سلسلة شغف الانتقام الجزء الثاني : الانتقام او الحب

الفصل 13

الفصل 13

صباح جديد على ابطالنا  ... صباح تغيب فيه صاحبة الخيوط الذهبية بشعاعها الدافئ .. ليحل محلها نسمات الخريف الباردة
كانت ملاك لا تزال نائمة في غرفتها .. دخل سيف بهدوء واقترب من امه النائمة طبعة قبلة رقيقة على خديها .. وعندما لم يجد استجابة بدا يحركها برفق
سيف : مامي ... مامي فوقي بقى .. انا فايق من بدري
ملاك بنوم : همم
سيف : يا مامي انا جعان قومي بقى
ملاك وبدات تفتح عينيها ببطئ لتجد الصغير يبتسم ببراءة
ملاك بحب : صباح الخير يا عيون مامي انت صاحي بدري ليه
سيف بغضب طفولي : يامامي الساعة 11 انتي الي نمتي كثير
ملاك بفزع : 11.... يا نهار اسوح انا عاملة مع شهد اشوفها ساعة 1 ظهر .... يارب الحق ..هو انكل اياد فين
سيف بغضب : قافل على نفسه الباب خايف لدخل اصحيه
ملاك بضحكة : طب اوعى كذا هدخل اخد شور سريع سريع واخرج نفطر مع بعض
سيف : اوكي
>>>>>
في بيت البدري
كانت شهد تجهز الفطار مع ماجدة
شهد : بعد اذنك يا طنط انا هخرج بعد شوية
ماجدة بحب :يا بنتي استاذني من جوزك مش مني
شهد : انا قلت لرياض وقلت اقولك انتي كماان اصلي وعدت ملاك اقبلها النهاردة
ماجدة : ماشي يا بنتي سلميلي عليها عشان وحشاني  
شهد : ماتيجي معيا ومنها تشوفها بنفسك
ماجدة : لا ... انا منستش انها راحت وسابت عاصم بيموت من غيرها مش ناسية يا شهد وجع ابني وحسرته لما عرف انها سفرت وسابته
شهد : يا طنط كل واحد عنده ظروفه واسبابه ... وملاك اكيد عندها اسبابها
ماجدة : اطلعي يابنتي جهزي نفسك عشان متتاخريش عليها
شهد بقلة حيلة : حاضر يا طنط عن اذنك
اتجهت شهد الى غرفتها وفي نفس الوقت نزل عاصم الى والدته
ماجدة بحب : صباح الخير يا حبيبي
عاصم وهو يحك فروة راسه بكسل : صباح العسل ياست الكل .. ايه سبب الفرح ذا فرحنا معاكي
ماجدة : اصلي لقتلك عروسة حلوة بنت ناس بتدرس في الجامعة وخدت معاد مع والدتها عشان نروح نزورها لو في نصيب نخطبهالك
عاصم ببرود :طب الف مبروك .. ماتنسوش تعزموني على الفرح
ماجدة : اعزموني على الفرح ..... يابني بقولك هخطبهالك
عاصم : ماما فكك مني وحياة اغلى حاجة  عندكم ... انا مش بفكر فالجواز ومش عايز ارتبط
ماجدة بنفعال : لتكون مستني ملاك ترضى وترجع ... عاصم ماتنساش انها سبتك ومشيت من غير ماتقولك حتى .. فوق لنفسك ملاك خلاص مش عيزاك
عاصم بغضب : من الاخر جواز مش هتجوز ... هعيش راهب باقي حياتي ... اقسم بالله لو فتحتي الموضوع ذا  مرة ثانية لسيب البيت وروح اعيش في شقتي ومش هتشوفي وشي تاني ... سيبوني فحالي بقى حرام عليكم
وخرج من الفيلا بكل غضب
ماجدة بحزن على ابنها : والله يا عاصم مابكره ملاك ... على عيني يا بني تبقى مراتك ... بس حياتها كلها خطر في خطر  ...وانا معنديش استعداد اخسرك
>>>>>>>>
عند ملاك
