كما يحلو لي (حوار بالعامية المصرية) الجزء الأول

توضيح ومناقشة ختامية

ما لم يُلاحظه البعض في رواية كما يحلو لي بعد التعديل بنسختيها الفصحى والعامية!!

أولًا هندخل على اهم حتة في الجزء الأول بقى وصحصحولي جدًا جدًا جدًا جدًا جدًا..

اضطـ ـراب ثُنائي القطب من الدرجة التانية!! ركزولي شوية معلش..

1 - انتي بتقري رواية كلها على بعضها مش هتوصل لتمانين فصل.. ولا 500 آلف كلمة وفيها قصة حب!! يستحيل تقدري تنقلي حالة بحذافيرها زي ما بتجربي العيشة مع حد بيعا ني من التشخيص ده..

الدرجة التانية من هذا التشخيص المقصود بيها هي موجات اكتئـ اب طويلة يتخللها نوبات هوس خفيف (اللي هو مزاجه حلو ونشاط وقلة نوم وممكن يشرب أو مثلًا حد يتنـ يل يحشش أو يُسرف في نوع عقا قير معينة وبيبقى عندهم استعداد يصرفوا كل مدخراتهم المادية ويعملوا تصرفات كده غريبة عليهم تمامًا بس كلها تميل للمرح أو الإحتفال، أو بشكل تاني قرارات متهورة يبان منها انها تميل للسعادة والفرفشة زي سفر فجأة ولا سهر مع الإصحاب بإفراط أو أي حاجة توضح النشاط والإنبساط).. اقل حاجة قفشها المختصين إن نوبة الهوس الخفيف بتدوم لإسبوعين وقد تستمر لست شهور (بعد مساعدة الاستاذة غادة حازم في الحتة دي)

2 - عمر محل الإضطـ راب في رواية يكش نخلص ونعجب بيمر عليه فترات.. فترات، بكتب التاريخ بس الناس مش بتاخد بالها، والمغزى يعني على رأي جاد الشهابي، إن الأعراض مش بتيجي بهذه السرعة مع اني قسمًا بالله بكتبلكم بعد مرور كذا وكذا..

3- اعراض هذه الحالة مش بتبقى متلاحقة كده، بس احنا في رواية مبني عليها احداث.. يعني لو معرضتش الأعراض بالشكل ده محدش هيفهم إيه اللي بتكلم فيه ولكن.. عمر كان بيواجه محفزات بتخليه على اساسها يتحول بين الإكتئـ اب والهوس الخفيف.. كضغط نفسي مثلًا لما بيفكر في الماضي او يشوف حلم بذكريات قديمة او بابي الله يحر قه يملى دماغه بحفنة من الترا هات.. 4 - طيب معلومات مهمة..

· مش لازم كوني مُشخصة بإضطـ راب مُعين يبقى واخدة كل اعراضه كاملة مكملة.. ده بيبقى في الحالات البشـ عة بس.. كمثال.. فيه ناس تم تشخيصها بإضطـ راب الشخصية الحدية ولكن مثلًا معنهومش ميول انتحا رية.. بيبقى في الدرجات الخطـ ر بس من التشخيص وعلى حسب الواحد بيمر بإيه!

· المشخصين بإضطـراب ثنائي القطب تصرفاتهم غير مبررة! يعني فجأة عصبـ ـية بدون وجود اللي يعصـ ب اصلًا.. او زعل، او حز ن، او مزاج رايق، أو فرفشة، وهلم جر من المشاعر التي تُبنى عليها التصر فات.. علشان ملاقيش واحدة منفو خة في شغلها وحياتها ومع اهـ لها واصحابها وتيجي تقولي أنا بعاني من نفس اللي بيعاني منه عمر.. وقتها هصوت في وشها !!

· محدش بيشخص نفسه!! محدش بيشخص نفسه بسبب رواية.. والله العظيم اقسم بالله ما حد بيشخص نفسه من الكلام على رواية!! حاسة إنك عندك أي اعراض تتكلي على الله وتروحي لحد مختص وبقى متوفر اونلاين تحجزي بمليون طريقة ان شالله لو نص ساعة حتى!!