" စုန့်မိသားစုက ချီမိသားစုကို အကြွေးတင်မထားပါဘူး ။ ဒါပေမယ့် မင်းမိသားစုကတော့ ငါ့အပေါ် အကြွေးတင်နေတယ် !!! " ပြောပြီးတာနဲ့ ချီယန်က တံခါးအပြင်ဘက်ကို ထွက်သွားတော့သည်။
အတွင်းရေးမှူးချူက သိပ်မဝေးတဲ့နေရာမှာ ဖရဲသီးလေးကို သူ့လက်မောင်းတွေထဲထည့်ကာ အတူတူ ကာတွန်းကား ကြည့်ပေးနေသည်။ချီယန်က ဒေါသတကြီးနဲ့ ပြေးထွက်လာတာကို မြင်တဲ့အခါ သူ ခဏလောက် တုံ့ဆိုင်းသွားပြီး ဖရဲသီးလေးကို ပြန်ခေါ်သွားလိုက်သည်။
" ဥက္ကဋ္ဌ , အဲဒီကလူတွေက ချီလင်း ပြန်လာပြီလို့ ပြောပါတယ် ။ ကျွန်တော်တို့ ဘာလုပ်သင့်လဲ ? " အတွင်းရေးမှူးချူက ပြင်သစ်ပြတင်းရှေ့မှာ မတ်တပ်ရပ်နေတဲ့ စုန့်ရှီလင်ကို ကြည့်လိုက်သည်။သူ စုန့်ရှီလင်ရဲ့စိတ်ထဲမှာ ဘာတွေရှိနေလဲဆိုတာ မသိနိုင်ချေ။
စုန့်ရှီလင် ခေါင်းငြိမ့်လိုက်သည်။ " ချီမိသားစုရဲ့ လှုပ်ရှားမှုတွေကို ဆက်ပြီး စောင့်ကြည့်ထား ။ ချီယန်က အရေးကြီးတယ် ။ တကယ်လို့ မင်းတို့တွေ ဒီအချိန်မှာ သူတို့ရဲ့လှုပ်ရှားမှုတွေကို မဖမ်းနိုင်ရင် အကုန်လုံး အလုပ်ထွက်လိုက်ကြ "
အတွင်းရေးမှူးချူက အလေးအနက် ပြန်ဖြေလိုက်သည်။ " ဟုတ်ကဲ့ "
ချီမိသားစုမှာရှိတဲ့ လူတိုင်းက တကယ့်ကို ကျိန်စာတွေချည်းပဲ ။ တကယ်လို့ အဲဒီနှစ်တွေတုန်းက ချီလင်းသာ ထွက်မသွားရင် ဥက္ကဋ္ဌလည်း ဒီလောက်အချိန်အကြာကြီး ချီယန်ကို ထိန်းသိမ်းထားရမှာမဟုတ်ဘူး ။
ဒါပေမယ့် ..........
" ပြီးခဲ့တဲ့နှစ်နှစ်တာကာလမှာ သူတို့ရဲ့ပြင်ဆင်မှုတွေက အရင်ထက်ပိုပြီး အများကြီး စေ့စပ်နေတယ် ။ အဲဒါကြောင့် ချီမိသားစုတစ်ခုလုံး အခုချိန်မှာ ထွက်မပြေးနိုင်ကြပါဘူး " အတွင်းရေးမှူးချူက သက်ပြင်းချလိုက်သည်။
ဖရဲသီးလေးက တစ်ခဏလောက် ချီတုံချတုံဖြစ်နေပြီး ရှေ့ကိုတိုးလာကာ လုံခြုံမှုရှိတဲ့ ခံစားချက်ကို ပေးစွမ်းနိုင်တဲ့ စုန့်ရှီလင်ရဲ့ပေါင်တံတွေကို ဖက်တွယ်ရင်း ကလေးသံလေးနဲ့ ပြောလိုက်သည်။ " ဦးဦးစုန့် , သား ပါးပါးဆီကို ဖုန်းခေါ်လို့ရလားဟင် ? "
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...
အခန်း-၃၆(စုန့်ရှီလင်၏ရက်စက်ခြင်း)
Start from the beginning