From Hell To Heaven

Part 20

Jungkook pov

මන් උදෙන්ම company එකේ වැඩට ගියා.
මට හම්බුනේ company එකේ finance පැත්ත බලන්න.

උදේ ඉඳන් ටිකක් වැඩ කරලා ඉවර වෙලා මන් lunch time එකේ කෑම කන්න යන්න හදනකොට ම මට unknown number එකකින් msg එකක් ආවා.

"Rooftop එකට එන්න"

ඒකේ තිබුනේ එච්චරයි. සාමාන්‍යයෙන් මන් දන්නේ නැති number එකකින් msg එකක් ආවහම ඒක check කරන්නෙත් නෑ.

ඒත් අද යන්න හිතුනා. ඕනි දෙයක් වෙන්න කියලා හිතලා මන් roof top එක උඩ ට ගිහින් දොර ඇරලා එළියට යන්න හදද්දී මගේ කකුල පැටලිලා බිම වැටුණා.

ඒත් එක්කම කවුද මන්දා හිනා වෙනවා ඇහුනා........

ආව කේන්තියට මන් ඉක්මනට නැගිටලා කවුද මේ හිනා වෙන්නෙ කියලා බැලුවා.

එයා බිත්තියට හේත්තු වෙලා බඩත් අල්ලගෙන හිනා වෙනවා.
එයාව දැක්ක ගමන් මට තිබ්බ කේන්තිය නැති වෙලා මන් ගොඩක් පුදුම උනා.

"ඔයා මොනවද මෙහෙ කරන්නේ?"

"ඇයි මන් මෙහෙ වැඩ කරන එක හොඳ නැද්ද?"

"නෑ එහෙම දෙයක් නෙමෙයි. ඇයි මට කිව්වේ නැත්තේ?"

"ඔයාව පුදුම කරන්න"

"ඔයා හරි. මන් ගොඩක් පුදුම උනා Hwani. දැන් සතුටුද?"

"නැතුව. ගොඩක් සතුටුයි. ඒක නෙමේ... ඔයාට තුවාල උනේ නෑ නේද?"

"ඒක අහන ලස්සන. මාව වැටෙන්න සලස්සලා. දැන් අහනවා තුවාල උනාද කියලා"

"සොරි jungkook"

Hwani නිකන් අඬන්න වගේ මුන හදාගත්ත නිසා මටත් හිතුනා පොඩි විහිළුවක් කරන්න..

"අහ් ආව්... දැන් නම් ටිකක් රිදෙනවා"

මන් දෙකට නැමිලා බිම ඉඳගෙන එහෙම කිව්වහම Hwani ඇවිත් මන් ළඟින්ම ඉඳගත්තේ ඇස් වල කඳුළු පුරෝගෙන.

"කොහෙද රිදෙන්නෙ? ගොඩක් රිදෙනවද? ලේ එනවද?"

මන් Hwani ගේ අත අරගෙන මගේ පපුවෙන් තිබ්බා.

"මෙන්න මෙතන රිදෙන්නෙ. ගොඩක් රිදෙනවා. ඔයාට එතන වේදනාව අඩු කරන්න බැරිද?"

Hwani මන් දිහා පුදුම වෙලා බලන් ඉඳලා එයාගේ අත එයා ගාවට ඇදලා ගත්තා. එයා හිතුවේ මට ඇත්තට ම තුවාල වෙලා කියලද?