CURSED: THE LONG LOST ENCHANTRESS (ON-HOLD)

Chapter 16: traitor

Erza

Hindi ako mapakali sa kama. Ang utak ko ay naglalakbay pabalik sa nangyari kanina.

'Hindi, hindi. Pinaglalaruan lang ako ng mga mata ko' naisip ko. Pero alam kong kahit na anong pilit ko ay hindi ako nagkakamali. Si anak ng kahoy at dugo yun. Si Yannah at Zein iyong nakita namin kanina. Kitang kita ng dalawa kong mata, at hindi ako pwedeng magkamali sa nakita ko kasi kilalang kilala ko ang mga yun eh, base sa pag oobserba ko sa kanila, sa lahat ng galaw nila, kahit pa anino nila ay malalaman ko kung sila ba. At masakit, ayokong tanggapin na sila nga.

Hindi ko aakalaing magiging traydor sa kapwa tao ang dalawa sa mga itinuring na kaibigan ko, o kaibigan ko pa nga ba ang mga yun? Ngayon ay nagdududa na rin ako kung tama ba ang pagkakakilala ko sa kanila. Malamang hindi, malamang isang huwad na katauhan lamang ang pinakita nila sa akin.

Hindi ko kayang tanggapin na sila nga 'yon, hindi, mas tama sabihing hindi ko gustong tanggapin. Ayoko. Pero ano pa nga ba ang magagawa ko kung kitang kita na mismo ng mga mata ko?

"Hey, okay ka lang?" tanong ni Eros sa akin na halatang nag aalalala. Nandito pa din ako sa lungga, este sa inuukupang kwarto nya kasi hindi naman sila papayag na mag isa lang ako sa boarding house ko. Sa totoo lang may kasama naman ako dun kaya lang ay ayaw nila ako payagan na lumabas na hindi sila kasama. Kaya hindi na din ako nagpumilit pa, para sa kaligtasan ko din naman 'yon eh.

"Sa totoo lang hindi. Ayaw ko pa rin maniwala pero wala naman akong magagawa kasi hindi naman ako pwedeng magkamali eh. Sila 'yong nakita ko" mahina ngunit may bahid ng lungkot na saad ko.

"At saka paano sila may powers? Hindi naman yata sila vampire gaya nyo eh?  At saka bat may tungkod na parang yung sa mangkukulam? Kalahi ba sila ni Madam Auring?"

"Wag ka nang mag-alala maayos din ang lahat, pangako yan" sagot ni Eros. Ewan ko ba, hindi ko alam kung anong meron sa kanya at napapakalma nya ako. Tumango tango na lamang ako bilang pag sang-ayon. Sana nga, kasi hindi ko na alam pa ang gagawin ko kung magpapatuloy pa itong mga nangyayari.

"Halika na nga, matulog ka na" pukaw nya sa aking lumilipad na kaisipan at hinila ako pabalik sa kama nya.

"Eh ikaw?" tanong ko sa kanya.

Ganito kasi lagi eh, sa loob ng ilang araw na naririto ako sa poder nya ay hindi pa sya natulog dito sa mismong kama nya. Malaki naman ang kama nya at pwedeng kasya ang dalawa o tatlong  katao pero hindi naman sya tumatabi. Hindi naman sa gusto ko syang makatabi, nag aalala lang ako sa kanya. At isa pa medyo nakakahiya din naman kasi na ako yung prenteng nakahiga sa malambot na kama nya tapos sya hindi na natutulog o di kaya ay sa sala sya hindi ba?  

"Why baby? Want me to join you here?" mapaglarong tanong nya na syang ikinakunto ng noo ko. Hindi naman sa hindi ko sya naiintindihan ah pero parang ganun na nga.

"Ha?"

"Wala, matulog ka na nga lang" natatawa pa ding sagot nya. Hays Eros madalas talaga hindi kita maintindihan, buti na lang gustong gusto kita kaya segi na lang. Pwede na rin.

Eros

I found Erza in a deep thought. Sabagay sino ba naman ang hindi kung 'yong mismong dalawa sa mga taong nakasama at pinakakatiwalaan mo ay sya palang dahilan ng nga kaguluhan na nangyayari sa paligid. And to ease that worry in her eyes, I need to do something. And I will do everything, I will do whatever it takes to make her happy, just to her sweet and innocent smile again.

'Why baby? Want me to join you here?" I am kidding though, gusto ko lang naman makita ang reaksyon nya pero mukhang hindi naman tumalab sa kanya. Ba't ko nga ba ulit nakalimutan na hindi masyadong naiintindihan ng babaeng to ang mga pinagsasabi ko? Well maybe because I want to see that adorable puzzled face of hers when she's trying to understand what I have said.