت كلمت ابوهه بهالاثناء طلعو الرياجيل وصعدت امهه لبستهه ورتبتهه وكانت لابسه عبايه اسلاميه شيك مو مثيره بسيطه وحلوة سودا وشال اسود وحذاء فلات اسود وجنطه بايدهه صغيره خلت امهه بيهه الفلوس ومستمسكاتهه وتسحب جنطه سفر بيهه ملابسهه ونزلت  وكان بس باقي الجد وشرار وايهم وابوهه بالاستقبال ودخل للخطار ابو فجر وهو على كرسي متحرك يكدر يحركه بايده مثل الكير ويتحرك  وصاح ابو فجر ام فجر جاهزين فجر هاي او مره تشوف ابوهه من بعد يوم المستشفى ودموعهه تجري وحايرة على منو  على كعدته بالكرسي لو على اشتياقهه اله لو اعتذار على شيء ممسويته وهي حاولت تتقدم تبوس ايد ابوهه بس هو اشر بايده بحركه منعهه انت تزوجتي وصرتي بذمه رجال هالمرة اذا اسمع ويجيني خبر مسويه غلط اني اذبحك بايدي ولا عبالك كاعد بكرسي وما اكدر والله بايدي اذبحك وميرفلي جفن واعتبري ابوك وامك ماتو من اليوم وهذا بالبصرة هو بيتك وهذولاك اللي انتي اختاريتي منهم اهلك ممنوع تطبين بيتي لحد ما اموت وممنوع تحضرين جنازتي اذا متت وكال بسرعه وخمس دقايق راح يطلعون تطلع بره وغطي وجهه الولد يكول ما يطلع وجهه بوشيهه ودار الكرسي ودخل للخطار وهي نار وشبت بيهه وامهه تسكت بيهه وتكول ماما لتزعلين من ابوك هسه شويه يرتاح ويتواصل وياك وترجعون احسن من قبل متعرفين ابوك شكد يحبك هي متسمع كلام امهه حست بروحهه طير مذبوح ويفرفر بس بدون صوت بالخطار ابوهه ما حسسهم انه معاقب بنته ولان ماعنده سلطان على قلبه بنته ويحبهه وما اتمنى تطلع بهالطريقه و ميريد فوق ما ماخذيهه فصليهه انوب ما عدهه سند ولزم ايد الجد وكال فجر امانه عندك حجي انت بمكاني واني موجه عليك كل كلمه انكتبت بالقرأن انه انت تدير بالك عليهه وتخليهه بامانتك والجد طبطب على ظهره وكال هي من نكتب اسمهه باسم حفيدي شرار ودخلت بذمتنه ولتخاف سدك امين انطيتهه لخيرة الزلم وكال يله نتوكل لان طريقنه طويل