Pretend WIFE (COMPLETED)

(Pretend Wife) I

Laglag ang mga balikat na lumabas si Czarina sa Manila City Hall. Sinubukan niyang makiusap sa mga opisyales ng lungsod upang bigyan sila ng oras ng may-ari ng lupang kinatitirikan ng kanilang bahay sa Sampaloc para sa isang diyalogo. Noong isang araw kasi ay nakatanggap sila ng  notice of eviction. Ayon sa liham, binibigyan na lamang sila hanggang sa katapusan ng buwan upang lisanin ang mga tirahan, kundi ay mapipilitan ang may-ari ng lupa na sapilitan silang paalisin. 

Czarina heavily sighed. Alam niyang malulungkot ang kanyang Itay pag nalaman nito na wala siyang nagawa upang magkaroon ng diyalogo sa may-ari ng lupa. Kinikinita-kinita na niya ang magiging itsura ng kanyang ama. Alam niyang labag sa loob nito na iwan ang lugar. Her father is originally from Davao, pero matagal na panahon na itong nakatira sa Maynila. Sa katunayan, doon na nito nakilala ang kanyang Inay, at sa lungsod ng Maynila na rin nagpakasal ang mga magulang. Doon na rin siya ipinanganak at nagkaisip. And now that she's 24 years old, nanganganib ang lugar na kinalakihan na tuluyan ng ma-demolish. 

Tumingin siya sa langit upang pigilan ang mga luhang nagbabantang tumulo sa kanyang mga mata. Kung siya lang, ayos lang sa kanya na umalis sila sa lugar na yon kahit pa alam niyang sobra siyang malulungkot. Ang hindi niya kayang makita ay ang kalungkutan ng kanyang ama na si Mang Carlito. Alam niya kung gaano kahalaga dito ang kanilang tahanan, dahil naroroon ang alaala ng kanyang namapayapang ina. Bukod pa sa iniisip niya rin ang kanilang mga kapitbahay. Para na kasing pamilya sila roon. All her life, sa kabila ng hirap, naging masaya siya sa lugar na iyon dahil hindi siya itinuring na iba ng mga kapitbahay. 

Dahil sa malalim na pag-iisip ay hindi niya napansin ang kotse na paparating. Napatili ang dalaga when it almost hit her kung hindi lang siya nakaiwas. Ngunit laking gulat niya ng tila wala itong balak na huminto. Pakiramdam ni Czarina lahat ng inis na kanina pa niya nararamdaman ay biglang umakyat sa kanyang ulo. Mabilis niyang tinakbo ang unahan ng sasakyan na bumagal dahil sa traffic sa harap ng City Hall. Hinarang niya ang sariling katawan sa unahan na nakataas pa ang dalawang braso sa gilid. 

"Hoy, ang kapal ng mukha nitong mga 'to! Bumaba ka nga diyan. Hoy!!!!" halos maglabasan ang ugat sa kanyang litid sa sobrang inis. Ang sasakyan naman ay bigla ang pagtapak sa brake. Nakita niyang bumukas ang driver's seat at sumungaw ang isang lalaki na sa tantiya niya ay nasa late 40's, ang buhok ay military cut at naka-puting long sleeve na polo. 

"Miss, umalis ka diyan! Magpapakamatay ka ba?" sigaw nito sa kanya na sinenyasan pa siya na tumabi. Lalong nakaramdam ng inis si Czarina. The nerve? Ito pa talaga ang may ganang magalit sa kanya. Nakapameywang siyang nanatiling nakatayo sa harap ng sasakyan. 

"Aba! Ang kapal mo ha! Hindi mo ba alam na muntik mo na akong mabangga? Bumaba ka diyan!" nilakasan niya din ang kanyang sigaw. The guy inside the driver's seat has a prominent voice, parang sa isang militar. 

Saglit nitong pinasok ang ulo sa loob na parang may kinausap, pagkatapos ay muling isinungaw ang ulo. "Bahala ka diyan sa buhay mo! Pag di ka umalis siya, sasagasaan kita. Nagmamadali kami!" bulyaw nito sa kanya at pinaandar ng marahan muli ang sasakyan. Nanlaki ang mga mata ni Czarina. Sasagasaan talaga siya nito? Mas lalo siyang nagalit. Kung akala nito ay matatakot siya sa banta nito, pwes! Bigla siyang humiga sa bumper ng sasakyan. Nagpapasalamat na lamang siya na nakapantalon siya, kung hindi ay baka nasilipan na siya ngayon lalo at nagsisimula ng kumapal ang mga tao na nakikiusyoso. 

Muling huminto ang sasakyan. Narinig niya ang pagbukas ng pinto, at lumabas ang lalaki sa driver's seat. Doon pa lang niya nakita na may katangkaran ang lalaki. Probably around 5'10. May nakakabit sa tenga nito na parang bluetooth headphone. 

"Miss, ano bang ginagawa mo? Bumaba ka diyan." mariin nitong sabi sa kanya. Nakaramdam ng kakaunting kaba si Czarina as his voice is full of authority. But she is known for being stubborn, she won't back down.