(Unicode)
မနေ့ကကြားခဲ့ရသည့်ခန့်ညီသော်ရဲ့စကားတွေကြောင့် မေမီ ကျောင်းမှာစိတ်နဲ့လူနဲ့မကပ်ပါ။ လွယ်လွယ်ပြောခဲ့တဲ့သူရဲ့စကားတို့ကို ဦးနှောက်ကလက်မခံပေမယ့်၊ နှလုံးသားကတော့ငြင်းဆန်ချင်နေပုံမရပါ။
"မင်းတစ်မနက်လုံး ငါ့ကိုပတ်ပြေးနေတာကလွတ်မယ်ထင်နေလို့လား။"
မေမီ့ပုခုံးပေါ်အနောက်ကနေလက်နဲ့လှမ်းပုတ်ကာဆိုလာသည့် သူ့ကြောင့်ကိုယ်လေးမှာသိမ့်ခနဲတုန်သွားရသည်။ မေမီ သူမှန်းသိ၍ ပြေးဖို့ဟန်လုပ်တော့အနောက်ကနေဆွဲထားသည်။
*ကျစ်..သေပြီ!!*
"ပြေးမယ်...ဘယ်ကိုလဲ။"
သူ့မျက်ခုံးကိုပင့်ကာခနဲ့သလိုဆိုလာသည်။
"ဟို...ဆရာမခေါ်ထားလို့"
"လိမ်တယ်!...လာ လိုက်ခဲ့"
မေမီ့လက်အားသူဖမ်းဆွဲကာသူခေါ်သည့်နေရာသို့ပါသွားတော့သည်။ သူခေါ်သွားတဲ့နေရာကသူတို့ဘောလုံးသမားတွေအ၀တ်လဲသည့်အခန်းဖြစ်သည်။ အခန်းထဲရောက်တော့ လူတွေများရှိနေမလားလို့ မေမီမျက် လုံးလေးဝေ့ကာကြည့်မိသည်။
"ဘယ်သူမှမရှိဘူး။ လိုက်ကြည့်မနေနဲ့ လူ ကြောက်မလေးရဲ့"
မေမီ့ထက်အရပ်ရှည်သည့်သူ့ကို မျက်လုံးလှန်ကာသာကြည့်နေလိုက်သည်။သူက မေမီ့နှာဖူးကိုသူ့လက်ညိုးနဲ့ထောက်ထားကာပြောလာသည်။
"ဘာလို့ အဲ့လိုကြည့်တာလဲ"
"ဘာပြောဖို့လဲ...ပြော"
"ငါစဉ်းစားထားခိုင်းတာဘယ်လိုလဲ"
ခုမှတစ်ရက်တောင်မပြည့်သေးတာကိုအထာကြီးနဲ့လာမေးနေသည်။
"တစ်ခါထဲပြောမယ်...ငါ ခန့်ညီနဲ့မတွဲနိုင်ဘူး"
"ပြောပြီးသားလေ။ ငါမကြိုက်တဲ့အဖြေဆိုလဲ ငါ့မှာဘဲပြင်ဆင်ခွင့်ရှိတယ်ဆိုတာ ဒါပေမယ့်မင်းမှာ အချိန်တစ်လရှိပါသေးတယ်။"
"မသိတော့ဘူးဟာ"
"မသိလို့မရဘူး...မင်းအဲ့လိုကန့်လန့်တိုက်နေမယ်ဆို အခုဘဲကလေးတွေကိုငါနဲ့မင်းက ရည်းစားတွေဆိုတာပြောလိုက်မယ်"
YOU ARE READING
မောင်စေလိုရာ (OC) [Complete]
Romance(Unicode) မောင် မင်းကိုမြင်မြင်ချင်းထဲကချစ်ခဲ့တယ်ဆိုတာမင်းယုံပါ မောင်ကတစ်ကိုယ်ကောင်း သမားမို့ မင်းကိုမောင့်အနားမှာဘဲခေါ်ထားမှာ.... (ခန့်ညီသော်) ( Matteo) မောင်က ငါ့အချစ်တွေကိုမမြင်ခဲ့လေသလား ငါကမောင့်တစ်ယောက်တည်းကိုချစ်ခဲ့သူမို့ မောင့်စေလိုရာအတိုင်းရ...
![မောင်စေလိုရာ (OC) [Complete]](https://img.wattpad.com/cover/276929659-64-k258466.jpg)