Unicode
" ခရေ... ဘာလုပ်နေလဲ "
ရေချိုးပြီး ထွက်လာတော့ အခန်းထဲတွင် မရှိသည့် ခအား
စောနကလိုဘဲ ဧည့်ခန်းထဲတွင်ရှိမည်အထင်နှင့် ထွက်ကြည့်သော်လည်း မတွေ့။ မီးဖိုခန်းထဲ ၀င်ကြည့်ပြန်သော်လည်း မရှိ။
ခြံ၀န်းထဲ ဆင်းကြည့်တော့လည်း မတွေ့ချေ။မနက်က အိပ်မက်က သူ့ကို စတင် ဆော်သြနေပြီလေ။
စိုးရိမ်စိတ်တို့က တစ်စတစ်စကြီးထွားလျက် သူငယ်အိမ်ကအစ မငြိမ်မသက်ဖြစ်ကာ မျက်နှာမူရာ ရှေ့တည့်တည့်မှ ပင်လယ်ကမ်းစပ်ဆီသို့...။" မောင့် "
ကျောခိုင်းထားမိသည့်နောက်မှ ခရဲ့ ခေါ်သံလေး။
ခါးလောက်သာရှိသည့် ခြံတံခါးကို ဖွင့်ပြီး ၀င်လာသူလေးကပြုံးရွှင်လို့။ တစ်ခုခုကို သဘောတွေ့လာဟန်တူသည်။" မောင် ဘယ်လိုလုပ် အင်္ကျီကျွတ်ကြီးဖြစ်နေတာလဲ "
" ခ ဘယ်တွေ သွားနေတာလဲ "
မောင်က မေးနေသည်ကို အာရုံမလာပေ။
" ငါပျင်းလို့အပြင်ခဏထွက်တာလေ မောင် "
" ဘာလို့ မောင့်ကို မပြောသွားတာလဲခ ၊ မောင်စိတ်ပူနေတာ "
" စိတ်ပူစရာလား မောင်ရယ် ၊ ငါက ကလေးလည်း မဟုတ်ဘူး "
" မောင်လေး ဒီမှာနေတာလား "
မောင် သူ့ကို ပြန်ပြောဖို့ နှုတ်ဟရုံရှိသေး
ခြံပြင်ကနေ အမေးပြုသံတစ်ခုထွက်လာသည်။" အာ ဟုတ်တယ် အစ်မ "
စကားပြောနေရင်းနှင့် မောင့်ကိုလည်း လှည့်ကြည့်လှည့်ကြည့်လုပ်ရသေးသည်။
" ဟုတ်ပြီဟုတ်ပြီ ၊ အစ်မညစာသွားစားတော့မယ် ခွင့်ပြုပါဦး "
အတန်ကြာတော့ စကားပြောခန်း ပြီးဆုံးသွားလေသည်။
မောင်ကတော့ စောနက နေရာမှာဘဲ ပုံစံမပျက် လက်ပိုက်ပြီး
ရပ်ကြည့်နေလေသည်။" ခ အဲ့မိန်းမက ဘယ်သူလဲ "
" ခုနက ငါအပြင်ခဏ ထွက်တာလေ "
" အွန်း "
'ဆက်ပြော သူနားထောင်နေတယ်' ဆိုသည့်ပုံစံ။
YOU ARE READING
UM (Completed)
RandomWarning ( Included abusive content!!!) Total Episodes-43 (Completed) Start date-Oct 6.2021 End date-Feb 21.2022 To finish this story , I spent 4 months , 2 weeks and 1 day. Unforgettable memories [မေ့ဖျောက်ချင်မိ] မိုးမိရက်ခ×မြေ့နင်းခ ( Married) လူန...