#فراقد
#قوقعة-جمر
#ح- ١٠ -
*********************
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كــــل يــــوم
أضـمـدلي جـرح
شـايـل خـلـگ دكـــــتـور
++++++++++++++++++++++
ذياب /
الأحلام حلوه،،،بس الواقع مرّ
يمكن كل شاب طموحة و أمنيتة الالتحاق بالسلك العسكري من أجل الحصول على الهيبه
والرتبه
والمكان المرموق بمراكز الدوله
بس من يتحول الحلم إلى واقع
لازم يجرع الحنظل
ويكول عنه عسل ماكو أطيب من عنده.
وصدكت جدتي من كالت
-يردس حيل الماشايفها ... والشايفها يشد عمامه
ثلاث سنوات من عمري كضيتهن
بتعب نفسي وجسدي،،،بجوع،،،بألم،،،بتعنيف
بتعذيب العقوبات،،،وغيرها
وجان حلمي بس أريد أحصل دقايق للنوم اضافيه
ثلاث سنوات أنصلخ جلدي
وطلعلي بيها جلد جديد
انقلع كلبي وخضر بداله كلب من صخر
أصعب أيام مرت عليه بكل حياتي
هي أيام الصاعقة
يشهد الله خضعت وبجيت من الألم
تحطيم تام للنفس والجسم
تدريب جدآ مكثف وقاسي
للحظة قررت انهزم وأترك كلشي ورايه
أيام مرت ما أدري شلون مرت
نبذل مجهود فوق طاقته بعشرات مضاعفة
ما نخلص من كثافة التدريب الميداني
تستلمنه الدراسه العسكرية والامتحانات
بفتره الصاعقة فقدت أعصابي
اتهسترت من شده وكثافه وتعذيب التدريب
ايام المسير الطويل والمعايشه شكن حلكي
طلعني عن طوري
بس أيام الاستعداد لقفزة الثقة شويه ارتاحيت بيها
أعرف أسبح ،،،ديرتنا بيها شط
وتعلمت على السباحة من الصغر
وتعلمت اغوص للحظات قليله بدون اوكسجين
بساعات التدريب للقفز من على جسر الصرافيه
أركض اطوع واقفز مثل الشبوط
ما عندي رهبه من الارتفاع ولا من دخول الماي