انتهت سريعا من الاستحمام ورتدت ملابس بيتية مريحة ...رفعت سيف على خصرها متجهة به نحو المطبخ
ملاك بمرح :ها يا سمو الامير عايز تاكل ايه
سيف وهو يضع احد اصابعه على دقنه دليل على التفكير : انا عايز اومليت بجبنة وتوست مقرمش
سرحت ملام في ذكرة مشابهة لهذه
>> فلاش باك >>
ملاك بمشاكسة : حسااااام ... حساااام
حسام بغيظ : ايه بتندهي عليا من البلكونة
ملاك : الحق عليا عايزة اعملك فطار قبل ما امشي للجامعة
حسام : امممم.. انا عايز اومليت بجبنة ... بس جبنة كثير وتكون سايحة يا سلام ... ويا سلام بقى لو قدمها توست مقرمش كذا ... يبقى كثر غير
ملاك بغيظ : عايز حاجة ثانية من الفيليبينية  الى جبهالك الحج
حسام بستفزاز : اه لو قهوة مضبوط تمام
ملاك : اب تقل دم امك ... مابحبوش الواد داه
>> باك >>
فاقت ملاك من ذكرياتها على صوت الصغير لتقبله مطولا
ملاك : اومرك يا سيادة اللواء ... اي اوامر ثاني
سيف : ايوا عايز عصير اورنج
ملاك بحب : عنيا حاضر
توجهت ملاك الى غرفة اياد تطرق بابها بقوة : انت يا بني ادم انت ... الله ... قوم يالااا ... انت دخلت فغيبوبة ولا ايه الساحة داخلة على 12
فتح اياد الباب بنزعاج وعيون مغلقة : ملاك ابوس ايدك مرة ثانية متقربيش لقوضتي يوم اجازتي ماشي .. اعتبريني مش موجود في البيت خالص ... شغل المستشفى هد حيلي ,... نهاردة يوم الفري بتاعي ... ان شاء الله اقضيه كله نوم
ملاك : قوم افطر معنا وبعدين نام تاني ... اه انا هخرج سيف شوية
اياد : برحتك انا مش هتحرك من هنا عايز انام بس
ملاك بقلق : اياد انت تعبان ولا ايه اجبلك دكتور
اياد بطمئنة : لا مش تعبان هو بس ارهاق شغل ... الاسبوع الي فات كان في شغل كثير
ملاك : ماشي ابقى خدلك شوية فيتامينات موجودة في الدرج الى على اليمين
اياد : حاضر تصبحي على خير
>>>>>>
بعد ان انتهت ملاك وسيف من الافطار ... اتجهت الى غرفتها لتجهز نفسها للخروج
ملاك : عايز تلبس ايه سيادة اللواء
سيف : وسعي شوية اشوف الى موجود
بعد وقت اخرج سيف ملابس صيفية شورت وتيشرت
سيف برضى : هما دول الى هلبس
ملاك : نعم ياروح امك ... احنا طلعين مصيف .. ذا الجو برد موووت ... وسع اشوف هلبسك ايه
ملاك : اهو ذا لبس كويس وهتطله مز يابن الايه
اختارت له ملاك تيشرت قطن باكمام من لون الابيض وبنطلون جينز باللون الاخضر الغامق وجاكيت جلد بلون البني الغامق وحذاء رياضي ابيض ارجعت خصلاته الى جهة واحدة ليصبح بالاخير كتلة من الجمال
ملاك برضى : اهو كذا يلا اطلع استناني برى هلبس بسرعة ولحقك
سيف بطاعة : حاضر
اخدت ملاك تبحت بالخزانة كثيرا مترددة في شان لبسها ليستقر رايها اخيرا على تيشرت قطن بيج باكمام وبنطلون جينز بيج  وجاكيت منفوخ بدون اكمام احمر ... ورفعة شعرها ديل حصن ... لتلقي نظرة على شكلها برضى وخرجت رفقة سيف
>>>>>>>
في فيلا الالفي
دخل كريم الى مكتب هشام : صباح الخير يا عمهم
هشام : يا روقانك يا اخي انت يابني حد مسلطك عليا
