[Book-1]novelထဲဝင်သွားပြီးနောက် အသဲခွဲသမားဖြစ်လာခဲ့သောသူမ

33[U&Z]

"မုန့်မုန့် နင်ငါ့ကို မုန်းနေတယ်ဆိုတာ သိပါတယ် ဒါပေမယ့် ငါတို့က မိသားစုတွေပဲလေ! ဒါက မတော်တဆ တစ်ခုလေး သာသာပါ တမင် လုပ်ခဲ့တာ မဟုတ်ပါဘူး! နင် ငါ့အ‌ပေါ် ဘယ်လိုတောင် လုပ်ရက်နိုင်ရတာလဲ" စုထျန်းထျန်းသည် အံကိုကြိတ်ထားရင်း ကစားပွဲကို ငြီးငွေ့နေပြီး နာကျင်မှုကို အံတုထားသော မျက်ရည်စတို့ဖြင့် ကြိမ်းမောင်းလိုက်လေ၏။

"???"

ယနေ့ မတော်တဆမှုဖြစ်ပြီးတည်းက သူမတို့ နှစ်ယောက်စလုံးသည် ဘာတွေပဲဖြစ်လာဖြစ်လာ လုံး၀ ခွင့်လွှတ်မှာမဟုတ်ပေ။

"စုထျန်းထျန်း နင်က မတောင်းပန်တဲ့အပြင် ငါ့တောင် လာအပြစ်တင်နေသေးတယ်။ တခြားလူတစ်ယောက်ကို အပြစ်မတင်ခင် ကိုယ့်ကိုကိုယ် အရင်ပြန်ကြည့်ရမယ်လို့ နင့်အမေက မသင်ပေးထားဘူးလား! နင်က နင်မှားတာတောင် လူတိုင်းကို အပြစ်နေတာပဲ! ကမ္ဘာပေါ်က တခြားအရာအားလုံး တန်ဖိုးမြင့်နေချိန်မှာ နင့်တန်ဖိုးက ဘာလို့ တိုးမလာလဲဆိုတာ ငါသဘောပေါက်သွားပြီ!"

"ဘာလို့လဲ" ချီရှန် မေးလိုက်လေသည်။

"ဘာလို့ဆို စောက်ရှက်မရှိတဲ့ မိန်းမဖြစ်နေလို့လေ။ စောက်ရှက်မရှိတဲ့ မိန်းမတစ်‌ယောက်ရဲ့ တန်ဖိုးက  ဘယ်တော့မှ မြင့်လာမှာ မဟုတ်ဘူး!"

"...….."

ချီရှန် နှုတ်ခမ်း လှုပ်မိသွားသည်။ ဒီမိန်းမရဲ့ တခြားလူတွေကို အပြစ်တင်နိုင်တဲ့ စွမ်းရည်က ပြိုင်ဘက်ကင်းပဲ။ ဘယ်လိုဖြစ်ဖြစ် နင်မုန့်ရဲ့ တခြားလူတွေကို ကြိမ်းမောင်းတာ နားထောင်ကြည့်လိုက်သည့်အခါ စိတ်ကျေနပ်စရာတော့ ကောင်းသည်။

"နင်…"

နင်မုန့်ရဲ့ သူမအပေါ် မှတ်ချက်တွေကြောင့် စုထျန်းထျန်း ခန္ဓာကိုယ်တစ်ခုလုံး တုန်ယင်လာလေ၏။

"နင့်အနေနဲ့ ငါ့ကို ဘာမှလာပြောနေစရာ မလိုဘူး! ငါက မပြည့်စုံဘူးဆိုတာ သိတယ် ဒါပေမယ့် အနည်းဆုံးတော့ ငါ့အနေနဲ့ ရိုးသားတယ်! နင့်ကိုယ့်နင် ကြည့်ကြည့်စမ်း! ကိုယ့်အမှားကိုယ်တောင် ဝန်ခံဖို့ သတ္တိ မရှိဘူး! အရေးကြီးဆုံးက နင်ငါ့ကို နာကျင်အောင် မလုပ်ခဲ့ပေမယ့် ငါ့အဖိုးတန် ယောက်ျားကို နာကျင်အောင် လုပ်ခဲ့တယ်! သူ့ကို နာကျင်အောင်လုပ်တာက ငါ့ကိုနာကျင်အောင် လုပ်တာနဲ့ အတူတူပဲ! အနာရွတ်သာ ငါ့ယောက်ျား လက်မောင်းပေါ် ကျန်ခဲ့ရင် နင်ဘယ်လိုလုပ်မလဲ!"