أغدا ألقاك

الفصل السابع والعشرون

وقف تيم يطالعهم بغرابة ليتساؤل بمرح:-خير مالكم كده مصدومين زى مايكون مسكتكم متلبسين بالجرم المشهود فى ايه ...

حدثته غالية باسمه بتوتر وقتها:-ابدا ياحبيبي ده انا كنت جاية اشوف دادة فرحه عشان تحضرلنا الغدا ..

تيم باسما:-اه ياريت يادادة لاحسن انا ميت من الجوع..

فرحه:-حاضر ياابنى هروح احضر الأكل حالا..

تيم باسما وهو يحتضن خصر غالية بحب باسما:-اه ياريت يادادة لاحسن انا ميت من الجوع ، ثم تطلع إلى غالية وجدته باسما:-وكمان عشان نلحق نرتاح شوية خصوصاً أن الشلة الفقر اول ماعرفوا بوصولنا ماسكتوش وعمتك عزمتنا عالعشا انهاردة..

طالعته غالية بدهشة:-بجد..

تيم:-ايوة الاستاذ حازم وكريم وحرمه والدكتور فارس وحرمه وخالد ولورا طبعا عمتك عازمه الكل على شرف روجوعنا وكمان عشان جدتك مسك

غالية بفرح:-هى جدتى هتبقى موجوده اصل لميا قالتلى انها مش بتقعد معاهم يعنى لسه مااتقلمتش عالجو ..

تيم:-لاء ياحبيبتي هتبقى موجوده وعشان كده عازمينا انهاردة عالعشا..

غالية:-ايوة بس لاميس وحشانى وكنت حابة اقعد معاها و ...

تيم:-مافيش مشكلة ناخدها معانا ده لو حابة طبعا..

غالية باسمه:- طبعا حابة انت بتسأل..

تيم:-يعنى عشان مش هتبقى عارفة تقعدى ثوانى مع الشلة بسببها..

فرحه باسمه بضعف:-خلاص خلوا اولجا تروح معاكم واهى منها تبقى مع البنت ومنها تاخد بالها منها..

غالية باعتراض:-لاء ، ثم حدثتها باسمه:-وكويس انك فتحتى الموضوع ده ياداده انا مش عاوزة اللى اسمها اولجا دى هنا من هنا وجاى اديها بقيت حسابها ومشيها انا محدش هيربى بنتى غيرى ولا عندك مانع ياتيم بيه..

تيم باسما:- أبدا ياحبيبتى مافيش مانع انا بس كنت جايبها عشان تساعدك مش اكتر ماتحضرونا ياجماعه..

غالية بتصميم:-خلاص وانا بقولك اهوه لاميس محدش هيربيها غيرى تمام..

تيم باسما:-تمام وأبو التمام كمان المهم أن القمر بتاعى مايزعلش ولا ايه يادوللى ماتنجدونى..

لتطالعه باسمه وقتها لتحدثهم فرحه داعية لهم:- ربنا يخليكم لبعض دايما يارب ولا يحرمكوا من بعض ابدا..

تيم:-يارب ربنا يسمع منك يافروحه ، لينظر حينها لجدته التى كانت تطالعهم بشرود غير منتبه لحديثهم ولا لأى شئ حولها تفكر بما ألت الأمور اليه ليلاحظ تيم هو ذلك ليذهب إليها يدنو منها يطالعها مبتسماً بحب:-مالك يادوللى سرحانه فى ايه كده ومش معانا مين شاغل بالك ياشقى ..

ابتسمت له دولت وقتها وهى تمسد على وجنته بحنان دامعه:-ولا حاجه ياحبيبى انا كويسة ماتقلقش عليا انا بس الفترة دى الجلسات بقت بتتعبنى أوى ومبقتش قادرة فتلاقينى كده مسهمه وفى الدنيا غير الدنيا..