ချီယန်က စုန့်ရှီလင်ရဲ့မျက်၀န်းတွေကို ကြောက်ရွံ့နေမိသည်။
" အဲဒါလည်း ကောင်းပါတယ် ။ ငါ့အတွက် လွန်ခဲ့တဲ့နှစ်နှစ်က ကိစ္စကို စျေးဆစ်စရာမလိုတော့ဘူးပေါ့ " စုန့်ရှီလင်က ချီယန် ချက်ချင်း ဖြူဖျော့လာတာကို မြင်လိုက်ရတဲ့အခါ သူ အံ့သြသလို မခံစားရပေ။အဲဒီနောက် သူ အညှာအတာကင်းမဲ့စွာနဲ့ပဲ ဆိုလိုက်သည်။ " စုန့်မိသားစုက ချီမိသားစုဆီမှာ ဘယ်တော့မှ အကြွေးမတင်တော့ဘူး ။ ချီယန် , ဒါက ငါတို့ရဲ့ရင်းနှီးတဲ့ဆက်ဆံရေး အဆုံးသတ်ပဲ "
ချီယန် တုန်လှုပ်ခြောက်ခြားသွားရသည်။
" မင်း ငါ့ကို အဲ့လိုမလုပ်နိုင်ပါဘူး ။ ကျန်တဲ့တစ်ဘ၀လုံး ငါ့ကို စောင့်ရှောက်ပေးသွားပါ့မယ်ဆိုပြီး မင်း ပြောခဲ့တာကို မေ့သွားပြီလား ? "" အကြောင်းပြချက်ကတော့ ချီမိသားစုက ကုမ္ပဏီကို တစ်ခါမှ သစ္စာမဖောက်ခဲ့လို့လေ !! " စုန့်ရှီလင်က စားပွဲကို ဒုန်းခနဲ ထုချလိုက်သည်။ " နောင်ကျရင် ငါ့မိသားစုနဲ့ သီးသန့် မတွေ့နဲ့တော့ ။ မဟုတ်ရင် ငါလည်း အဲဒီကိစ္စကို မင်းအတွက် လျှို့ဝှက်ပေးထားမှာမဟုတ်ဘူး "
ချီယန်က နောက်ကို ခြေလှမ်းကျယ်ကြီး တစ်လှမ်း ဆုတ်ကာ " ဒါပေမယ့် မင်းကို သစ္စာဖောက်ခဲ့တဲ့သူက ငါ မဟုတ်ဘူးလေ ။ အဲဒါကို မင်းက ငါ့ကို ဘယ်လိုများလုပ်နိုင်မှာ မို့လို့လဲ ? "
" မင်း အမှန်တရားကို သိပါတယ် ။ ဒါပေမယ့် မင်းက ထွက်သွားဖို့ ရွေးချယ်ခဲ့လိုက်တယ်လေ " စုန့်ရှီလင်ရဲ့နက်ရှိုင်းလှတဲ့ မျက်၀န်းတွေဟာ ဘယ်အရာကမှ သူ့ကို မတုန်လှုပ်စေနိုင်သလိုမျိုး ရေသေကန်ကဲ့သို့ တည်ငြိမ်နေသည်။
အနည်းဆုံးတော့ သူ့ရဲ့စိတ်ခံစားချက် အတက်အကျပြောင်းလဲမှုကို ပြုလုပ်နိုင်တဲ့လူက ချီယန် မဟုတ်ဘူးပဲ ။
စုန့်ရှီလင်က ဒီလောက်ကြီးထိ အသည်းနှလုံးကင်းမဲ့ကာ ရက်စက်လိမ့်မယ်လို့ ချီယန် ဘယ်တုန်းကမှ မစဉ်းစားခဲ့ဘူးပေ။သူ သူ့နှုတ်ခမ်းတွေကို ကိုက်ဖြတ်ကာ ပြောလိုက်သည်။ " စုန့်ရှီလင် , မင်း နောင်တရလိမ့်မယ် !! "
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...
အခန်း-၃၆(စုန့်ရှီလင်၏ရက်စက်ခြင်း)
Start from the beginning