" ငါ့ကိုစောင့်နေပါယိုဟန်....၊ ငါပြန်လာပြီး ငါ့ဘဝလက်ကျန်တစ်လျှောက်လုံး မင်းစိတ်တိုင်းကျပဲနေတော့မှာပါ ''
အပိုဆိုနေခြင်းမဟုတ်သော ထိုစကားသည် ယိုဟန်နဲ့ပတ်သတ်ရင် အရာအာလုံးပြောင်းလဲပေးနိုင်သော လင်းချန်မင်၏ ဆုံးဖြတ်ချက်ဖြစ်သည် ။
" ဟိုကောင်....''
ရုတ်တရက် ကြားရသောအသံကြောင့် နူးညံ့ခြင်းတွေရုတ်ချည်းပျောက်ကွယ်သွားသော လင်းချန်မင်ရဲ့မျက်နှာ ။ ထိုအသံကို မနှစ်မြို့သလို အေးစက်နေသည် ။
ထိုသူသည် အခန်းထဲကချန်မင်ထက် နှစ်စောသော ထောင်သားဖြစ်၏ ။ နောက်လာသမျှလူတိုင်းအား နိုင့်ထက်စီးနင်းပြုကာ မတရားခိုင်းစေသောသူဖြစ်သည် ။
ယခုလဲ အခန်းထဲ၌ ကျန်သူများက သူ့အား ရို့ကျိုးစွာ နှိပ်နယ်ပေးနေရ၏ ။ သို့သော် သူ့စကားတိုင်းနဲ့ ဆန့်ကျင်စွာနေသော ချန်မင်ကိုအား မကျေနပ်ပုံပေါ်သည် ။ အခွင့်ရေးရှိတိုင်းပင် အနိုင်ယူချင်နေ၏ ။ ထိုသည်က ထောင်သားများ၏ ပြုပြင်၍မရသော အကျင့်ပင်ဖြစ်သည်။
" မိန်းမလို ငိုယိုနေတာပဲ ၊ ဘာများလဲ မင်းမိန်းမနောက်လင်ယူသွားလို့လား..''
ရိသဲ့သဲ့ ရန်စရင်းပင် ထိုလူ့ခြေလှမ်းတွေက လင်းချန်မင်နဲ့နီးကပ်လာသည် ။ ချန်မင် ခွန်းတုန့်မပြန်ချင်စွာ အသက်တစ်ချက်ခပ်ပြင်းပြင်းရှူလိုက်သည် ။ ပေါင်ပေါ်က တင်းတင်းဆုပ်ထားသော လက်သီးစုပ်ဟာ ဒေါသကိုထိန်းနေရခြင်းဖြစ်၏။
'' ပြစမ်းပါ မင်းမယားပုံ ''
ရိုင်းဆိုင်းစွာ ဆက်ခနဲ ဆွဲလုသွားသော လက်ထဲကဓာတ်ပုံ ။ ရုတ်တရက်မို့ တားမြစ်ရန်မတတ်နိုင်လိုက်ပေ ။ လွန်ကြူးလာသော ထို့လူ့လုပ်ရပ်တွေက လင်းချန်မင်၏ ချုပ်တည်းထားသော ဒေါသတို့အား ရန်စွနေလေ၏ ။
" ဟား..ဟား...ငါက မင်းကိုယောက်ျားကြီးထင်နေတာ မင်းက ပုန်းပြီးနွဲ့နေတဲ့ကောင်ဖြစ်နေတာကို..ဟေ့ကောင်တွေ ကြည့်ကြစမ်းပါ ဒီကောင်နေ့နေ့ညည လွမ်းနေတဲ့တစ်ယောက်က ဒီပုံထဲက ကောင်တဲ့..''
ဓာတ်ပုံအားကြည့်ကာ လှောင်ရယ်ရင်း ချန်မင်အား အရိုင်းအစိုင်းပြောဆိုနေသည် ။ သို့သော် လင်းချန်မင်မှာ ထိုလူ့လက်ထဲက ဓာတ်ပုံလေး တစ်ခုခုဖြစ်မှာသာ စိုးရိမ်နေ၏ ။ သူ့အားပြောသော အရိုင်းအစိုင်းစကားများဟာ နားထဲသို့ဝင်ဝင်ပုံမပေါ်ပေ ။
![](https://img.wattpad.com/cover/216298859-288-k941861.jpg)
YOU ARE READING
ခ်စ္ျခင္းတစ္ခု ဖန္တီးမယ္ (ချစ်ခြင်းတစ်ခု ဖန်တီးမယ်) || Completed ||
FanfictionZawgyi ငါ့အမွားေတြ ျပန္ျပင္ႏိုင္မယ့္ ဒုတိယအခြင့္အေရး.. ဟုတ္တယ္ ငါျပန္လည္႐ွင္သန္လာၿပီ..။ Unicode ငါ့အမှားတွေ ပြန်ပြင်နိုင်မယ့် ဒုတိယအခွင့်အရေး.. ဟုတ်တယ် ငါပြန်လည်ရှင်သန်လာပြီ..။
Extra - 2
Start from the beginning