كريم : ليه بس يا بووص
هشام : انت مش حاسس بالمصايب الى نازلة ترف علينا
كريم بخبت : انا يما حذرتك من ملاك بس انت طنشت .. الا قولي ناوي تعمل معها ايه
هشام : هندمها .. وهحسرها على اغلا حاجة على قلبها ... شكلها نسيت هشام الالفي ولازم نفكرها بس مش دلوقتي لما ارجع من السفرية الاول
كربم : انت مسافر فين
هشام : روسيا ... عملية جديد هشرف عليها والمرة ذي هتاكد بنفسي ان مايكونش في غلط او خاين
كريم بتفكر : اممم قشطة
>>>>>>>
وصلت ملاك الى مكان التقائها ب شهد لتجد شهد تجلس على احد الطاولات تنتظرها
شهد بفرح وهي تحضن ملاك بقوة : لوكة وحشاني
ملاك وهي تبادلها الحضن بقوة : وانتي كمان والله يا شه عاملة ايه
شهد : بقيت كويسة جدا وعال العال اول ماشفتك
لمحت شهد الصغير الذي يمسك بكف ملاك
شهد بحب : من القمر ذا يا لوكة
رفعته شهد الى حضنها وقبلته بحب
سيف ببراءة : انا اسمي سيف وانتي
شهد بحب : انا اسمي شهد ... انت حلو اوي على فكرة
سيف بتكبر وهو يرفع راسه للاعلى بكبرياء: ايوا عارف حلو زي مامي
شهد بقهقهة : يا واد ياواثق انت .. طب فين ماما عشان اشوفها واحكم اذا كنت حلو زيها ولا لا
سيف وهو يشير الى ملاك : اهي واقفة قدامك
شهد بصدمة من كلام الصغير ... هل ملاك تزوجت وانجبت هذا الطفل ... لحظة هل خانت حب عاصم الذي ينتظرها طيلت 4 سنوات
شهد بعدم تصديق : ماما... ازاي
ملاك بتوثر : سيف حبيبي روح العب هناك في الالعاب يا حبيبي
ذهب الصغير الى مكان تواجد اللعاب
ملاك : اهدي وقعدي انا هفهمك
شهد بعدم استعاب : ازاي كذا انتي تجوزتي
ملاك بصدق : هحكيلك بس الموضوع يبقى سر بينا مافيش حد يعرف غير عيلتي ورياض وانتي
وحكت لها ملاك قصة سيف من الاول الى الاخر
شهد بحزن على صغير : يا حبيبي يابني .. لسا صغير على البهدلة لى حصلتله ... ربنا ينتقم من الي كان السبب ان يعيش عيشة طبيعية
ملاك : بس قوليلي يا ست العقلين ... ايه المصيبة الى عملتيها مع رياض عشان يوصل للحالة الى كان فيها امبارح
تنهدت شهد بحزن : هحكيلك
وحكت لها شهد بداية من ذهابها الى الطبيب الى تهديدها لرياض بزواج مرة ثانية او تطليقها
ملاك بصدمة : يانهارك اسود يا شهد انتي تجننتي .. طول عمرك عاقلة قلبت مرة واحدة
شهد : والله ماعرف الى حصلي ساعتها كان مكنتش انا
ملاك بحكمة : ياشهد مافيش حاجةاسمها صعب او مستحيل على ربنا ... ربنا بيقول ادعوني استجب لكم ... واكيد ليه حكمة فتاخير الحمل ... افرضي حصل حمل وحصلت حاجة ما كملش ... او طلع ولد مش صالح ... يا شهد اكيد ربنا هيرزقك بس نصبر ... افرضي رياض كان طبق كلامك وراح اتجوز ايه هيكون احساسك
شهد بالم : هكون زي المدبوحة
ملاك : اها شوفتي ... بلاش تخربي بيتك وصبري ... الصبر مفتاح الفرج
شهد بمرح : انا هقوم العب مع سيف شوية ... اه ويكون فعلمك انا لو ربنا رزقني ب بيبي هتسلفيني سيف اتوحم عليه عشان يطلع ابني عينه زرقة زي ابنك
