လမ်းခွဲပြီးပြီ၊မ​နှောင့်ယှက်နဲ့​တော့(မြန်မာဘာသာပြန်)

အခန်း-၅၈(​မျှော်လင့်မထားမိခဲ့​လေ​သော)

ဟန်ကျစ်ယွီက ​ပေါ်ယွီကို ဋ္ဌာနတွင်း၀န်ထမ်း​တွေအတွက်သာထားတဲ့ သီးသန့်ဓါတ်​လှေကားဆီ ​ခေါ်သွားကာ အထပ်​ရွေးတဲ့ ခလုတ်ကို နှိပ်လိုက်ပြီး ခပ်မြန်မြန် ဆိုလိုက်သည်။   " ငါ တစ်ယောက်​ယောက်ကို ပစ္စည်းကိရိယာ​တွေ အဆင်သင့်ပြင်ဖို့ ​ပြောထားပြီးပြီ။ ခဏ​နေရင် မင်း ခန္ဓာကိုယ် စစ်​ဆေးမှုလုပ်ရမယ်။ အကယ်၍များ မင်းမှာ တကယ်ပဲ ...... ရှိ​နေရင် ငါ ​ကြောက်တာက တစ်ခုခု မှား​နေမှာကိုပဲ "

ဒါက ကုန်ကျ​ငွေ​စျေးနှုန်းတန်ဖိုး အလွန်မြင့်မားပြီး ယုံကြည်စိတ်ချရမှု အပြည့်အ၀ရှိတဲ့ ပုဂ္ဂလိကကိုယ်ပိုင်​ဆေးရုံကြီးတစ်ခုဖြစ်သည်။ဒါ​ကြောင့် ​ယေဘုယျအားဖြင့် ​ပြောရရင် သူတို့​တွေက ဟွားချန်မြို့​တော်ရဲ့ လူကုံထံအသိုင်းအဝိုင်းကိုသာ ၀န်​ဆောင်မှု​ပေး​လေ့ရှိသည်။

ပြီး​တော့ ဟန်ကျစ်ယွီက ဒီပုဂ္ဂလိက​ဆေးရုံရဲ့ ​ဆေးရုံအုပ်ကြီးဖြစ်တာ​ကြောင့် ​ပေါ်ယွီရဲ့ခန္ဓာကိုယ်စစ်​ဆေးမှု လုပ်ဖို့အတွက် သီးသန့်အခန်းတစ်ခုနဲ့ စက်ပစ္စည်းကိရိယာ​တွေကို အချိန်တိုအတွင်း စီစဉ်နိုင်စွမ်းရှိသည်။

အဲဒီစကားကို ကြားတဲ့အခါ ​ပေါ်ယွီက ဟန်ကျစ်ယွီရဲ့လက်​တွေကို ဆုပ်ကိုင်လိုက်ပြီး အံတင်းတင်းကြိတ်ကာ တစ်လုံးချင်း​သေချာဖိ​ပြောလိုက်သည်။   " တကယ်လို့​လေ ကျွန်​တော် ကိုယ်၀န်ရှိ​နေတာမှန်ရင် ​ကျေးဇူးပြုပြီး  က​လေးကို ကာကွယ်​ပေးပါ ! "

အကယ်၍ အဆိုးဝါးဆုံး​တွေ ဖြစ်လာမယ်ဆိုရင် သူ entertainment ​လောကက​နေ အပြီးအပိုင် အနားယူလိုက်ပြီး အဲဒီပုဂ္ဂိုလ်ကို ​တောင်းပန်မယ်။ ဘာပဲဖြစ်ဖြစ် သူ သူ့ကို ဘယ်​တော့မှ တစ်​ယောက်တည်းထားခဲ့မှာမဟုတ်ဘူး။
{ T / N ; I also don't know whom BoYu wants to indicate . Maybe his relative or parents _ it is just my thought }

စုန့်ရှီလင်က​ရော ......

​ပေါ်ယွီဟာ မသိစိတ်က​နေပြီး စုန့်ရှီလင်ကို သူ့ဘ၀အစီအစဉ်ထဲမှာ ထည့်မတွက်ဘဲ ချန်လှပ်ထားမိသည်။

ဟန်ကျစ်ယွီ သက်ပြင်းချလိုက်သည်။သူလည်းပဲ ဖခင်တစ်ယောက်ဖြစ်တာ​ကြောင့် ​ပေါ်ယွီကို သူ အလိုလို နားလည်သည်။သူ ​ပေါ်ယွီကို နှစ်သိမ့်​ပေးဖို့ ကြိုးစားလိုက်သည်။   " အင်းပါ ၊ အရမ်းကြီးလည်း မစိုးရိမ်ပါနဲ့ "