[Book-1]novelထဲဝင်သွားပြီးနောက် အသဲခွဲသမားဖြစ်လာခဲ့သောသူမ

29[U&Z]

အမှန်တကယ်ကား သီချင်းတစ်ပုဒ်ကို ထုတ်ခါနီး အသံသွင်းသည့် အဆင့်သည် တကယ်ရှုပ်ထွေးလွန်းပြီး ပြဿနာလည်းများသည်။ သို့ပေမယ့်လည်း နင်မုန့်ကတော့ ဘာမှမသိပေ။ ထို့ကြောင့်လည်း တချိန်လုံး ဖုန်းကိုချည်း သုံးနေတာ ဖြစ်လေသည်။

နေ့လည်သို့ ရောက်လာပြီဖြစ်သော်လည်း အသံမသွင်းရသေးပေ။ လူတိုင်းသည် ထိုသီချင်းကို အကောင်းဆုံးထွက်လာစေဖို့ အလုပ်ကြိုးစားနေကြလေသည်။ သို့ပေမယ့်လည်း တစ်ဦးတစ်ယောက်မှ ပင်ပန်းတယ်လို့ မခံစားရ‌ေပမယ့် နင်မုန့်ကတော့ မနေနိုင်စွာပဲ သူမဗိုက်ကို ပွတ်လိုက်သည်။

သူမက အခု သူဌေးသမီးဖြစ်နေလေပြီ။ သူမကိုယ် သူမ အပင်ပန်းခံပြီး အပြင်ထွက်၀ယ်စရာ မလိုတော့တာမို့ ဖုန်းထဲမှ delivery applicationကို ဖွင့်လိုက်ပြီး သူမအတွက်အဆင်ပြေနိုင်မည့် အစားအသောက်ကို ရှာလိုက်သည်။ ရုတ်တရက်ပင် သူမတို့ အသံသွင်းစတူဒီယိုနားရှ်ိ ခေါက်ဆွဲဆိုင်ကို မြင်လိုက်ရ၏။ ခရမ်းချဉ်သီး ကြက်ဥခေါက်ဆွဲပုံကို ကြေငြာပုံအဖြစ် ပြသထားလေ၏။

နင်မုန့် သူမ မေးစေ့ကို ပွတ်လိုက်ရင်း မနေ့ညက ကိုယ်တိုင် ချက်ခဲ့သည့် ခေါက်ဆွဲကို သတိရမိသွားသည်။ ဒီနေရာက ဟော်လုပ်ငန်းစု တည်ရှိရာ နေရာဖြစ်ပြီး ဟော်ပေ့ချန်ကလည်း နေ့တိုင်းနီးပါး စီးပွားရေးကိစ္စကြောင့် လာဖြစ်သည်ဟု နင်မုန့်သိထားလေသည်။ တခြားစကားဖြင့် ပြောရမယ်ဆို အခုက သူမတို့နှစ်ယောက်ကြား ဆက်ဆံရေး ဘယ်လောက်တိုးတက်နေပြီလဲဆိုတာ လူတိုင်းကို ချပြဖို့အကောင်းဆုံးအချိန်ပဲ ဖြစ်လေသည်။

သူမ ယောက်ျားက ခရမ်းချဉ်သီးကြက်ဥခေါက်ဆွဲကို ကြိုက်သည်ဆိုတာ သိထားတာမို့ ၂ပွဲမှာလိုက်လေသည်။ မကြာခင်မှာပဲ အစားအစာတွေကို လာပို့လေ၏။ အစားအသောက်ကို ကိုင်ထားရင်းပင် ရှေ့ခုံသို့သွားရင်း ဟော်ပေ့ချန် ရှိသည့်အထပ်ကို မေးလိုက်သည်။

"ဟယ်လို ကြိုတင်ချိန်းဆိုထားသေးလား မသိဘူးရှင့်" ဧည့်ကြိုကောင်တာမှ ယဉ်ကျေးစွာမေးလိုက်သည်။

"ဟင့်အင်း"

"အားနာပါတယ်ရှင့် CEOဟော်က အခု အလုပ်များနေတာမို့ ရှင့်ကို တွေ့ဖို့ အဆင်မပြေနိုင်လောက်ပါဘူး"