ملاك بضحكة : والله مجنونة
ما ان رحلت شهد لتلعب مع سيف حملت ملاك هاتفها وتصلت بشخص قد يكون مفتاح الفرج بعد دقيقة
ملاك برسمية : ازيك يا دكتور محمود
دكتور محمود : ازيك  يا ملاك يا بنتي عاملة ايه
ملاك : الحمد لله بخير اخبار حضرتك ايه والمدام و الاولاد
دكتور محمود: كلهم بخير ... وبيسلموا عليكي
ملاك : بصراحة يا دكتور في واحدة قربتي كانت حامل قبل 6 سنين بس حصلها حادث والبيبي راح ... ومن بعدها مش عارفة تحمل ثاني الدكاترة بيقولوا ان رحيم متضرر ومش حِمل  حمل.... بصراحة يا دكتور انا نفسي اساعدها هي زي اختي وجوزها اخويا ونفسي افرحهم
محمود : بصراحة يا بنتي مش هقدر اقول حاجة غير لما اشوف التحاليل والاشعة كلها ... ساعتها نقدر نحدد حجم الضرر ونحد نظام العلاج
ملاك بامل : يعني في امل يا دكتور
محمود : دايما في امل ولو صغير احنا بنمشي عيله ... وربنا قادر على كل شيئ
ملاك : هبعتلك كل التحاليل والاشعة بالايميل بالليل ان شاء الله وعلى اساسهم هناخد موعد عشان اجبها واجي لحضرتك
محمود : هستناكي بلاغي سلامي للجميع
شهد بتسائل : انتي كنتي بتتكلمي مع مين
ملاك : اقعدي الاول وهقولك
شهد : اها .. اذي قعدة
ملاك بجدية : انا اعرف دكتور كويس جدا عالج حالات كثير كانت شبه مستحيل انها تخلف ولي كان عندها تاخر انجاب ... انا اعرفه معرفة شخصية هو كويس جدا ... كنت بتكلم معاه في حالتك طلب يشوف التحاليل والاشعة عشان يحدد شكل مشكلتك وبعدها يحطلك نظام علاج
شهد : مافيش امل يا ملاك انا لفيت على دكاترة مصر كلهم قالولي نفس الكلام
ملاك : نجرب يا ستي هنخسر ايه خالي عندك امل والله الدكتور ذا شاطر جدا
شهد : امري لله هبعتلك الملف بتاعي بكرا
ملاك : لا بكرا ايه النهاردة باليل يكونوا عندي
شهد : ماشي يا ستي لما نشوف اخرتها
ملام بمرح : اخرتها بيبي ان شاء الله ... الا بقول ايه ماتيجي نروح للمول نجيب كام فستان لحفلة بكرى
شهد بتذكير : ايوا والله انا لسا معرفش هلبس ايه
ملاك بضحكة : يالا ياختي اما نشوف الجديد الى نازل....
توجهت ملاك وشهد وسيف الى احد المولات القريبة وبعد ساعات من اللف في المحلات استقرت ملاك على فستان غاية في الجمال,.. وشهد اختارة ايظا فستان انيق
شهد : هتطلعي مزة بالفستان ذا والله .. هتمشي تعدي الضحايا الى هيقتلهم عاصم
ملاك بتحدي : وذا الي انا عوزاها ... اني اصدمه
شهد : عايزة تجديدي قصة الحب ولا ايه
ملاك : اجدد ايه بس ... الاستاذ شايفني ناقصني شنب وابقى راجل ... والله لجبلوا جلطة بكرا
شهد وهي تكاد تقع من فرط الضحك: والله ...والله يابني عندوا حق انتي مش شايفة نفسك بقييتي بتلبسي ايه زي رجالة
ملاك : جرا ايه يا جماعة ذا مكان شغل عايزني البس ايه هوت شورت وبلوزة كات عشان ترتاحي ... اذا كنت بلبس رسمي وبتعاكس
شهد : لا وحياة امك مش ناقصين مجزرة
ملاك : طب يالا يا ختي اوصلك
>>>>>>>
