أغدا ألقاك

الفصل التاسع

اسفة عالتاخير بس غصب عنى عقبال ماخلصت كتابته ...

واليكم البارت ...

بس الأول صلوا على الحبيب المصطفى محمد وعلى آله وصحبه أجمعين🌹🌹

&&&&&&&&&&&&&&&&&&&&&
كانت ومازالت منذ ان استمعت لخبر زواجه وهى تشعر وكأن احدهم انتزع قلبها من صدرها ودهسه تحت قدميه بعنف ظلت بالفراش لمدة اسبوعين ولكنها فاقت الآن وقررت الانتقام فما لم يكن لها يستحيل ان يصبح لغيرها..

دلفت إليها والدتها لتطالعها بدهشة بعد أن وجدت ابنتها تقف امام مرآتها بكامل اناقتها تطالع نفسها بزهو وكبرياء باسمه :-انتى بتعملى ايه ياسوزى انتى مش الدكتور قالك ماتقوميش من السرير اليومين دول لحد مانطمن على صحتك..

سوزان باسمه:-وانا بقيت احسن يامامى مش محتاجه كل رغى الدكتور ده أنا كويسة ومافيش فيا حاجة اهوه قودامك سليمه ولا لاء..

فريال بقلق:-سوزان ياحبيبتى انتى من وقت ماعرفتى بخبر جواز تيم وانتى تعبانه ونفسيتك مدمرة انتى..

قاطعتها سوزان باسمه:-كنت غبية يافراولة كنت غبية وفهمت كان عندك حق بكل اللى قولتيه...

فريال:-ايوة ياحبيبتى بس..

سوزان:-مابسش يارولا خلاص أنا مبقاش فارق معايا لا تيم ولاغيره يتجوز يطلق مش مهم خلاص من هنا وجاى هنتبه لنفسي اشوف حياتى أنا مصممه ازياء مشهورة والكل بيجيلى من انحاء العالم عشان البسه على زوقى وعندى ماركه باسمى فى السوق كل ده ازاى اسيبه وانساه عشان واحد زى تيم بيتنقل من واحده لواحده وكانه مافيش غيره عالارض..

فريال بتعجب:-معقول سوزى اللى بتقول كده بنتى !!11 ايه التغير ده كله..

سوزان باسمه:-مش تغيير ده فهم أنا ايه اللى يخلينى استنى واحد أنا اصلا مش فى دماغه مش يمكن لو كنت اتجوزته كان زمانى دلوقتى انتهى بيا الحال يامجنونه يامنتحرة ،ليه كل ده وعشان مين تيم مبقاش فارق معايا او بالاحرى بقيت بشوفه زى حازم بالظبط اخ ليا وخلاص..

فريال بدهشة:-الصراحه أنا متفاجئه من كلامك وتغييرك ده وقلقانه..

سوزان باسمه:-لا ياروحى ماتقلقيش أنا خلاص نسيتوا مسحتوا من دماغى ومن هنا وجاى هبقى وافكر لنفسي اشوف نفسي وحياتى خلاص سوزى الجديدة بقت قودامك انسي بقى العبيطه بتاعه زمان..

فريال:-ياريت يكون كلامك ده صدق مش كلام وخلاص وترجعى تحنى تانى..

سوزان باسمه:-No wey طبعا ، لتتطلع الى نفسها بالمرآه للمرة الاخيرة لتتاكد من مظهرها باسمه:-يلا بقى يارولا اشوفك عالعشا اوكيه..

فريال:-عشا انتى...احنا مش هنتغدى سوا..

سوزان باعتذار:-sorry ياقلبى مش هينفع عندى زبونه مهمه جدا جاية من Paris مخصوص عشان تشوف الكتالوجات والتصاميم الجديدة ومش عارفة هنخلص امتى ..