💜 Next to You 💜

Part-4

ဒီနေ့လည်း ဝန်ကြီးချုပ် Jeonတက်ရောက်ရမယ့် ညစာစားပွဲအား သူတို့နှစ်ယောက်ကိုဖိတ်လာသည်... သူဌေး Kim ပါတက်ရောက်မှာကြောင့် အေးဆေးမိတ်ဆက်ကြရန်ဖြစ်သည်...ထို့ကြောင့် ညနေစောင်းအချိန်တွင် Jungkook ရော Taehyung ပါ အခန်းထဲအဝတ်လဲနေကြသည်....

Taehyung က အနီရောင် Suit ဝတ်ပြီး Jungkook က နက်ပြာရောင် Suit နဲ့ဖြစ်သည်...Jungkook Taehyung လက်တွေကိုကြည့်မိတော့ လက်သူကြွယ်က လက်ထပ်လက်စွပ်ကအထင်းသား....

"လက်ထပ်လက်စွပ်ဝတ်ဖို့အထိလိုလို့လား...."

"Media ပေါင်းများစွာရှေ့မှာ အရှက်မကွဲချင်ရင် ဝတ်ခဲ့..."

ထိုတစ်ခွန်းသာပြောပြီး ထွက်သွားတဲ့ Taehyung...Jungkook လည်းအသင့်စောင့်နေတဲ့ ပြိုင်ကားအနီပေါ်တက်တော့ ဘေးက Taehyung ကမျက်လုံးတွေကိုမှိတ်ထားလေသည်...

"ကားအမိုးဖွင့်လိုက်ပါ ..."

"အစ်ကိုလေး Taehyung ခေါင်းမူးလို့လား"

"အင်း...."

Taehyung ကားတွေအများကြီးမစီးရသည့်အကြောင်းအရင်းဖြစ်ပေလိမ့်မည်....

ညစာစားပွဲကျင်းပတဲ့ လွှတ်တော်အမတ်၏ အိမ်တော်ထဲ Jungkook တို့ကားဝင်သွားတော့ များစွာသော Camera တွေက တစ်ဖျတ်ဖျတ်နဲ့မရပ်မနားရိုက်ကူးနေကြသည် ...Camera တွေကိုစိတ်အိုက်စွာကြည့်နေရင်း လူငယ်လေးတစ်ယောက်က ဦးဆောင်လာခေါ်တာကြောင့် နှစ်ယောက်လုံးနောက်ကနေလိုက်သွားမိသည်....

ဝန်ကြီးချုပ် Jeon နဲ့ သူဌေး Kim ထိုင်နေတဲ့ဝိုင်းကိုပို့ပေးသည်....Jungkook နဲ့ Taehyung လည်း လွတ်နေတဲ့ခုံပေါ်မှာဝင်ထိုင်ကာ ဘာစကားမှမဆိုမိပေ...လေးယောက်လုံးမျက်နှာချင်းဆိုင်တွေထိုင်နေပေမယ့် အကဲခတ်ကာတိတ်ဆိတ်နေကြသည်....

"အိမ်ထောင်ရေးကဘယ်လိုလည်း သားမက် Kim ကမင်းကိုရော ဂရုစိုက်ရဲ့လား...."

Jungkook ကခပ်ထေ့ထေ့ပြုံးကာ ...

"ဝန်ကြီးချုပ်စီမံတဲ့အိမ်ထောင်ပဲလေ သာယာလားမသာယာလားဘာလို့ဂရုစိုက်နေသေးလဲ...."

Jungkook စကားကြောင့် သူဌေး Kim ပါမျက်နှာပျက်သွားလေသည်....ဝန်ကြီးချုပ် Jeon က အပြုံးတောင်မပျက်ပေ Jungkook ဆီကကြားနေကြပုံစံလိုမျိုးနေသားကျနေခဲ့သည်....Taehyung တွေးနေမိတာက Jungkook နဲ့သူ့အဖေက အဆင်မပြေဘူးဆိုတာကိုပင်....

"သားမက် Kim..."

"......."

"သားမက် Kim က သူဌေး Kim ရဲ့သားလိမ္မာလေးလို့သိရတယ်...Jungkook ကိုစောင့်ရှောက်ပေးပါဦး...မင်းကိုအပ်ပါတယ်..."

"ကျွန်တော်က မလိမ္မာပါဘူး..."

Taehyung ရဲ့ပက်ခနဲပြန်ပြောတဲ့စကားကြောင့် သူဌေး Kim က Taehyung ကိုစူးစူးရဲရဲကြည့်ကာ...

"Kim Taehyung...ကောင်းကောင်းဖြေစမ်း...မင်းတစ်ခုခုလုပ်တာနဲ့ ဘယ်သူထိခိုက်မလဲသိတယ်မလား...."

ဂျစ်စုတ်စုတ်မျက်နှာပေးကနေ ချက်ချင်းပြောင်းလဲသွားတဲ့ Taehyung....Jungkook ရင်ထဲတွေးနေမိတာက Taehyung ကိုငြိမ်ကျသွားအောင် ဘယ်အရာကလုပ်တာလဲ ...

"ဟုတ်ကဲ့ စိတ်ချပါ...."

"မင်းတို့ ကွာရှင်းဖို့ကြိုးစားတာနဲ့ မင်းတို့မြတ်နိုးတဲ့အရာတွေဆုံးရှုံးဖို့ပြင်ထားပါ..."

Jungkook ကလက်သီးဆုပ်ကိုတင်းနေအောင်ဆုပ်လိုက်တာကို တွေ့လိုက်ရသည်....Taehyung က မေးကြောတွေတင်းနေအောင်အံကြိတ်ထားလေသည်....

"ဒါပဲမလား Kim Taehyung ပြန်ရအောင်..."

Jungkook စကားတောင်မဆုံးသေး Taehyung က ထရပ်သည်....

"ကျွန်တော်တို့ ပြန်လိုက်ပါဦးမယ် ခွင့်ပြုပါဦး..."

ပြန်လာတဲ့လမ်းတစ်လျှောက်လုံး ကိုယ်စီတိတ်ဆိတ်နေကြသည်...တစ်နေရာရောက်တော့....

"ကားရပ်....."

Jungkook စကားကြောင့် ကားကတုံ့ခနဲရပ်သွားသည်...Taehyung ပတ်ဝန်းကျင်ကို လှမ်းကြည့်မိတော့ Cafe ဆိုင်တစ်ခု....ထိုဆိုင်ထဲက ပုံရိပ်လေးကို Jungkook ငေးမောနေတာကြောင့် Taehyung ကားပေါ်ကဆင်းလိုက်ရင်း....

"လာလေ အထဲဝင်ပြီး တစ်ခုခုစားပြီးမှပြန်ရအောင်..."

စကားအဆုံး ထိုဆိုင်ထဲသို့ ဝင်သွားတဲ့ Taehyung နောက် Jungkook မှာအသည်းအသန်လိုက်ခဲ့ရတော့သည်...