#فراقد
#قوقعة-جمر
#ح- ٤ -
*********************
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
إنّ الأم التي تهزّ المهد بيسارها تهزّ العالم بيمينها.
كفاح /....
صدكوا أهلنا من كالوا لكل شخص نصيب من أسمه
ومن هذا النصيب يحصل لو الخير لو الشر
وإني الحمد لله حصلت من أسمى بس القهر والتعب
رجلي مسربت من مكان لمكان
ما يمرني بالسنه حسنه
و بناتي ثلاثه شالعات كلبي
لا من أروح لبيت أهلي أرتاح
ولا من أجي بيت عيالي أرتاح
أروح بيت أهلي تستلمني أمي
يااا اتحملي و أسكتي،،،
يااا كعدي بيت رجلج لخاطر بناتج نثايه ويراد على راسهن والي
أجي بيت عيالي تستلمني عمتي وحمواتي
علمود البنات
و الصدك وحك الله
عندي فرحه شاله حالي
عكس طبع خواتها اشواق وابتهاج
استغفر الله العظيم ما أعرف طينتها شنهي
حتى مره بالشقة حماتي فوزيه كالت
- هاي بنتج بذرتها نكسه
عايني تصرفاتها وحركاتها
نغله وملعبه أبد ما عدنه وحده مثل طبعها
يادوب بلغت وبعدها ما شبت لكفتها حماتي سماح
لابده بحظن أبن عمها
اااخ يا ضيم كلبي
كل أهلها لاموني وردوا عليه
ياااا ما عرفتي تربين.
وكلهم سدوا أذانهم وغمضوا عيونهم
من أبوهن وغيابه عنهن
وهاملني و هاملهن
ما يعرفنه بعدنه عدلات لو ميتات
خالي خزعل هو تكفل بالأمر
وبليله ويوم تسجلت فرحة باسم ذيب
أنوب لفاني هم جديد
عمتي وحمواتي يوصن بيها ويعلمنها
وأنوب يردن عليه،،،
فكي عينج عليها
ديري بالج لا تغفل عن عينج
لا تنطيها مجال تختلي ويه ذيب لا يسون شي
بين ما نعرسلهم.
و أحجي حك الله
أني أضمن ذيب بس ما أظمن بنتي
الما تخاف من شي،،، ولا تخاف من ام
لا من عم،،،،لا من جد،،،وتسرسح بنص الليل
وتمشي للولد كلشي يطلع منها.