باليل بعتت شهد ملفها الطبي لملاك لتبعتها ملاك الى الدكتور محمود الذي حدد لها ميعاد الاسبوع القادم ... وفي هذه الاثناء دخل اياد
اياد : سلام وعليكم
ملاك بستغراب : وعليكم السلام يا حبيبي انت كنت فين مش قلت هتنام
اياد بتعب : اتصلوا بيا من  المستشفى كان في حاجة طارئة
ملاك : ربنا يقويك يا حبيبي ... جعان اجهزلك الاكل
اياد : لا شوية كذا وهاكل معاكي ... سيف فين
ملاك : نام من ساعة اتهد من كتر اللعب واللف ... بقولك ايه هيلانة مش باينة النهاردة راحت فين البنت ذي
اياد : ماعرفش خرجت الصبح ... انا داخل انام شوية ... صحيني لما يكون الاكل جاهز
ملاك بتفكير : حاضر
قطع تفكيرها رنين هاتفها باسم ليون .. ما ان رات اسمه يزين شاشة هاتفها ارتسمت بسمة على واجهها
ملاك بفرح : oh my good lion I miss you
ليون بمشاكسة و لغة عربية : تكلمي بلغتك ايتها المصرية الجميلة ف انا الان على الاراضي المصرية
ملاك بعدم تصديق : بتهزر صح
ليون: لا امزح عزيزتي انا متواجد في مطار القاهرة .... ماذا الا تاتي لتوصيلي
ملاك : لا انت بتتكلم جد بقى استنى عندك انا نازلة هوا اجيبك
ليون : لا تتاخري انجل فالطقس بارد هنا
ملاك بضحكة شامتة : وحياة امك  ذا انت هتتروق يا معلم سلام مؤقت
نظرت ملاك لنفسها في المراة كانت ترتدي ترينج رياضي ارتدت حذائها الرياضي ومعطف منفوخ واخدت مفاتح سيارتها لكن قبل ان تخرج توجهت الى غرفة اياد
ملاك : اياد انا نازلة
اياد: رايحة فين ياختي الساعة داخلة على 12
ملاك : ليون في المطار هروح اجيبوا وارجع
اياد : اقعدي انا هروح اجيبوا
ملاك بعتراض: يا حبيبي انت تعبان , انا هروح بسرعة مش هتاخر
ونزلت بسرعة
>>>>>>>>
بعد مدة كانت ملاك وصلت الى المطار صفت سيارتها ونزلت منها لتجد ليون جالس على احد المقاعد .... توجهت اليه بسرعة ورتمت داخل احضانه بقوة وهو بدوره احتضنها الى ان رفع قدمها عن الارض
ملاك : وحشتني اوي اوي .. عامل ايه
ليون : اشعر ان جميع اعضاء جسمي تجمدت انجل
ملاك بضحكة : انا جيبالك جاكيت يدافيك في العربية .. على مانوصل البيت ... هات ام الشنطة احطهالك جوا وانت ادخل جوا
بعد ان وضعت ملاك شنطة ليون في الخلف توجهت نحو مقعدها
ملاك بتساؤل : ايه سر الزيارة المفاجئة ذي
ليون : اشتقت اليك لهذا اتيت
ملاك بخبث : يبقى في مصيبة
>>>>>>>>>>>
في بيت البدري
كانت شهد تجهز طاولة العشاء مع ماجدة
شهد : خلاص يا طنط اقعدي انتي مع رياض انا هجيب طبق المكرونة وارجع
ماجدة بحب : ماشي يا حبيبتي
بعد لحظات رجعت شهد لتنظم اليهم
رياض : ها يا حبيبتي كان يومك عامل ازاي
شهد بفرح : كان تحفة ملاك كانت وحشاني بنت الايه
ماجدة بفضول : واخبارها ايه
شهد بحزن : اتغيرت جدا لسا موت حسام معلم عليها جامد
رياض : فعلا لو حد ذكر اسمه او حد شبهوا او حد قال حاجة هو كان بيقولها بتمسك نفسها بالعافية
ماجة : مش ساهلة اخوها مات بين ايديها
