"ဘယ်လိုလဲ ကြင်ယာတော်က ကောင်းကောင်းသင်ယူနေရဲ့လား"
"ကြင်ယာတော်က နဂိုတည်းကထက်မြက်တာမို့ ဓလေ့ထုံးတမ်းတွေ ကျင့်ဝတ်တွေသင်ယူတဲ့နေရာမှာတော့ အခက်အခဲမရှိပေမဲ့ လက်မှုပညာဘက်မှာတော့ အနည်းငယ်အားနည်းပါတယ်"
အထိန်းတော်ကြီးရဲ့ စကားအဆုံးမှာ မိဖုရားရဲ့မဲ့ပြုံးတစ်ချက်ကို ဆောနူမြင်လိုက်ရသည်။
"အိမ်ရှေ့စံရဲ့ကြင်ယာတော်အဖြစ် ဆက်နေချင်တယ်ဆိုရင် အစစအရာရာပြီးပြည့်စုံနေမှရမယ်။ တော်ဝင်မိသားစုတွေကို စောင့်ကြည့်ပြီးအပြစ်ပြောချင်နေတဲ့သူတွေက ဘယ်လောက်များလိုက်သလဲ။ ကိုယ့်ဘက်က အပြစ်ပြောစရာမရှိအောင်နေမှ အန္တရာယ်ကင်းလိ့မ်မယ်။ ကိုယ့်နေရာကိုယ်ကို သေချာထိန်းသိမ်းချင်ရင် ကောင်းကောင်းနေပါ ကြင်ယာတော်... မဟုတ်ရင် မနက်ဖြန်အတွက် ကိုယ့်ရဲ့ကံကြမ္မာက ဘာဖြစ်သွားမလဲဆိုတာတောင် ကိုယ်တိုင်မသိနိုင်တဲ့အခြေအနေဖြစ်သွားနိုင်တယ်"
မိဖုရားရဲ့ခပ်ထန်ထန်စကားသံက ယောက္ခမတစ်ယောက်ရဲ့ သတိပေး၊အကြံဉာဏ်ပေးနေတာမျိုးထက်စာရင် ခြိမ်းခြောက်နေတာနဲ့ပိုတူနေသလို ဆောနူခံစားရသည်။
အိမ်ရှေ့စံနဲ့တင် မလုံလောက်လို့ အခုသူ့ကိုပါ ထပ်ပြီးထိန်းချုပ်တော့မှာလား။
မဟုတ်ဘူး ထိန်းချုပ်တယ်ဆိုတာက ကိုယ့်လူလို့သတ်မှတ်လို့လေ။
အခုမိဖုရားက ဆောနူကို သူ့လူလို့သတ်မှတ်တာမျိုးမဟုတ်သေး။
ကောင်းကောင်းနေရင်နေ၊ မနေရင်စွန့်ပစ်ခံရမယ်ဆိုတာကို သတိလာပေးသွားသလိုမျိုး။
နန်းတော်ဆိုသည့် နေရာက ထင်ထားတာထက် ကြောက်ဖို့ကောင်းမှန်း ဆောနူတဖြည်းဖြည်းခံစားမိလာနေပြီ။
"ကြင်ယာတော်လေး စိတ်မကြည်စရာတစ်ခုခုများရှိနေလို့လား"
မနက်က မိဖုရားနဲ့တွေ့ပြီးကတည်းက ဆောနူစိတ်ထဲတကယ်အဆင်မပြေတာပါ။
စကားတစ်လုံးနဲ့ လူကိုသတ်နိုင်တယ်ဆိုတာ အရင်ကမယုံခဲ့ပေမဲ့ အခုတော့ယုံကြည်ရလုနီးပါးဖြစ်နေပြီ။
YOU ARE READING
His Majesty's Blond|SUNKI
FanfictionThe crown-prince married a blondie -A SUNKI story Romance X Royal start : May 22nd 2021 end : August 8th 2023
Ninth🌻🍂
Start from the beginning