" ဟယ်!!! သားလေး "
ဒေါ်ရွှေတစ်ယောက် မြင်လိုက်ရသည်ကတော့
ကုတင်ခြေရင်းတွင် ခွေခွေလေး လဲနေသည့်
မြေ့နင်းခကို ဖြစ်သည်။
မြေ့နင်းခနားကို သူမ အမြန်ပြေးလာပြီး
လှုပ်ကြည့်တော့ ပူခြစ်တောက်နေသည့် အထိအတွေ့ကို
ခံစားလိုက်ရသည်။
" ဖိုးသူရေ ဖိုးသူ "
အခန်းပြင်ထွက်ပြီး လှေကားထိပ်ကနေ အောက်ထပ်ကို လှမ်းခေါ်လိုက်သည်။ သူမ ခေါ်နေသော်လည်း ပြန်ဖြေသံ မလာပါ။
" အော် ငါ့နှယ် ဒီကောင်လေး ဘာလုပ်နေမှန်းကို မသိဘူး "
နောက်ဆုံး လေသာဆောင်ကို ထွက်ကြည့်တော့မှဘဲ လေတချွန်ချွန်နှင့် ပန်းပင်ရေလောင်းနေသည့် မြေးတော်မောင်ကို တွေ့ရတော့သည်။
" ဟဲ့အကောင် ဖိုးသူ "
" ဗျာ ဖွား "
" အပေါ်ကို မြန်မြန်လာစမ်း သားခ မေ့လဲနေလို့ "
" ဗျာ! လာပြီ လာပြီ "
ဖိုးသူတစ်ယောက် လက်ထဲရှိ ရေပန်းကို လွှတ်ချပြီး
အိမ်ထဲသို့ ပြေးဝင်လာလေသည်။
" အစ်ကိုလေးခက ဘယ်လိုဖြစ်တာလဲ ဖွား "
" ဘယ်သိမလဲ မြေးရယ် ဖွားလည်း ခုမှ တွေ့တာကို၊
မြန်မြန် သားခကို ကုတင်ပေါ်တင်စမ်း၊
ဖွား ဒေါက်တာ့ကို ဖုန်းဆက်ခေါ်လိုက်ဦးမယ် "
" ဟုတ် ဟုတ် ဖွား "
ဖိုးသူတစ်ယောက် သူ့အစ်ကိုလေးခကို ပွေ့ချီပြီး
ကုတင်ပေါ်တင်လိုက်သည်။
" ဖွား ရေတွေ စိုနေတယ် "
အိပ်ယာခင်းဆီသို့ ညွှန်ပြလိုက်သည်။
စိုဆို ညက မြေ့နင်းခသတိလစ်သွားပြီးနောက်ပိုင်း
ရက်ခက
ကုတင်ပေါ်သို့ ရေစိုဝတ်ကြီးအတိုင်းသာ တင်ထားခဲ့သည်။
ညလယ် အဖျားတက်တော့
စိုနေသည့် အဝတ်အစားများအား
ခ သူ့ဘာသာ ထလဲပြီးနောက်
ကုတင်ပေါ်တောင် ပြန်မတက်နိုင်ဘဲ မေ့လဲသွားခြင်းဖြစ်သည်။
" အဲ့တာဆို သားရက်ခအခန်းထဲ ခဏ သွားပို့လိုက်သွား "
မိသားစုဒေါက်တာ ပြန်သွားပြီဖြစ်သည်။
YOU ARE READING
UM (Completed)
RandomWarning ( Included abusive content!!!) Total Episodes-43 (Completed) Start date-Oct 6.2021 End date-Feb 21.2022 To finish this story , I spent 4 months , 2 weeks and 1 day. Unforgettable memories [မေ့ဖျောက်ချင်မိ] မိုးမိရက်ခ×မြေ့နင်းခ ( Married) လူန...
PART 6
Start from the beginning
