أغدا ألقاك

الفصل الثاني

اسفة عالتاخير..

والفصل اهوه اتمنى لكم قراءة ممتعة..
&&&&&&&&&&&&&

بمكتب تيم بعد ان انتهى من الاجتماعات جلس على كرسيه ليرتاح قليلا وهو مغمض لعينيه لتمر امام عينيه عده مشاهد جعلت الدماء تثور بعروقه وبلحظه وجد يد ناعمه تسير على وجه بحركه دائرية ليشعر بالارتياح بعدها ليمد يده يمسك بيدها لاثما اياها وهو مازال مغمض لعينيه مستسلما لذلك السحر ولكنه بلحظه مر مشهد امام عينيه لينتفض بعدها مبتعدا عنها لتقف ماهى تتطلع اليه بدهشة وغرابة لتسمعه يقول بعصبية:-ايه مافيش ورانا شغل وجايةعشان تعمليلى مساج ياهانم..

ماهى بغرابة:-مالك ياتيم حصل ايه لكل ده يعنى انا شوفتك تعبان ومرهق غلط لما حبيت اريحك شوية من التعب...

تيم بعصبية:-ايه خلاص بقيتى بتشتغلى دكتورة حضرتك بقولك ايه ياماهى أمور المياعه دى ماتناسبنيش هنا احنا هنا فى مكان شغل سامعه واتفضلى برا يلا عشان مشغول..

وقتها طالعته ماهى بصدمة:-انت بتطردنى ياتيم هى حصلت تمام ياتيم بيه عن اذنك..

تيم بغضب:-مع ألف سلامه...

ليدخل بتلك اللحظه حازم ليرى ماهى تخرج مسرعة من مكتب تيم والدموع تتجمع بعينيها ليتطلع لوجه صاحبه ليراه بحالة غضب شديدة:-اهدى ياتيم ايه اللى حصل لكل ده صوتك جايب الشركه كلها مالك..

تيم بضيق:-محدش يقولى مالك ولا زفت سامع ومن بكرا تنزل اعلان عن سكرتيرة أنا مش عاوزاها فى الشركة تانى مفهوم..

ليتحرك تيم من امامه خارجا من مكتبه بل ومن شركته باكملها,ليقف حازم بعدها يتطلع باثره بغرابة وهو لايعرف ماذا حدث لصاحبه فجاة ولكنه اعلم شخص به عندما يصل لتلك الحالة من الغضب والجنون لم يستطع احد بالعالم ان يجعله يتراجع او يهدا ....
********************************
بتلك اللحظه وصلت صينيه الافطار امام غالية وجيهان لتصفق جيهان بسعادة كالاطفال:-yes هو أنا بحبكم من شوية ياعسل انتى..

طالعتها غالية باسمه:-بالهنا والشفا ياحبيبتى..

لتتحدث جيهان وهى تاكل أول لقيمه من الافطار :-يعنى بردوا مافيش فايدة طنط سماح رافضة فكرة البيع دى..

غالية:-يعنى..بس هى لو عرفت بحكاية الاسعار والسرقة دى ممكن تفسخ العقد بس لازم دليل ودليل قوى كمان..

جيهان:-امم تمام سيبى بقى موضوع الدليل ده عليا انا ماتقلقيش،وسيبنى افطر بقى ..

غالية باسمه:-كلى كلى يامفجوعه هانم...

بتلك اللحظه دلفت فتاتان معا مبتسمين لتتحدث احداهما:-ياصباح الروايح ياجيجى،بصل وفول عالصبح ياجيجى ارحمى ياماما ده انتى حتى عندكم حفلة انهاردة هتقابلى الناس ازاى بس كده بعد الضرب ده كله..