شرار الفجر

بارت (٣٠) فصليه ام نهوة

🍀QABAS ADAM🍀للكاتبه

تعبت من الجر والاهانه والغلط اللي غلطه وبعمري مسامعه مثلهه وايدي اللي تأذت ولا اعرف على شنو ديحجي ولا شنو ذنبي هنا وصلت مرحله الانهيار من الخوف دفعته من صدره بقوة وخفت منه انرعبت عيونه شفتهن للحضه يشبهن اخوه وذكرني باشياء يوميه ادعي ربي انساهه واعيش بسلام ومن دفعته هو اتفاجأ لان اظاهر كان متوقعني لعابه مو بشر ميحقلي اني هم اتعصب ولو للحضه مثله وصحت بيه ابعد عني شبيك عبالك وحش منو اللي دتحجي عنه اني ماافهمك ولا اعرف منو اللي مخابرته والله من دخلت لبيتكم ما ايدي لامست اي تلفون ومستعده احلف على القرأن ولا مخابرة بشر ولا متواصله وي بشر امي وابويه ماعرف عنهم شيء وانت منو انت وتحكم عليه وتغلط عليه كل هالغلط الله متخاف منه وين تروح من ربك حوبتي ما تتعداك وربك ميعوف ظالم الا وياخذ الحق منه اخذتني فصليه وبقرارك كمت عليه مؤبد لا والله اعدام هم ارحم ومن طبيت لبيتكم ما غلطت بحق نمله مو عاد بشر وانت بلحضه تطب عليه عبالك وحش وتأذيني وتحير شتغلط عليه اذا انت الحكم وانت الجلاد متخاف من ربك تكول ورايه اخرة ورب العالمين ميرضى بالظلم واذا لازم عليه شيء احجي لتخاف واذا انت بعينك اني هيك قذرة ومو طاهرة ليش اخذتني وسميتني مرتك حتى لو فصليه بس هم سميتني باسمك متخاف على نفسك من سمعتي تلوثك ياطاهر وما بيك غلطه هنا ضربني برشدي واحس حتى شرار طفر من عيوني من قوة الضربه وكعدت على ركبي وابجي واشهك طلعت ظيم قلبي كله واشهك وابجي ولازمه خدي اللي احسه اشتعل نار هو كال اي هاي حقيقتك هذا الوجه اللي صار اسبوع انتظره اللي توكف تردح بعرامه عين بعين ووقحه ولا تستحي ولا تخاف وكنت منتظر زله بس انت الظاهر ما صبرتي تطلع الزله من عندي انت جبتيهه لنص بيتي سمعيني ولك وجرني بأثنين اديه ووكفني كدامه بس ثقوا بالله اني باوعت على وجهه مااشوفه من الدموع اللي تجري ومتجمعه بعيوني واغمض واحس ما تنزل دمعه وحده لا عشرة دمعات سويه وقلبي وروحي اللي يبجن مو بس عيوني ابجي على كلشي عشته من يوم اللي طلعت من المدرسه وشفت اخوه كدام عيني وباوعلي لهذا اليوم بجيت دموعهن كلهن بيوم واحد هو عاط بيه وكال كافي دموع التماسيح متفيد اسمعيني داحاجيك وكل كلمه نفذيهه بالحرف لا والله اسوي بيك اللي عمرك ما شفتيه رفعت عيوني بوجهه بتحدي ومسحت دموعي وبلعت ريكي وباوعت بنص عيوني وكلتله ثق بالله من شفت اخوك لليوم وانت وياه فعلا شوفتوني اللي عمري مشايفته واللي ما متخيله اشوف ربعه اامر احجي كول من هسه اقولك تم وادلل وعلى راسي وحاضر ونعم لان اني ببساطه فصليه عندك وانت كنت اظاهر مصبر نفسك علمود تعيشني هالدور حقيقي والفصليه اعتقد لو يذبحوهه محد يطالب بيهه ومتخاف ربك هالقوة اللي منطيكياهه وانت تتقاوة بيهه على جسم اصغر منك وما يكدر يقاومك و ياخذ حقه منك كول اللي تريده وقبل لا تحجي اكولك انت تؤمر وتتدلل واللي تريده على هاي رقبتي اسويه بس احب حوبتي ما تتعداك واذكرك بكلامي
🍀QABAS ADAM🍀للكاتبه
