[Book-1]novelထဲဝင်သွားပြီးနောက် အသဲခွဲသမားဖြစ်လာခဲ့သောသူမ

24[U&Z]

"တေးရေးဆရာအစား ကြိုက်တဲ့ဆုံးဖြတ်ချက် ငါချလို့ရတယ်!" နင်မုန့် ပြောလိုက်သည်။

...…

သူမ အကြောင်းပြချက်ကို ကြားသည့်အခါ လင်းချင်ပေ့က ရယ်သွမ်းလိုက်၏။ ပြဿနာက ဒီသီချင်းကို အသုံးပြုဖို့ သူငယ်ချင်းဆီက သူမ မေးတောင် မမေးကြည့်ခဲ့တာပင်။ ဒီသီချင်း တကယ်ကို ဆိုးနေတာမို့ မဟုတ်ရင် သူမ ရေးခဲ့တာပဲ ဖြစ်နိုင်သည်။ လင်းချင်ပေ့ကတော့ သူမအား ထပ်မံ၍ မသိချင်ယောင် ဆောင်လိုက်ပြန်သည်။ ပြောင်းလဲသွားသော အခြေအနေလေးကြား နင်မုန့်သည် စာရွက်အား သူ့အိတ်ကပ်ထဲသို့ ထည့်လိုက်လေတော့သည်။

"မနက်ဖြန် ရှင်သီချင်းဆိုဖို့ အသံသွင်းစတူဒီယိုမှာ သွားစီစဉ်လိုက်ဦးမယ်! ပြီးရင်တော့ physical albumမထုတ်ခင် ရှင့်သီချင်းကို onlineပေါ်ကနေ အရင်ဖြန့်ချီမယ်! ဒါက ကုမ္ပဏီရဲ့ ဆုံးဖြတ်ချက်ပဲ!"

ကုမ္ပဏီဆုံးဖြတ်ချက် ဆိုသော စကားကြောင့် လင်းချင်ပေ့ အဆင်မပြေဖြစ်သွားသည်။ အဆောက်အဦးထဲမှ မထွက်ခင် လင်းချင်ပေ့သည် လက်သီးဆုပ်လျက် နင်မုန့်အား စူးရဲစွာစိုက်ကြည့်သွားလေတော့၏။ ပြီးနောက် နင်မုန့်ကတော့ အသံသွင်းစတူဒီယိုတွင် စာရင်းပေးဖို့ စီစဉ်သည့် ၀န်ထမ်းကို လိုက်ရှာလိုက်သည်။

"သူဌေးမလေး အသံသွင်းစတူဒီယိုအတွက် စာရင်းပေးဖို့ဆိုရင် အနည်းဆုံး ၂လလောက် ကြိုပြောပေးရတယ်"

"တကယ်ကြာတာပဲ မနက်ဖြန်ပဲ စီစဉ်ချင်တာမို့ တခြားနည်းလမ်းရော မရှိဘူးလား"

၂လအတွင်း အရာအားလုံး ဖြစ်ပျက်သွားနိုင်သည်။

"တခြားလူတွေအတွက် ဆိုရင် ခက်တော့ခက်နိုင်ပေမယ့် သူဌေးမအတွက်ဆိုရင်တော့ လွယ်လောက်မှာပါ။ ကျွန်တော်တို့ အသံသွင်း‌ေနကျ စတူဒီယိုက မစ္စတာဟော်ပိုင်တဲ့ ကုမ္ပဏီတွေထဲက တခုပဲ။ အကယ်၍ မစ္စတာဟော်သာ သဘောတူရင် မနက်ဖြန်ဆိုတာနဲ့ အသံသွင်းလို့ရပြီ"

"..."

ဘာတွေပဲဖြစ်လာဖြစ်လာ သူမအနေနဲ့ ဟော်ပေ့ချန်ဘေးက လုံး၀ထွက်မသွားတော့ဘူးဟု တိတ်တဆိတ်ဆုံးဖြတ်ချက် ချလိုက်၏။ အိမ်ကို ပြန်ရောက်သည့်အခါ နောက်ကျနေပြီဖြစ်၏။ ဟော်ပေ့ချန် ပြန်မရောက်သေးသည်ကို တွေ့သည့်အခါ နင်မုန့်သည် မုန့်နှစ်ထုပ်ကိုယူလိုက်ပြီးနောက် TVဖွင့်လိုက်ပြီး မုန့်စားနေရင်းပင် ကျရာ channelကို ကြည့်နေလိုက်၏။