လမ်းခွဲပြီးပြီ၊မ​နှောင့်ယှက်နဲ့​တော့(မြန်မာဘာသာပြန်)

အခန်း-၂၀(အ​ရေး​ပေါ်သတင်း)

ဒါ​ပေမယ့် အမျိုးသမီးသရုပ်​ဆောင်က​တော့ အဲဒီအမျိုးသားကြယ်ပွင့်လို ကံမ​ကောင်းအ​ကြောင်းမလှ​ပေ။လူမှုအဖွဲ့အစည်းက အမျိုးသမီး​တွေအ​ပေါ်မှာ အရမ်း​တောင်းဆိုလွန်းပြီး ​ဒေါသထွက်​နေကြတဲ့ အင်တာနက်အသုံးပြုသူ​တွေဟာ အမျိုးသမီးသရုပ်​ဆောင်ကို ခွင့်မလွှတ်ကြ​ပေ။

သူများ​ယောကျ်ားကို မြူဆွယ်တဲ့ မိန်းမပျက်တစ်​ယောက်က လူ​တွေခွင့်လွှတ်တာကိုခံရဖို့ အရည်အချင်းမရှိဘူး !!!

အမျိုးသားကြယ်ပွင့်ဟာ လူထု​ရှေ့မှာ​နေရမယ့်အစား ကုမ္ပဏီတစ်ခုတည်​ထောင်လိုက်သည်။မကြာခင်မှာ အမျိုးသမီးသရုပ်​ဆောင်ကလည်း Weibo comment box ကိုပိတ်ထားလိုက်ပြီး entertainment ​လောကမှာပဲ ဆက်လက်သရုပ်​ဆောင်ဖို့ ​ရွေးချယ်ခဲ့သည်။

သို့​သော်လည်း ​ဒေါသထွက်​နေကြတဲ့ အင်တာနက်အသုံးပြုသူ​တွေဟာ အဲဒီမင်းသမီးရဲ့ တီဗွီဇာတ်လမ်းတွဲ​တွေကို ဆက်လက်ကြည့်ရှူဖို့ ဆန္ဒမရှိကြ​တော့​ပေ။သူတို့က ရုန့်ရင်းကြမ်းတမ်းရက်စက်ပြီး အညှာအတာကင်းမဲ့လှတဲ့ မှတ်ချက်​တွေနဲ့အတူ မင်းသမီးနဲ့သူမရဲ့မိသားစုကို ဆဲ​ရေး​စော်ကားကြသည်။

' ဧရာမပါးစပ်ကြီး ' က ရုတ်တရက် စတင်ဖြန့်ဖြူးခဲ့တဲ့ ' ​ပေါ်ယွီက entertainment ​လောကက​နေ ထွက်သွားသင့်တယ် ' ဆိုတဲ့ သတင်းကို ​ပေါ်ယွီ မြင်လိုက်ရတဲ့အချိန်မှာ ချက်ချင်းပဲ သူ ​​ချွေး​​​စေး​တွေ ထွက်လာ​တော့သည်။

____________

' ဧရာမပါးစပ်ကြီး ' ; ' ဒီပုံကို မြင်ပြီးတဲ့အခါ ​ကျေးဇူးပြုပြီး ဆုံးဖြတ်​ပေးပါ ' [ long pictures attached ]

ရိုက်ကွင်း​နေရာရဲ့အပြင်ဘက်မှာ ​ပေါ်ယွီက သူ့လက်​မောင်းထဲမှာ ချီထားတဲ့ နှစ်နှစ်အရွယ် ဖရဲသီး​လေးနဲ့အတူ milk tea ဆိုင်တံခါး​ရှေ့မှာ လမ်း​လျှောက်​နေပြီး အရမ်းကို ​ပျော်ရွှင်​နေတဲ့ မျက်နှာအမူအရာနဲ့ လမ်းတစ်ဖက်ကို ကူးသွား​နေသည်။

ဓါတ်ပုံရိုက်တဲ့ ရှူ​ထောင့်​ကြောင့် ပုံ​တွေထဲမှာ ဖရဲသီး​လေးရဲ့ ​ကျောပြင်​လေးကိုသာ မြင်ရပြီး အ​ရှေ့ဘက်ခြမ်းပုံက​တော့ ရှင်းရှင်းလင်းလင်း မမြင်ရဘဲ မှုန်ဝါး​နေသည်။