أغدا ألقاك

الفصل الثالث

بعد مرور يومان...

كان تيم يقف امام المرآه يرتدى ملابسه باسما شاردا بتلك التى لم يعرف عنها الا اسمها غالية ليجد ماهى تحتضنه من الخلف فيبتسم لها مجبرا ليسمعها تقول بدلال:-مش خلاص بقى يابيبى فترة عقوبتى انتهت وارجع الشغل بقى ولا ايه...

استدار لها تيم نازعا يدها من عليه:-لاء ياماهي مابقاش ينفع ترجعى خلاص أنا رفدتك من الشركه وقرارى مالوش رجعه..

وقتها طالعته ماهي بصدمة:-ايه ؟!أنت بتقول ايه ياتيم طردتنى يعنى ايه وازاى؟..

تيم وهو يبتعد عنها جالسا على الفراش مستندا بكلتا يديه مسترخيا يحدثها بهدوء:-كده طردتك من اليوم اياه ده أولا ،وثانيا كمان انتى طالق..

وقتها انصدمت ماهى اكثر وهى تطالعه بعدم تصديق ورفض:-انت بتهزر صح قولى أن دى حركه من حركاتك ايوة أنت ماتقدرش تستغنى عنى أنت بتحبنى اناواثقة من ده...

وقتها لم يتمالك تيم نفسه من الضحك امامها ليهدأ بعدها ويقول:-انا لابهزر ولا بعمل حركه من حركاتى يابيبى أنا بتكلم جد ،ثم تحدث معها بصوت صارم:-انتى طالق ياماهى انتى برا حياتي من انهاردة خلاص..

جرت إليه ماهى تركع تحت قدميه تتوسله باكية:-اوعى تعمل كده ياتيم ماتسبنيش كده بعد ماحبيتك وسلمتك نفسي اوعى تسيبنى أنا ممكن انهار اموت لو ده حصل..

قبض تيم على كلتا ذراعيها بين يديه بقسوة رافعا اياها امام وجه هامسا وهو لايرى ماهى ولكنه يري وجه واحدة اخرى امامه:- انتى طالق يا ماهى بالتلاته عاوزة حاجة تانية وانسي انك تبقى فى حياتى تانى سامعه ..

ماهى وهى تهز راسها يمينا ويسارا بصدمه والدموع تتساقط من عينيها:-لاء مستحيل لاء مش بعد ما بقيت حامل ...

تلك المرة الصدمه كانت من نصيبه هو ليتطلع اليها باسما بسخرية:-ده بقى حركه جديدة عشان افضل جمبك صح ،ثم ابعدها عنه بقسوة كمن يبتعد عن شئ يقرف منه او من الممكن ان يلوثه قائلا:-هينزل ياماهى واوعى تفتكرى انه هيكون كارت ضغط عليا لاء يابيبى أنا مش مستعد ان يكون ليا ابن من واحده زيك سلمتلى نفسها من دون مقابل ويمكن يكون من غيرى لاء ياروحى العبى غيرها واه الشقة والفلوس اللى اتحولتلك لحسابك انهاردة هدية منى ليكى على الفترة اللى قضناها سوا مع بعض ولو عاوزة نفضل صحاب وحبايب نزليه عشان انتى مش هتطولى منى حق ولا باطل ولا حتى هتقدرى تقفى قودامى سمعانى..

ماهى بغضب وهى تحاول ان تصفعه:-اه ياحقير ياواطى ياجبان...

امسك هو يدها بتلك اللحظه متطلعا اليها بغضب:-لولا انك ست كنت زمانى عرفتك قيمتك وازاى انتى تحاولى تمدى ايدك عليا بس حظك بقى وكمان أنا مقدر حالتك اللى انتى فيها بس انت اهوه انتى طالعه مش خسرانه كسبانه شقة وفلوس عاوزة ايه تانى ..