أغدا ألقاك

الفصل الحادى والعشرون

بمنزل روح كانت تجلس وقتها هى وهنادى يتناولا طعامهم معا بصمت لتظل تنظر روح لابنتها بغرابة وهى تطالعها تاكل بدون نقاش او كلام معها كعادتها..

روح:-ايه ياهنادى ساكته يعنى مش زى عادتك..

هنادى:-عادى يعنى مشغولة كده فى حاجة مجننانى ومش فهماها..

روح ساخرة:-ايه يااختى تكونيش مشغولة فى التعديل الوزارى ياخى ولا يمكن مش عارفة تعملى خطه للمنتخب عشان يلعب فى كاس العالم..

هنادى باسمه:-الله الله ده احنا بقينا بنهزر ونقول قفشات لبعض اهوه والله وبقينا امهات كول ياست روح..

روح :-اومال مش لازم ابقى لايقه على بنتى اللى شغالة فى شركه هندسة كبيرة وبعد شوية. هتبقى صحبتها زى مابتقول..

هنادى:-مش زى ما بقول انا هعمل كده وبكرا تشوفى، بس المهم الفرصة يجى وقتها وساعتها هرد القلم قلمين لبنت هدى ، المشكلة بس ان فى حاجة غريبة مش مفهومه حاصلة فى الشركة اليومين دول..

لتظل تحدثها روح بسخرية:-حاجه ايه ياام العريف اشجينى..

هنادى:-حاجه حاصلة هو واللى اسمه حازم وكريم خطيب الست جيهان صاحبة الغندورة ده هما اللى عارفينها بيها بس ايه هى بقى هموت واعرف..

روح:- يعنى هتكون ايه ياخى تلاقيه شغل مهم ولا اتفاقية كبيرة وبيرتبوا ليها..

هنادى برفض وتفكير:-لاءلاء ياماما.. الموضوع اكبر من كده شكلها حاجة وكبيرة كمان كارثة مصيبة ...

روح وهى تلملم الصحون الموضوعه على الطاولة:-ياساتر يارب اتفائلى خير يابت..

لتساعدها هنادى وتدلف معها للمطبخ:-لاء شكلها مش خير ومش بس كده ده اكيد بخصوص رشوان باشا اصله من فترة كده جه لحد عنده وغالبا كده هدده و عمل مشكلة عشان يقابله واتخانق معاه بخصوص السنيورة..

روح بغيظ:-بقى كده يابت روح تعرفى الحكاية دى وماتقوليليش..

هنادى:-اصلها كانت حاجة متوقعه ولو مكانش جه كان هيبقى فيها إناَ وغالبا هو بقى عملهم حاجة فى الشغل ومخليهم بيلفوا حوالين نفسهم بس الغريب اللى اسمه كريم ده ماله بده كله معاهم ليه..

روح وهى تضع كوب من الشاى امام هنادى:-مش يمكن يكون مشاركهم من الباطن ..

طالعتها هنادى بتفكير :- تفتكرى..

روحوهى ترتشف من كوب الشاى الذي بيديها:- يمكن وبعدين انتى هتوجعى دماغك ليه على راى المثل مابيقول  ياخبر انهاردة بفلوس بكرة يبقى ببلاش..

هنادى بيأس :-على رايك بكرة يبقى بلاش بس انتى اليومين دول عاوزاكى تلزقى للى اسمها سماح دى يمكن نعرف حاجة كده حاجة كده تمام ياروحى..

روح:-حاضر يابت بطنى لما نشوف اخرتها معاكى ايه..

هنادى باسمه :-اخرتها هتبقى فل وبكرا تشوفى يارورو...
------------------------------------------------------
اما فى شركه ابو خاطر ...