تنهيدة قلب ... الجزء الثاني من أسطورتي ..

هاااام(مناقشة)

السلام عليكم❤❤
بداية كده عايزة أشكركم لتعليقاتكم وآرائكم الجميلة بجد شكرا وكلها آراء تُحترم جداً كل شخص عنده وجهة نظر صحيحة❤👍

بس هنا عايزة أعمل مناقشة صغيرة ((((ممكن الكلام يبقى طويييييييل بس مهم جددداااااا ياريت الكل يقراه عشان هيفيدكم لفهم الرواية والأحداث وممكن يغير وجهة نظركم في الرواية كلها وفي كل شخصية)))) وآسفة جداااً على طول الكلام ده ..🙈

لاحظت أنكم اتقسمتوا قسمين:
1_ مع فريدة وتعاطفتوا معاها جداً وشايفينها مظلومة وأن العيلة جاية عليها كتير ..
2_ أنها تستاهل الحرق😂وأن مهما كان مكانش لازم تعمل اللي هي عملته ..

لذلك أنا كمان هحط وجهة نظري وأقولكم حاجات ممكن في منكم كتير غايبة عن باله أو مش قادر يحلّلها كويس .. وأنا هساعدكم وأحلل معاكم ..

☝أول حاجة أنا لما بطرح قضيّة هنا أو مشكلة إجتماعية ف أنا بحللها من جميع الجوانب السيئة والجيدة .. في حد اتظلم هياخد حقه بس واحدة واحدة وبطريقة مُقنعة وتردله حقه تالت ومتلت، وأي شخص ظالم هياخد جزائه اللي يستاهله كمان تالت ومتلت ..

⚫من ناحية فريدة: البنت اتربت وكبرت في بيت ماجد اللي هو عدو أهلها هو من البداية خطفها علشان ينتقم من أدهم لما ظن أنه السبب بحرق شركته ولما عرف أنه ملوش دعوة اتجبر يخليها عنده عشان خاف من ردة فعل أدهم .. مامتها ماتت من صغرها وتربت مع أختها اللي أصغر منها اللي هي بنت ماجد الحقيقية .. وشوفنا أنها ذكرت التمييز بينهم بس رغم كل ده أما كبروا معتش في تمييز جامد أصل ماجد قرّر يستخدم التنين لزيادة شغله القذر وأرباحه ..

__فريدة من صغرها تربت بعقلية أن باباها بيكرهها وبيفرّق بينها وبين أختها وبما أن مامتها كانت ميتة مقدرتش تعرف معنى الأهل والحب والحنان لذلك بيقولوا من شبَّ على شيء شابَ عليه، وهي من صغرها لحد ماكبرت تربت أن الأب ممكن يفرق بين ولاده ويكرههم وعقلها كبر ع الفكرة دي لحد ما اتمكّن منها ومن كل كيانها ف كان شيء طبيعي لما تعرف الحقيقة عقلها اللي كبر ع الفكرة دي هيصدّق أن في أهل ممكن يبيعوا ولادهم ويتخلّوا عنهم، ومتنسوش أن نغم اللي هي بنت ماجد الحقيقية ومع ذلك هو كان يعلّمها الرقص وعايز يدخّلها بشغله القذر وكأنها مش بنته .. وكل ده فريدة كانت شاهدة عليه تماماً
يعني حتى لو عرفت الحقيقة مش هيتغيّر تفكريها بسرعة مادام ماجد مش أبوها ومش هتفكّر أن عشان كده كان يميز بينهم عشان هي مش بنته كل التفكير ده مش هيخطر في بالها لأن قصاد عينها شايفاه بيعامل بنته وكأنها سلعة مش أكتر ..

⚫الحاجة اللي غايبة عن بالكم: أن فريدة بدأت انتقام من حمزة أول شخص قبل تقريباً سنة ونص من انتقامها من عمار ..
لاحظوا أن حمزة يعرف مهرة من أكتر من سنة ومهرة كانت مهمّتها تتقرّب منه وتعلّقه بيها وتوديه لطريق قذر بس قلبها تغلّب عليها ومقدرتش تكمل المهمة خاصة لما شافت اهتمامه بيها وسعيه أنه يخلّصها من الحياة اللي هي كانت مجبورة عليها لذلك الانتقام ده فشل ..
يعني لما كانت فريدة قاعدة بتراقب العيلة من بعيد وبتشوف صورهم وحبهم لبعض هي كانت بالأساس بدأت انتقامها فعلاً مش لسا كان هيبدأ ..! لذلك التراجع مكانش حلّ عندها خاصة أن دماغها تبرمجت ع العقلية اللي تربت عليها ..
متنسوش أنها عاشت مع ماجد اللي شحنها ضد أهلها وضد حياتها وضده هو كمان هو ملأ قلبها حقد وكره وقسوة وغرور والمشاعر دي مش بلحظة بتختفي ..
أنا بقدر أعملها تغيّرت والعيلة حبتها وحيدر وعمار سامحوها بس عذراً يعني ده هيبقى أسمه خيال أصل مفيش حاجة بالحياة بالسهولة دي ومادام أنا بدأت في طريق لازم أكمله للآخر وبطريقة واقعية ومنطقية ومُقنعة بنفس الوقت ..