Pretend WIFE (COMPLETED)

(Pretend Wife) 15

"Magandang hapon po, Mam!" bati nito sa kanya. 

"M-magandang hapon din po! K-kuya, pwede po bang mahiram ang bike nyo? Babalik din po ako agad!" 

"S-sige po! P-pero marunong po ba kayong mag-bisikleta?" atubiling tanong ng lalaki na tila hindi makapaniwala na kinakausap niya ito. 

"Opo, Kuya! Marunong po ako. Babalik din po ako agad, Kuya! Salamat po." Hindi na niya hinintay na muling magsalita ang lalaki. Mabilis na siyang sumakay sa bike at mabilis na pinatakbo ito. 

May nakita siyang isang kumpulan ng mga magsasaka at mga asawa nito na parang nagpapahinga, 

"Magandang hapon po!" tawag niya ng pansin sa mga ito. Bumalatay ang pagkagulat sa mukha ng mga ito ng makita siya na naka-bisikleta. 

"M-magandang hapon po, M-mam Sherina! Ano pong mapaglilingkod namin sa inyo?" may hiya sa tinig ng isa sa mga maybahay na baling sa kanya. Ang iba naman ay tila tinalulos sa kani-kanilang kinatatayuan. 

"Magtatanong lang po ako kung kilala nyo po ba si Ralph Agustin. Mga 8 to 9 yrs. old lang po siya. Mga ganito po kalaki." iminuwestra niya ang  taas ng bata pagkatapos ay ipinakita ang picture na tinanggal niya sa notebook nito. Agad iyong kinuha ng babae, at ipinakita sa mga kasamahan. 

"Ahhh! Si Raf-raf yan, Mam. Tiga doon po yan sa labasan." sagot ng isang may kabataan pa na lalaki na siyang nakakilala sa bata. 

"Ganon po ba? Paano po ba makakapunta dun?" 

"Tahakin nyo po ang daan na yan. Diretso lang po tapos po sa pangalawang kanto, kumaliwa po kayo. Tapos po diretso po ulit tapos po kumanan po kayo, doon nyo po makikita ang labasan. Sa pang-limang bahay po, doon ang bahay nyan pero po---" 

"Salamat po!!" hindi na niya hinintay pa ang iba pang sasabihin ng lalaki, mabilis na niyang pinaandar palayo ang bike. Kailangan niyang makita agad ang batang si Raf-raf. 

---------------------------------------------------------------------------------------------------------------------------------------

"Where's that retard?" takang tanong ni Harland sa sarili. Napansin niya na ang sasakyan na ginamit kanina nito at ng kanyang lola ay nakaparada na sa labas, which means nakauwi na ang mga ito. 

Nakita niyang lumabas mula sa silid ni Lola Carmela ang private nurse nito. Tinanong niya ang babae kung nasa loob ba ng silid si Czarina, sinabi nito na wala iyon roon at tanging ang kanyang lola lamang ang naroroon na ngayon ay nagpapahinga na. 

Kunot ang noo na naupo siya sa sofa. Saan naman yun pupunta? Wala namang kilala na iba ang babae maliban sa kanya, sa Mama niya na ngayon ay nasa prayer meeting, ang kanyang Lola na ayon nga sa nurse nito ay nagpapahinga, at si Luigi na umuwi muna sa Maynila upang asikasuhin ang maiiwan niyang trabaho. 

Nasa ganun siyang pag-iisip ng mapansin ang isang pang batang backpack. Kunot ang noo na dinampot niya iyon. 

"Kanino 'to?" tanong niya sa isa sa kanilang mga kasambahay. Nalaglag ang laman ng bag, hindi pala ito nakasarado. 

"Hindi ko po alam, Sir Harland! Pero nakita ko po na dala yan kanina ng misis nyo. Tapos po bigla na lang po siyang tumakbo palabas." sagot nito. Bahagya pa itong tumango bago bumalik sa loob ng kusina.

Dinampot niya ang isang notebook, pencil case at drawing book. Ibabalik niya sana ang mga ito sa loob ng bag ng mapansin niya ang isang larawan na nasa unahang bahagi ng drawing book. Nanlaki ang kanyang mga mata sa nakita.