اني صفنت من قوتهه لان شكلهه واسلوبهه يكول فقيرة وما تكدر تحجي كلمتين صح اني متوقعهه عرمه بس بهالاسبوع اللي عشته وياهه ببيت واحد تغيرت قناعاتي نوعا ما بيهه صح اكرهه وما اطيقهه بس متوقعت هالكد معبايه ومليانه حجي وقهر وضيم وللحضات تمنيت تكون بريئه واخذهه بحضني وانسى وانسيهه كل اللي مرينه بيه باوعتلي وهدئت شلون الجمرة وخليتهه بالمي طفت ونهد حيلهه حتى نفسهه صار صعب وكعدت على طرف الجربايه وكالت شتريد مني سكتت لحضات وتذكرت كلام هالارعن ابن عمهه وباوعت على السكف واتعوذت الشيطان وجريت نفس قوي وقررت احاجيهه بطريقتي الهادئه مو من عرفته حتى عقلي طار وكمت اتصرف تصرفات مو مني ولا اعرفهه وهي هم هدئت تماما
واحد من ولد عمك اللي بالعمارة هنا وجاي يريد يحاجيك ويكول اريد افصلكم ويريد يفتح مواضيع اني وانت وابوك قبلنه منريدهه تنفتح كدام الناس وبالدواوين ولتقولين انه داهددك لا بس هو زعطوط ونافخ نفسه اظاهر هسه متعلم سوالف العشاير بالجديد ويريد يطبقهن براسي اسمعيني يبنت الناس اني صح ما اريدك ولا طايقك على كد اللي شفته وعرفته عنك بس بنفس الوقت بالدواوين وكدام الله والناس انتي مرتي وما اريد اسمك اللي مرتبط باسمي ينذكر بديوان وينحجي بشرفك وسمعتك كدام اليسوة والميسوة واخوي راح لرب العالمين هو يتولاه هم ما اريد ينذكر بالموزين وهذا ابسط حق من حقوقه عليه ادافع عنه وهو بقبره وابوك انت اعرف بوضعه مو مال يفتر بالمضايف وبنته علج بحلوك العالم اطلعي والبسي عباتك وحاجي باللي يرضيك لان اني ما مخليك عبده اعتقد عاشرتينه اكثر من اسبوع شفتينه على حقيقتنه حتى اللي منطيقه ننطي حقه واحجي وياه وشوفي شنو اللي يرضيك واني حاضر صح اخذتك بدون رضاك حقنآ لدم اخويه بس ما اجبرك على العيشه ويايه ورب العالمين علمنه ((فامساك بمعروف او تسريح باحسان )) وما جبرك لو اموت روحي بدلي واطلعيله
طلع واني صافنه هذا منو وشمعرفه بقضيتي بابا وصل للموت وانطاني فصليه في سبيل ميوصل الخبر للعمارة ويتشمتون بيه ياالهي شديصير ويايه والله ربي امتحانك صعب ومثل ما ابتليتني بهالامتحان انطيني قطرة من صبر ايوب اتحمل اللي كاعد يصيرلي منين عرف وشلون وليش واني ما اعرفهم اخخخخ يابابا شسويت بيه معقوله انت دازه يطلعني من هالورطه ما اعتقد لان انت ماهان عليك تتصل واني لاول مرة بعمرك صار اكثر من اسبوع بايته بمكان انت وماما مو بيه ومتأكده انت اللي مانع ماما تتصل بيه بس لا مستحيل بابا دازة لان هو تنازل عني بايده وبلا ماينزل دمعه منه ما انتظر اثبتله برائتي عبالك عار وراد يتخلص مني ليش الوم شرار حقه فوق موتت اخوه وانوب ورطوه بوحده بنظرة بايعه نفسهه وشرفهه اذا بابا باعني ما الومك ياشرار وهسه جاي وحد جديد داخل بالمزاد هاي اللي وصلتيله يا فجر بعد كل ذاك الدلال بس لا كان حب مزيف ودلال كذاب لان باول عاصفه طار مثل قلعه مبنيه على الرمل اول موجه تساوى بالكاع هذا حبك بابا والله لو بس منتظرني اثبتلك برائتي كان ما دفعت عمري واحلامي ثمن
كامت ولبست عبايه ولفت شالهه زين وعيونهه حمر وخدهه بيه اثر مال ضرب خلت الشال نزلته على خدهه وغسلت وجهه بمي بارد من الثلاجه وبقت لحضات تهفي على وجهه حتى يروح الحمار البي وتجف دموعهه لان متريد تبجي كدام ابن عمهه وتنكسر اكثر كدام شرار بعدهه بالمطبخ وهو فتح الباب شافهه تهفي لوجهه فهم وصاح فجر تعالي هي انتبهت عليه ودنكت وراحت وراه ام شرار والجده ما فاهمات شيء ووحده تسأل الثانيه شكو ام شرار كالت هسه يجي شرار ونفتهم
دخلت فجر بعد شرار وسلمت تفاجأت بالجد كاعد وايهم ابن عمتهم وولد ضخم ما تعرفه وكف بمجرد دخوله وكالت السلام عليكم
رد الكل وعليكم السلام
فهد ياهلا وغلا ببنت العم شلونك اخبارك