Unicode
မေမီဇော်...ကောင်းမင်းထက်ခေါ်ဆောင်ရာ ထိုအိမ်ပေါ်သို့တက်လှမ်းသွားလိုက်သည်။ ထိုအိမ်မှာ ကောင်းမင်းထက်နဲ့မေမီ့အပြင် မည်သူမျှရှိမနေပါ။ ရွှေရောင်နဲ့ကျွန်းရောင်တို့ကိုရောသုံးထားသည့် အပြင်အဆင်တွေဟာအဆင့်မြင့်ချမ်းသာသည့် စိန်ကုန်သည်မိသားစုအသိုင်းအဝိုင်းကိုရည်ညွှန်းပြနေ သည်။
ကောင်းမင်းထက်၀င်သွားသည့်အခန်းထဲသို့ မေမီပါလိုက်၀င်ခဲ့သည်။
"မေမီ...လာပစ္စည်းကအထဲမှာ"
"အင်း..။"
မေမီဇော်အခန်းထဲသို့တစ်ချက်ဝေ့ကြည့်လိုက်တော့ ထိုအခန်းဟာကောင်းမင်းထက်ရဲ့အခန်းဖြစ်ပုံပေါ်သည်။ထိုအခန်းရဲ့နံရံထက် ပိတ်စ၊ အညိုရောင်တစ်ခုဖြင့်ခြုံလွှမ်းထားသည့်နေရာလွတ်ကမေမီ့ကိုဆွဲဆောင်ထား သည်။
"ကောင်းမင်းထက်!...ပစ္စည်းက"
"အင်း...ဘာဖြစ်လို့လောနေတာလဲ။"
သူက မေမီကို၀မ်းနည်းသံစွတ်သောအသံနဲ့ဆိုလာသည်။
"မေမီ..ငါကလေအစွဲအလမ်းသိပ်ကြီးတာသိလား...။ဟောဒီမှာ ဒီဟာတွေကသက်သေဘဲ"
ကောင်းမင်းထက်က အခုနထဲကမေမီစိတ်၀င်စားနေသည့် အညိုရောင်ပိတ်စကြီးကိုဆွဲဖြုတ်ချလိုက်သည်။ မေမီမှင်သက်သွားခြင်းထက်ကြောက်ရွံ့မိသွားသည်။ များပြားလှသည့် မေမီ့ဓာတ်ပုံတို့ကို နံရံတွင်ကပ်ထားခြင်းသာဖြစ်သည်။ အချို့သောမောင်နဲ့တွဲရိုက်ထားသည့်ပုံတို့တွင် မောင့်မျက်နှာတို့ကိုပင်မွှန်းထားသည်။
"မေမီ...နင် ငါ့အပေါ်အဲ့လောက်ထိစိုးမိုးထားတာ..။ငါ့ဘက်ကိုတစ်ချက်လောက် မငဲ့ဘူးလားဟင်"
"မဖြစ်နိုင်ဘူး!...။ ငါခန့်ညီကိုတကယ်ချစ်မိနေပြီ"
"မေမီ...ငါ့ကိုကြိုးစားဖို့အခွင့်အရေးလေးတော့ပေးသင့်တယ်လေ။"
"တကယ်လို့..စောစောများတွေ့ခဲ့ရင်မေမီ
ကောင်းမင်းထက်ကို စဉ်းစားမိမှာပါ...။အခုကနောက်ကျသွားပြီ..."
သူ့မျက်လုံးတို့ကရွှန်းလဲ့သွားခဲ့သည်။
"အဲ့ဆိုငါ့ကိုမုန်းဘူးမလား...မျှော်လင့်ချက်သေးသေးလေးတော့ရှိသေးတယ်မလား..."
YOU ARE READING
မောင်စေလိုရာ (OC) [Complete]
Romance(Unicode) မောင် မင်းကိုမြင်မြင်ချင်းထဲကချစ်ခဲ့တယ်ဆိုတာမင်းယုံပါ မောင်ကတစ်ကိုယ်ကောင်း သမားမို့ မင်းကိုမောင့်အနားမှာဘဲခေါ်ထားမှာ.... (ခန့်ညီသော်) ( Matteo) မောင်က ငါ့အချစ်တွေကိုမမြင်ခဲ့လေသလား ငါကမောင့်တစ်ယောက်တည်းကိုချစ်ခဲ့သူမို့ မောင့်စေလိုရာအတိုင်းရ...
![မောင်စေလိုရာ (OC) [Complete]](https://img.wattpad.com/cover/276929659-64-k258466.jpg)