"MY LOVE BABE"[ပေါင်ပေ့/ေပါင္ေပ့](Completed)

Part -19

Unicode💕

"ပါ့ပါး! ကျန့်ကျန့်ရေ့"

ခလေးမလေးတစ်ယောက်၏ အသံပိစိက ရှောင်းကျန့်နားစည်အား ရိုက်ခတ်သွား၏။

"အွင်း....ချင်းချင်းလား!
ဝမ်လေး ထတော့! "

ရှောင်ဂကျန့်နိုးတော့ မနက်ခင်းနေရောင်ခြည်ဟာ ပြတင်းပေါက်မှတစ်ဆင့် အခန်းတွင်းသို့ ကျရောက်လာလျှက်။
သမီးငယ်ဖြစ်သူ 'ဝမ်ချင်းရှောင်း' လာနိုးမှ နိုးသည့်အဖြစ်ပါလေ။
ရှောင်းကျန့် မီးဖွားပြီးသည့်နေ့ကစ၍ ဝမ်ရိပေါ်က သူ့အဆောင်တွင်ခေါ်ထားသည်မှာ ယခုအချိန်ထိ။
အနောက်ဆောင်သို့ ​တစ်ကြိမ်မျှပင် ပြန်မအိပ်ရတော့ပေ။

သားတော် 'ဝမ်ယွီကျန့်' နှင့် သမီးတော် 'ဝမ်ချင်းရှောင်း' တို့အား အသက်၃နှစ်ခန့်ရောက်သည့်အခါ အဆောင်ခွဲ၍ အထိန်းတော်ကိုယ်စီ၊အစေခံကိုယ်စီနှင့် ထားဖြစ်ခဲ့၏။
ယခုဆိုလျှင် အမြွှာနှစ်ယောက်ဟာ အသက်၇နှစ်ကျော်ပြီဖြစ်သည်။

'ချင်းချင်း'လေးက ပန်းနုရောင်ဝတ်စုံလေးဝတ်ထားကာ ခေါင်းပေါ်တွင် ဖန်ဆံထိုးလေးထိုးလျှက် ခါးနားအထိရှည်သည့် ဆံပင်လေးများအား ဖြန့်ချထား၏။
သားတော် 'အားယွီ' ကတော့ ယခုအချိန်လောက်ဆိုလျှင် စာဖတ်နေရော့ပေါ့။

သားနှင့်သမီးက အမြွှာဆိုပေမဲ့ အကျင့်ချင်းကွာခြားသည်။
သားတော်က တစ်ယောက်တည်းအေးအေးဆေးဆေးနေပြီး
စကားအပြောအဆိုနည်းလှ၏။
အချိန်တိုင်း စာဖတ်လိုက် ၊မြှားပစ်သင်လိုက်၊ဓားရေးလေ့ကျင့်လိုက်၊ တစ်ခါတစ်လေဆို သူ့ဦးရီးတော် ကျိုးချန်ဆီမှာ ဆေးပညာ သွားသင်တတ်သေးသည်။

သမီးတော်ကတော့ တကယ့်စပ်စလူးလေးပင် ၊အချိန်တိုင်း နန်းတော်ထဲမှာ
ပြဿနာရှာဖို့ပဲတွေးနေတတ်သည်။
လစ်ရင်လစ်သလို မင်းသားဟောက်ရွှမ်း၏ သားလေး'၀မ်ကျိရွှမ်း' နှင့်အတူ နန်းပြင်ခိုးထွက်ကာ ပြဿနာပေါင်းစုံ ခေါင်းခဲအောင် သယ်လာတတ်၏။

ရှောင်းကျန့်တစ်ယောက် ဘေးနားတွင် အသေကောင်လို ပါးစပ်ဟကာ သူ့အား ဖက်တွယ်လျှက် အိပ်မောကျနေသော လင်တော်မောင်အား လက်တို့ကာ ခေါ်နိုးရသည်။