(Unicode)
အပိုင်း(၂)
Crushရှိခြင်း Vs Crushအားတွေ့ရှိခြင်းစာမျက်နှာအသစ်ကို ဖက်ရှူရန် ဝတ္ထုစာအုပ်၏ စာရွက်လေးကိုလှန်လိုက်သည့် လက်ချောင်းသွယ်သွယ်လေး၏ပိုင်ရှင် ကောင်မလေးရဲ့ အပြုံးလေးတစ်ပွင့်က ပန်းနုရောင်ပန်းလေးတစ်ပွင့် ပွင့်လန်းနေသည့်ဟန် ရင်ဖိုစရာကောင်းလွန်းနေသည်...
ဝတ္ထုဇာတ်လမ်းလေးအပေါ် စိတ်ဝင်စားကာ နှစ်ခြိုက်မှုကို ဖော်ပြနေသည့် ထိုအပြုံး... တောက်ပတဲ့အပြုံးလေးဖြစ်အောင် အပြုံးနဲ့အတူ လှလှပပယဉ်တွဲနေသည့် hart shape နှုတ်ခမ်းလေးကို ပါးထက်က ပါးချိုင့်လေးက ကူညီအားဖြည့်ပေးနေသည်... ကော့ညွတ်နေသည့် မျက်တောင်အောက်က မျက်ဝန်းညိုညိုထံတွင်လဲ အပြုံးကထင်ဟပ်နေ၏...
ဝင့်ရတီ... သူ(မ)သည် ဝတ္ထုစာအုပ်ထဲ လုံးလုံးလျားလျားနစ်မြောနေခဲ့သည်...
ထိုစဉ် ဆိုင်ထဲလူဝင်လာသည်ဆိုတဲ့အသိကြောင့် လျင်မြန်လွန်းတဲ့အရှိန်ဖြင့် စာအုပ်လေးကို ပိတ်ချလိုက်ပေသည်...
"ဟီး..."
"... ... ..."
လူရှေ့ရောက်တာနဲ့ သွားဖြီးကာ ပြုံးပြလာသည့် ကောင်မလေးကြောင့် စကားတွေက အထစ်ထစ်အငေါ့ငေါ့ဖြစ်ကုန်၏...
"ဘာ... ဘာယူမလို့လဲ..."
နီတာ့မျက်နှာထက်ရှိ အပြုံးသည် ရုတ်ချည်းပျောက်ကွယ်ရချေပြီ...
နီတာကြောင့် မျက်လုံးလေး ကလယ်ကလယ်ဖြင့် ထိတ်ထိတ်ပြာပြာဖြစ်သွားသည်တဲ့... နီတာ ရယ်ပြတာက ဘယ်လောက်တောင် ထိတ်လန့်စရာဖြစ်နေလို့လဲ... ရုပ်ပျက်ဆင်းပျက် ရယ်ပြလိုက်မိတာလား...
နီတာ စိတ်ဓာတ်ကျကာ အားမရှိသည့် လေသံဖြင့်...
"Miloတစ်ဘူး..." လို့ ပြောလိုက်၏...
လူကို အသက်မပါတဲ့ မျက်လုံးကြီးနဲ့ကြည့်ပြီး ပြောလာသည်... လိုချင်တာကလဲ Miloဘူးတဲ့လား... နီတာ ဒီကောင်မလေးတော့လေ...
"Miloဘူးက ရေခဲသေတ္တာထဲမှာ ကိုယ်တိုင်ယူလို့ရတယ်လေ..." လို့ ရေခဲသေတ္တာကိုညွှန်ပြရင်း ပြောလိုက်တော့...
YOU ARE READING
တိတ်တိတ်ကလေး နဲ့ တိုးတိုးလေး/တိတ္တိတ္ကေလးနဲ႔တိုးတိုးေလး(Complete)
Fantasy21.July.2021 Own Creation