" ဪ ဘာများလဲလို့ "
မျက်လုံးအပြူးသားဖြင့် နားထောင်လိုက်သည်။
" ဖေဖေက သမီးကိုချစ်တဲ့အချစ် အဲ့တာအချစ်ပေါ့ "
ခံစားချက်ကြီးက မျှော်လင့်ချက်တွေ ရိုက်ချိုးခံလိုက်ရသလိုမျိုး။
" ဟား တို့ဖေကြီးကတော့ နောက်ပြီကွာ၊ တော်ပြီ မမေးတော့ဘူး၊
တခြားဟာ ပြောင်းမေးမယ် "
" ဖေဖေ ပြောတာ မှားလို့လား "
" မမှားပါဘူး မမှားပါဘူး၊ ခုမေးတာကိုပါ သေချာ ထပ်ဖြေပေး "
" သမီးကို မနေ့က တစ်ယောက်အကြောင်းပြောပြ "
" ဘယ်သူတုန်း သမီးရဲ့.... "
စက္ကန့်အနည်းငယ်ကြာမျှ စဉ်းစားပြီးနောက်...။
" ဒေါက်တာမင်းစက်ညီကို ပြောတာလား "
" ဟုတ်ဟုတ် "
ခေါင်းကို တညိတ်ညိတ် လှုပ်ပြကာ တလက်လက်ထနေသည့် မျက်ဝန်းတို့ဖြင့် ပြန်ဖြေလိုက်သည်။
ဖေဖေ့ဆီက သူ့အကြောင်းတွေကို သိသင့်သလောက် သိခဲ့ရပြီးနောက် ခြေလှမ်းများကို သွားဌာနဘက်သို့ ဦးတည်လိုက်သည်။
မရေရာမသေချာသည့် ခံစားချက်တို့ကို ဖြစ်ပေါ်စေသူသည် သွားဆရာဝန်လေးတဲ့။
နောက်တစ်ရက်။
ဆေးကောင်တာတွင် သူနာပြုမလေးနှစ်ယောက် တီးတိုးပြောနေကြသည်။
" အုပ်ကြီး သမီးဆိုတာလေ၊ နေ့တိုင်းလာနေတယ်နော် "
" ဟုတ်တယ် အုပ်ကြီးက သူ့သမီးနဲ့ ငါတို့ကို လှမ်းထောက်လှမ်းနေတာလားမသိဘူး "
" ဖြစ်နိုင်တယ် "
" ဟဲ့ နေဦး ငါတို့ဌာနက တစ်ယောက်ယောက်ကိုများ မျက်စိကျနေတာလား "
" ဘယ်သူရှိလဲ စဉ်းစားစမ်း စဉ်းစားစမ်း "
" ငါတို့ ဒေါက်တာ ရေခဲတုံးကြီးများလား "
" ဟုတ်ပါ့မလား ဒီတစ်ယောက်လည်း ဒေါက်တာမင်းစက်ဆိုတာ ၊ နေပါဦး ငါစဉ်းစားပါဦးမယ် ငါတို့ဌာနမှာ အချောလေးတွေ အများကြီးပါ "
YOU ARE READING
UM (Completed)
RandomWarning ( Included abusive content!!!) Total Episodes-43 (Completed) Start date-Oct 6.2021 End date-Feb 21.2022 To finish this story , I spent 4 months , 2 weeks and 1 day. Unforgettable memories [မေ့ဖျောက်ချင်မိ] မိုးမိရက်ခ×မြေ့နင်းခ ( Married) လူန...
PART 34
Start from the beginning