ပေါ်ယွီ video call ကို ဖြေလိုက်ပြီး မော့အန်းယွီရဲ့ချောမောခန့်ညားတဲ့ မျက်နှာက ပေါ်ယွီကို ပြုံးပြနေသည်။မော့အန်းယွီက ပေါ်ယွီကို နှုတ်ဆက်လိုက်သည်။ " ကော , အခုတလော ဘာတွေလုပ်နေလဲ ? "
" မင်း နိုင်ငံခြားကနေ ပြန်ရောက်လာပြီလား ??? " ပေါ်ယွီ အိပ်ရာပေါ်မှာ လှဲလိုက်သည်။<The Young General> ပြီးသွားကတည်းက မော့အန်းယွီဟာ Fashion Show တစ်ခုကို တက်ရောက်ဖို့အတွက် နိုင်ငံခြား သွားနေတာဖြစ်သည်။ဒါကြောင့် အခု ပေါ်ယွီ သူ့ကို ပေါ့ပေါ့ပါးပါး မေးလိုက်တာဖြစ်သည်။
မော့အန်းယွီရဲ့မျက်နှာပေါ်မှာရှိတဲ့ သူ့အပြုံးက နက်ရှိုင်းလာလေသည်။ " ကျွန်တော် ကြားတာတော့ ကောက ရှေးခေတ်ရှန်းရှ တီဗွီဇာတ်လမ်းတွဲအသစ်တစ်ခုမှာ သရုပ်ဆောင်ဖို့ အရွေးခံလိုက်ရတယ်ဆို "
" အင်း ၊ အခုက ဆောင်းရာသီဖြစ်နေတာ ကံကောင်းတာပဲ ။ နွေရာသီမှာသာ အဲဒီရှေးခေတ်၀တ်စုံကြီးတွေ ၀တ်ရရင် အရမ်း စိတ်ညစ်စရာကောင်းတယ် " ပေါ်ယွီ ပြုံးလိုက်ပြီး မော့အန်းယွီဆီ သူ အဲဒီကိစ္စကို ဘယ်လိုသိသွားတာလဲဆိုတာ မမေးခဲ့ပေ။
ပေါ်ယွီတောင်မှ <Three Thousand Disasters> ရိုက်ကူးရေးအဖွဲ့ဆီက အသိပေးချက်ကို အခု ဒီညလေးတင်မှ ရရှိခဲ့တာဖြစ်သည်။ဒါပေမယ့် နာရီအနည်းငယ်ပဲကြာမြင့်သေးတဲ့အချိန်မှာ မော့အန်းယွီက အဲဒါကို သိသွားပြီဖြစ်သည်။
ပေါ်ယွီမှာ ရွေးချယ်စရာမရှိဘဲ သူ ဘာကိုမှ သတိမထားမိချင်ယောင်သာဆောင်လိုက်ရတော့သည်။
ကြည့်ရတာ မော့အန်းယွီက ပေါ်ယွီရဲ့ပုံမှန်မဟုတ်တဲ့ မျက်နှာအမူအရာကို ရှာတွေ့ပုံမရချေ။မော့အန်းယွီ စကားဆက်ပြောလိုက်သည်။ " အဲဒီရှန်းရှ တီဗွီဇာတ်လမ်းတွဲက outdoor scene တွေ အများကြီးရိုက်ရမှာလေ ။ ပြီးတော့ ဒါရိုက်တာကလည်း အဲဒီ scene တွေနဲ့ ပတ်သတ်ပြီး အရမ်းအလေးထားနေတာ ။ အဲဒါကြောင့် ကော ဇာတ်လမ်းတွဲ သွားရိုက်တဲ့အခါကျရင် ဖရဲသီးလေးကို ဘယ်လိုလုပ်မယ်လို့ စီစဉ်ထားလဲဟင် ? "
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...
အခန်း-၂၆(ပြသာနာ)
Start from the beginning