وفي هذه الاتناء دخل عاصم
ماجدة بقلق : كنت فين يا عاصم طول النهار
عاصم : كنت مع صحابي
رياض : صحابك مين دول
عاصم بضيق : ايه يا رياض هو تحقيق ولا ايه
رياض بغضب : ماترد عدل ياالا في ايه
عاصم : انا اسف مش قصدي ... عن اذنكم
شهد : طب اقعد كل الاول
عاصم : مش عايز ماليش نفس
توجه عاصم الى غرفته لتزفر ماجدة بقلة حيلة
رياض بسظتغراب : هو مالوا ذا
ماجدة : طلبت منه يتجوز بس اتعصب وساب البيت ولما رجع شوفت عامل ازاي
رياض : يا امي ارحميه هو مش ناقص ... ابنك بيحب ملاك وبس ومش هيتجوز غيرها
ماجدة : ملاك حياتها كلها خطر في خطر عايزني اضيع ابني بنفسي
رياض : ملاك الى انتي خايفة على ابنك منها ... عندها استعداد تحط حياتها قبل حياة عاصم وحياتي ... انتي بتظلميها ... عن اذنك
وتركها رياض هو ايضا صاعدا الى غرفته
>>>>>>>>>
وصلت ملاك رفقة ليون الى بيتها
ملاك : اتفضل البيت بيتك
ليون : المنزل جميل جدا انجل ... لكن منزل عائلتك اجمل بكثير ... رايته عندما زرتكم
ملاك : هو فعلا حلو بس مش هقدر اقعد فيه الفترة ذي
خرج اياد من غرفته وسلم على ليون
اياد : مصر نورت يا كابتن
ليون : الدكتور اياد كيف حالك صديقي
اياد : كويس الحمد لله وانت
ليون : بخير بخير
ملاك : ليون البيت بيتك انت هتقعد هنا مع اياد وانا هقعد مع هيلانة
ليون بعتراض : لا عزيزتي انا ساذهب الى الفندق غدا
ملاك : وااالا اسمع الكلام بدل ما قلب عليك
ليون بخوف مصطنع : حاضر سيدتي
ملاك : ليون اعمل حسابك بكرا هتروح معايا حفلة ماشي
ليون : يالا روعة طبعا اتشرف بمرافقة جميلة مثلك
ملاك : كويس جدا يلا اشوفكم بكرا
>>>>>>>>
في صباح يوم جميل ... صباح يحمل بين طياته مفاجات وقرارات مصيرية فرحة وخدلان
في منزل اسيل
دخلت فاطمة والدت اسيل الى غرفة ابنتها لتوقظها : قومي يابت يا موكوسة .... مش في زفت حفلة خطوبتك النهاردة
اسيل بنوم : ماما ابوس ايدك سيبيني انام شوية كمان
فاطمة : والله يا اسيل اما صحيتي ونزلتي لكون لغية الحفلة وابقى اضربي راسك في اتخن حيطة
فاقت اسيل بسرعة : وعلى ايه يا ست الكل انا اهو فايقة
فاطمة : ايوا كذا ناس مش بتبجي غير بتهديد
اهتز رنين هاتف اسيل
اسيل بكسل : الو
ملاك : صباح الخير ياعروسة لسا نايمة
اسيل : لا ما تخافيش نبع الحنان قامت بالواجب
ملاك : والله نفسي اتعرف على مامتك ذي شكلها عسل ... المهم عايزة حاجة اجبهالك وانا جايا ولا اساعدك في حاجة
اسيل بمتنان : شكرا يا حبيبتي بس كل حاجة جاهزة يامزة مش فاضل غير اتاكد من فارس جاب اطقم ولا لسا
ملاك : انا هتصل اكد عليه انتي اجهزي دي ليلة ليلتك يا عروسة
اسيل : ماشي ياقمر
انهت ملاك مع اسيل وتصلت بفارس
ملاك : صباح الخير يا عريس
فارس : صباح العسل على العسل عايزة ايه يابت
ملاك : عايزة اطمن على البدلة جات ولا لسا
فارس : اووبا انا نسيت حوار البدلة داه خالص
ملاك : الله يكسفك ... قوم جيب بدلتك.
