أغدا ألقاك

الفصل الثامن عشر

دلفت سوزان لبيت ماهى وهى بقمه سعادتها لتجد ماهى امامها تقف تواجهها بغضب وعصبية:-انتى بردوا عملتى اللى فى دماغك يا سوزان وخدتى الورق من ورايا وروحتى وكشفتينا واللى كان كان ..

سوزان بسعادة:-بقولك ايه مش وقت خناقك ده خالص سامعه انا جاية مبسوطه وفرحانه من الانجاز اللى حصل ،وبعدين ماحدش قدر يعرفنى لانى ببساطه كنت رايحه متنكرة يعنى لو دورت عليا فى الدنيا كلها مش هتلاقينى...

ماهى بسخرية:-ياسلام طب لو ده عدى ممكن اعرف بقى انجاز ايه ده  اللى عملتيه ان شاء الله ؟؟.

سوزان:-هتطلب الطلاق اول مايرجع أن ماكانتش اتصلت بيه دلوقتي طلبت منه الطلاق..

ماهى باستهزاء:-وانتى بقى متاكده من ده..

سوزان بغيظ:- اه وبعدين مالك كده فى ايه يا ماهى هو انتى ليه عاوزة تعصبينى وتطلعى جنوننتى عليكى ،لما اقولك هتطلب الطلاق يبقى هتطلبه سواء دلوقتي ولا بعد مايرجع خلاص ، ثم تحدثت بتشفى باسمه :- ده انا بنفسي شوفت كسرتها ووجعها شوفتها وهى مذلولة قصادى وسبتها وهى ميته من النار اللى بتنهش بقلبها نار الخيانه والغش والوجع والغيرة اللى دوقنا منها،  نار أن ماكانتش قتلتها هتحرقها من جواها وعمرها ماهتقدر تنساها..

ماهى بغرابة:-للدرجادى بتكرهيها ،للدرجه دى حاقدة عليها وغيرانه منها ياسوزان..

طالعتها سوزان للحظات لتقول بسخرية:-انا احقد ولا اغير من دى ليه اتهبلت..لتصمت للحظات لتحدثها سوزان بكره وغيرة:-اه بكرهها وكرهتها اكتر لما شوفتها واتكلمت معاها عرفت هو حبها ليها عرفت هى قدرت تسحره ازاى ببراءتها وجمالها ، كرهت حبها وثقتها فيه اللى كانت فى عنيها هزيتهم أن ماكنتش كسرتهم جواها، كرهت حبه ليها ، وكرهت انى شوفتها بمكانى بيتى اللى مفروض اكون انا اللى فيه مش هى ، حته بت عادية لا راحت ولاجت هى اللى فازت بقلبه هى اللى فضلها على كل ستات العالم ، هى اللى خلاها تبقى مراته وتشيل اسمه ،هى اللى بقى بيعمل عشانها وليها اى حاجه تطلبها ومن قبل ماتطلبها ، وانا...انا عمره ما حبى ولا فكر فيا ولا حتى قربلى ربع حبه وقربه ليها ، انا الوحيدة اللى حبيته بصدق، انا الوحيدة اللى كنت بتمنى له الرضا يرضي،عمل ايه فى الآخر سابنى وراح دي ، راح لحته جربوعه ولا تسوى، عارفة انا لما كنت بعرف انه بيعرف واحده ولا مع واحده ماكنتش بهتم عارفة ليه ، عشان كنت عارفه ومتاكده أنه فى الآخر هيلف يلف ويرجعلى يبقى ليا معايا، لكن عمرى ماكنت أتوقع أنه يسيبنى انا سوزان سالم بنت الحسب والنسب ويتجوز دى حته بت من حى شعبى ماتسواش فى زمتى بمليم، مااخليهاش تبقى خدامه عندى وراح اتجوزها بس وحياة حبى ليه ماههنيه عليها ولا ههنيها عليه، وصدقينى لو ماطلقوش فى اقرب فرصة انا مش هسيبهم ولا هيهدى ليا بال إلا لما اخرب عليهم حياتهم الوردية...

ماهى بصدمه:-للدرجادى ياسوزان بتحبيه...

سوزان بقهر والدموع تتلألأ بعينيها:- على اد حبى ليك ياتيم على اد ماانا ناوية احرق قلبك عالسنيورة اللى انت بتحبها ، مستعده ادمر واحرق واقتل بس عشان مايتهناش لحظه بعدى حتى لو هموته هو بنفسه هعملها وانا قلبى راضي ومبسوط...