فارس: حمامة ... الا قوليلي اهدي عليكي تخدم معيا
ملاك : لا انا هجي مع هيلانة واياد
فارس : وهتسيبي سيف مع  مين
ملاك : هسيبوا مع دادة نعمة جات النهاردة
فارس : اوكي ابقى شوفك هناك
انهت ملاك حديتها مع فارس لتجد هيلانة تتحدت مع احد في الهاتف وعند انتهائها
ملاك بهدوء: هيلانة مش قولنا بلاش اللامبالة ذي
هيلانة : شو بعمل ملاك ... انتي اكثر شخص بتعرف ان نحنا بنحب بعضنا
ملاك : ايوا عارفة بس خفوا شوية ... اول مانخلص من هشام ساعتها عيشوا حياتكم ... بس لو حد شافك مع كريم ممكن يروح في داهية
هيلانة : بعيد شر عنوا ان شالله انا ولا هو
ملاك : عشان كذا بقولك بلاش مقابلات اليومين دول ... انا عارفة ان امبارح كنتوا مع بعض في الغردقة قضيتوا اليوم كله هناك ... لو حد كان شافكم هيبقى خراب على الكل
هيلانة : اوكي ملاك مارح اظهر معوا مرة ثانية لنخلص من هشام
ملاك : يلا اجهزي عشان الحفلة
هيلانة : رح اجهز وانزل لعندكم لنظهر مع بعض
ملاك : انتي هتمشي مع اياد وانا هروح مع ليون
اومات لها هيلانة بنعم لتتوجه ملاك الى الاسفل لتجهز نفسها لتجد الدادة نعمة على الباب
ملاك : دادة عشان خطري اكليه كويس قبل ما ينام وقفيلي شباك وغطيه كويس عشان بيبرد بسرعة
الدادة : ماتقلقيش يا حبيبتي هشيلوا في عنيا الاتنين ارتاحي انتي بس
ملاك : والله يا دادة مرتاحة عشان انتي الى معاه
مرت ملاك الى غرفة ليون : جهزت ولا لسا
ليون : اخترت بدلة انيقة تليق بجمالك سيدتي ... ارتدي فستانك ستجدني في انتظرك اميرتي
ملاك : اياد فين
ليون : يتحدت مع حبيبته في الشرفة
ملاك : لسا مجهزش صح
ليون : نحن الرجال نجهز بسرعة عكسكم انتم السيدات
ملاك وهي ترفع احد اصابعها في وجهه : هنتحاسب على الكلام ذا بعدين
>>>>>>>>>>>>
في بيت اسيل
تعلوا صوت الاغاني لتعلن عن وجود فرحة في هدا البيت ... كان الجميع موجود
فارس ببدلته الانيقة رفقة اسيل بفستان انيق ... تاركة لشعرها الاسود الحرية في تحرك مع ميك اب كامل ... بجانبها اختها الصغيرة لينة بفستان انيق
اما الجانب الاخر يوجد اياد يرتدي بنطال جينز اسود وقميص اسود وبليزر رصاصي معاه هيلانة الذي تالقت بفستان بلون الازرق
بجانبهم رياض الذي اختار بدلة رسمية بلون الاسود وقميص ابيض يمسك بيد شهد التي ترتدي فستان هادئ
ومعهم عاصم الذي فضل ان يختار لباس كاجول بنطال جينز اسود وتيشرت ابيض فوقع بليزر اسود
كان الكل متواجد عائلة فارس المتكونة من والدته واخواته البنات هدير و روان ... بستتناء ملاك و ليون تاخروا على الحفل
بعد مدة انشل حواس الجميع من الحضور من تلك الواقفة على باب البيت بكامل اناقتها كانت ترتدي فستان ....... اما شعرها فضلت ان تجمعه على شكل ضفيرة فرنسية انيقة مع بعد المتمردة كصاحبتها لتضيف على اطلالتها مزيج من الاغراء و الجمال ... مع ميك اب ابرز جمال وجهها وساعة يد الماس كانت هدية من حسام وذاء كعب عالي رقيق بلون الفضي .... وكان الملاك تحدت الكل واظهرت كل جاذبيتها وسحرها وانوتثها كمل لم تضهر من قبل
والاكتر صدمة من الجميع دالك العاشق الذي شلت جميع حواسه من طلت ملاك الذي يراها لاول مرة فهو يكاد يقسم انها الان اصبحت انثى ناضجة بالمعنى الحرفي ... كان مغيبا على الواقع يتقدم اليها ببطئ ... لكن ياريت ما يتمنا الانسان يصبح حقيقة فاق من بئر احلامه على حقيقة صفعته بقوة ....